រាជធានីភ្នំពេញ៖ នារសៀលថ្ងៃទី២០ ខែមីនា ឆ្នាំ២០១៨នេះ គណៈប្រតិភូធុរកិច្ចហុងកុងជាន់ខ្ពស់ បានអញ្ជើញមកធ្វើទស្សនៈកិច្ចនៅកម្ពុជា ក្នុងឱកាសសម្រាប់ការវិនិយោគ និងកិច្ចសហប្រតិបត្តិការអាជីវកម្ម ក្រោមគម្រោង«ផ្លូវមួយខ្សែក្រវ៉ាត់មួយ» ដែលធ្វើឡើងនៅឯសណ្ឋាគារ The Great Duke Phnom Penh Hotel ។
គួរបញ្ជាក់ផងដែរថា នៅក្នុងទស្សនៈកិច្ចមួយនេះ ត្រូវបានសហការរៀបចំដោយ សមាគមពាណិជ្ជកម្មហុងកុងនៅកម្ពុជា Hong Kong Business Association in Cambodia (HKBAC) ដែលនឹងពិភាក្សាសំខាន់អំពី ឱកាសសហការគ្នាក្នុងការផលិត និងការវិនិយោគ មានដូចជាផ្នែកហិរញ្ញវត្ថុ ធនាគារ និងហេដ្ឋារចនាសម្ព័ន្ធ ការអភិវឌ្ឍន៍ និងផ្នែកច្បាប់ពាណិជ្ជកម្មសំខាន់ៗមួយចំនួនទៀត។