អន្តរជាតិ
យោធាអាមេរិក និងកូរ៉េខាងត្បូងក្នុងសមយុទ្ធកន្លងមក (រូបភាព៖ CGTN)
×![]()
ដោយ: តន ចាន់រិទ្ធារ៉ា
អាមេរិក និងកូរ៉េខាងត្បូង នឹងធ្វើសមយុទ្ធយោធាទ្រង់ទ្រាយធំចំនួនពីរនៅដើមខែមេសាខាងមុខ បន្ទាប់ពីពន្យារពេលដោយសារព្រឹត្តិការណ៍អូឡាំពិករដូវងានៅខែកុម្ភៈ និងប៉ារ៉ាឡាំពិករដូវរងាក្នុងខែមីនានេះ។ នៅថ្ងៃទី២០ ខែមីនា ក្រសួងការពារជាតិកូរ៉េខាងត្បូងប្រកាសថា សមយុទ្ធ Key Resolve និង Foal Eagle នឹងមានទំហំដូចឆ្នាំកន្លងទៅដែរ។ ជាទម្លាប់ កូរ៉េខាងជើងតែងបង្ហាញការខឹងសម្បារនឹងសមយុទ្ធនេះ និងចាត់ទុកជាការត្រៀមឈ្លានពានខ្លួន។
ក្រោយការពន្យារពេលមួយខែមក សមយុទ្ធយោធាប្រចាំឆ្នាំរួមគ្នារវាងយោធាអាមេរិក និងកូរ៉េខាងត្បូង នឹងចាប់ផ្ដើមឡើងវិញនៅថ្ងៃទី១ ខែមេសាខាងមុខ។ សមយុទ្ធនេះធ្វើឡើងចំពេលដែលទំនាក់ទំនងរវាងកូរ៉េខាងជើង ជាមួយអាមេរិក និងកូរ៉េខាងត្បូង ហាក់ប្រសើរឡើងរហូតដល់មានគម្រោងរៀបចំជំនួបមេដឹកនាំកំពូលទៀតផង។ សមយុទ្ធរួមគ្នានៅឧបទ្វីបកូរ៉េលើកនេះ រំពឹងថា នឹងបញ្ចប់នៅដំណាច់ខែឧសភា។
បើតាមទីភ្នាក់ងារព័ត៌មាន Xinhua សមយុទ្ Foal Eagle ដែលជាលំហាត់លើទីលាននឹងចាប់ផ្ដើមនៅថ្ងៃទី១ ខែមេសា ឯសមយុទ្ធ Key Resolve ដែលជាការហ្វឹកហាត់គ្រប់គ្រងស្ថានការណ៍ក្រោយវិបត្តិនឹងធ្វើរយៈពេលពេលពីរសប្ដាហ៍ និងបញ្ចប់នៅថ្ងៃទី២៣ ខែមេសា។ ក្នុងសេចក្ដីប្រកាសព័ត៌មានរបស់ខ្លួន ក្រសួងការពារជាតិកូរ៉េខាងត្បូងបញ្ជាក់ថា សមយុទ្ធទាំងពីរនេះមានទ្រង់ទ្រាយដូចសមយុទ្ធលើកមុនៗដែរ។
ទាហានអាមេរិកប្រហែល២៣៧០០នាក់ និងទាហានកូរ៉េខាងត្បូង៣សែននាក់ នឹងចូលរួមក្នុងសមយុទ្ធដ៏ធំទាំងពីរនេះ។ នេះបើតាមការប្រកាសរបស់អ្នកនាំពាក្យមន្ទីរបញ្ចកោណលោក Christopher Logan ។ អ្នកនាំពាក្យរូបនេះបន្តថា សមយុទ្ធរបស់យោធាអាមេរិក និងកូរ៉េខាងត្បូង មានលក្ខណៈការពារខ្លួនសុទ្ធសាធ និងគ្មានហេតុផលណាដែលកូរ៉េខាងជើងត្រូវចាត់ទុកលំហាត់នេះជាការបង្កហេតុឡើយ។
ជុំវិញសមយុទ្ធនេះដែរ យោធាកូរ៉េខាងត្បូងក៏បញ្ជាក់ពីការជូនដំណឹងទៅឲ្យកូរ៉េខាងជើងពីសំណាក់ទីបញ្ជាការអង្គការសហប្រជាជាតិផងដែរ។ ចំណែកឯគណៈកម្មការត្រួតពិនិត្យរបស់ប្រទេសអព្យាក្រឹតដែលមាននាទីតាមដានការអនុវត្តបទឈប់បាញ់ឆ្នាំ១៩៥៣ ក៏នឹងអង្កេតសមយុទ្ធរួមគ្នារបស់ទាហានអាមេរិក និងកូរ៉េខាងជើងដែរដើម្បីធានាថា សមយុទ្ធទាំងពីរនេះគោរពតាមបទឈប់បាញ់ដែលបញ្ចប់សង្គ្រាមកូរ៉េ។
បើតាមគម្រោងនេះ កាលបរិច្ឆេទសមយុទ្ធត្រូវរៀបចំស្របពេលជំនួបរវាងប្រធានាធិបតីកូរ៉េខាងត្បូង មូន ចេអ៊ីន និងមេដឹកនាំកូរ៉េខាងជើង គីម ជុងអ៊ុន ដែលគ្រោងធ្វើនៅដំណាច់ខែមេសានៅតំបន់គ្មានកងទ័ពខណ្ឌចែកកូរ៉េទាំងពីរ។ លោក គីម ជុងអ៊ុន ក៏គ្រោងជួបប្រធានាធិបតីអាមេរិក ដូណាល់ ត្រាំ នៅចុងខែឧសភាផងដែរ។ សមយុទ្ធនេះ អាចជាការធ្វើសម្បទានរបស់កូរ៉េខាងជើងសម្រាប់ជំនួបកំពូលមេដឹនាំទាំងបី៕
ក្រោយការពន្យារពេលមួយខែមក សមយុទ្ធយោធាប្រចាំឆ្នាំរួមគ្នារវាងយោធាអាមេរិក និងកូរ៉េខាងត្បូង នឹងចាប់ផ្ដើមឡើងវិញនៅថ្ងៃទី១ ខែមេសាខាងមុខ។ សមយុទ្ធនេះធ្វើឡើងចំពេលដែលទំនាក់ទំនងរវាងកូរ៉េខាងជើង ជាមួយអាមេរិក និងកូរ៉េខាងត្បូង ហាក់ប្រសើរឡើងរហូតដល់មានគម្រោងរៀបចំជំនួបមេដឹកនាំកំពូលទៀតផង។ សមយុទ្ធរួមគ្នានៅឧបទ្វីបកូរ៉េលើកនេះ រំពឹងថា នឹងបញ្ចប់នៅដំណាច់ខែឧសភា។
បើតាមទីភ្នាក់ងារព័ត៌មាន Xinhua សមយុទ្ Foal Eagle ដែលជាលំហាត់លើទីលាននឹងចាប់ផ្ដើមនៅថ្ងៃទី១ ខែមេសា ឯសមយុទ្ធ Key Resolve ដែលជាការហ្វឹកហាត់គ្រប់គ្រងស្ថានការណ៍ក្រោយវិបត្តិនឹងធ្វើរយៈពេលពេលពីរសប្ដាហ៍ និងបញ្ចប់នៅថ្ងៃទី២៣ ខែមេសា។ ក្នុងសេចក្ដីប្រកាសព័ត៌មានរបស់ខ្លួន ក្រសួងការពារជាតិកូរ៉េខាងត្បូងបញ្ជាក់ថា សមយុទ្ធទាំងពីរនេះមានទ្រង់ទ្រាយដូចសមយុទ្ធលើកមុនៗដែរ។
ទាហានអាមេរិកប្រហែល២៣៧០០នាក់ និងទាហានកូរ៉េខាងត្បូង៣សែននាក់ នឹងចូលរួមក្នុងសមយុទ្ធដ៏ធំទាំងពីរនេះ។ នេះបើតាមការប្រកាសរបស់អ្នកនាំពាក្យមន្ទីរបញ្ចកោណលោក Christopher Logan ។ អ្នកនាំពាក្យរូបនេះបន្តថា សមយុទ្ធរបស់យោធាអាមេរិក និងកូរ៉េខាងត្បូង មានលក្ខណៈការពារខ្លួនសុទ្ធសាធ និងគ្មានហេតុផលណាដែលកូរ៉េខាងជើងត្រូវចាត់ទុកលំហាត់នេះជាការបង្កហេតុឡើយ។
ជុំវិញសមយុទ្ធនេះដែរ យោធាកូរ៉េខាងត្បូងក៏បញ្ជាក់ពីការជូនដំណឹងទៅឲ្យកូរ៉េខាងជើងពីសំណាក់ទីបញ្ជាការអង្គការសហប្រជាជាតិផងដែរ។ ចំណែកឯគណៈកម្មការត្រួតពិនិត្យរបស់ប្រទេសអព្យាក្រឹតដែលមាននាទីតាមដានការអនុវត្តបទឈប់បាញ់ឆ្នាំ១៩៥៣ ក៏នឹងអង្កេតសមយុទ្ធរួមគ្នារបស់ទាហានអាមេរិក និងកូរ៉េខាងជើងដែរដើម្បីធានាថា សមយុទ្ធទាំងពីរនេះគោរពតាមបទឈប់បាញ់ដែលបញ្ចប់សង្គ្រាមកូរ៉េ។
បើតាមគម្រោងនេះ កាលបរិច្ឆេទសមយុទ្ធត្រូវរៀបចំស្របពេលជំនួបរវាងប្រធានាធិបតីកូរ៉េខាងត្បូង មូន ចេអ៊ីន និងមេដឹកនាំកូរ៉េខាងជើង គីម ជុងអ៊ុន ដែលគ្រោងធ្វើនៅដំណាច់ខែមេសានៅតំបន់គ្មានកងទ័ពខណ្ឌចែកកូរ៉េទាំងពីរ។ លោក គីម ជុងអ៊ុន ក៏គ្រោងជួបប្រធានាធិបតីអាមេរិក ដូណាល់ ត្រាំ នៅចុងខែឧសភាផងដែរ។ សមយុទ្ធនេះ អាចជាការធ្វើសម្បទានរបស់កូរ៉េខាងជើងសម្រាប់ជំនួបកំពូលមេដឹនាំទាំងបី៕
Tag:
អាមេរិក
កូរ៉េខាងត្បូង
កូរ៉េខាងជើង
© រក្សាសិទ្ធិដោយ thmeythmey.com
