អន្តរជាតិ
នាយករដ្ឋមន្រ្តីចិន លី ខឹឈាំង ក្នុងសន្និសីទសារព័ត៌មាននៅវិមានប្រជាជន (រូបភាព៖ Xinhua)
×![]()
ដោយ: តន ចាន់រិទ្ធារ៉ា
ក្រោយប្រកាសដំឡើងពន្ធនាំចូលលើផលិតផលដែកថែប និងអាលុយមីញ៉ូម រដ្ឋបាលប្រធានាធិបតី ដូណាល់ ត្រាំ ក៏ត្រៀមដំឡើងពន្ធថ្មីទៀត តែគោលដៅលើកនេះសំដៅលើចិនតែមួយប៉ុណ្ណោះ។ ចិនព្រមានពីការផ្ទុះឡើងសង្គ្រាមពាណិជ្ជកម្ម បើអាមេរិកជម្នះចាត់វិធានការមែននោះ។ នាយករដ្ឋមន្ត្រីចិន លី ខឹឈាំង បានប្រាប់ឲ្យអាមេរិកធ្វើអ្វីឲ្យមានហេតុផល ព្រោះសង្គ្រាមពាណិជ្ជកម្មនឹងគ្មានអ្នកណាឈ្នះឡើយ។
លទ្ធភាពដែលសង្គ្រាមពាណិជ្ជកម្មផ្ទុះឡើង បានកើនឡើងពីមួយថ្ងៃទៅមួយថ្ងៃ ក្រោយអាមេរិកប្រកាសដំឡើងពន្ធនាំចូលលើផលិតផលដែកថែប និងអាលុយមីញ៉ូម ហើយប្រទេសដែលរងផលប៉ះពាល់គំរាមឆ្លើយតបវិញ។ ស្របពេលនៃការដំឡើងពន្ធលើផលិតផលទាំងពីរនេះ អាមេរិកក៏មានផែនការដំឡើងពន្ធដោយឡែកមួយទៀតចំនួន៦០ពាន់លានដុល្លារ ដោយសំដៅចិនតែមួយគត់ជុំវិញករណីចិនលួចកម្មសិទ្ធិបញ្ញារបស់ខ្លួន។
ជុំវិញបញ្ហានេះ ប្រមុខរដ្ឋាភិបាលចិន លោក លី ខឹឈាំង បានស្នើឲ្យអាមេរិកគិតគូរឲ្យបានវែងឆ្ងាយ ព្រោះបើសង្គ្រាមពាណិជ្ជកម្មកើតឡើងមែន ចិន និងអាមេរិកចាញ់ដូចគ្នា។ ក្នុងសន្និសីទសារព័ត៌មានក្រោយកិច្ចប្រជុំសភានៅថ្ងៃទី២០ ខែមីនា នាយករដ្ឋមន្ត្រីចិនរូបនេះនិយាយថា ភាគីទាំងសងខាងគួរធ្វើសកម្មភាពឲ្យមានហេតុផល និងមិនត្រូវធ្វើអ្វីតាមអារម្មណ៍ឡើយ ដ្បិតគ្មាននរណាឈ្នះឡើយក្នុងសង្គ្រាមពាណិជ្ជកម្មនោះ។ នេះបើតាមការផ្សាយរបស់ទីភ្នាក់ងារព័ត៌មាន Xinhua ។
ដើមហេតុដែលនាំឲ្យអាមេរិកចង់ដំឡើងពន្ធនោះ ក៏ព្រោះតែអាមេរិកចោទចិនថា បានបង្ខំឲ្យក្រុមហ៊ុនអាមេរិកផ្ទេរកម្មសិទ្ធិបញ្ញារបស់ខ្លួនទៅឲ្យចិន ជាថ្លៃរកស៊ីនៅទីនោះ។ ឆ្លើយតបរឿងនេះ អាមេរិកក៏ដំឡើងពន្ធលើផលិតផលដែលប្រើបច្ចេកវិទ្យា ផលិតប្រើប្រាស់អេឡិចត្រូនិច ផលិតផលគមនាគមន៍ និងផលិតផលច្រើនមុខទៀត ដែលទទួលប្រយោជន៍ពីបច្ចេកវិទ្យាអាមេរិក។ ការដំឡើងពន្ធនេះ ក៏ជាចំណាត់ការកាត់បន្ថយឱនភាពពាណិជ្ជកម្មរបស់អាមេរិកផងដែរ។
អាមេរិកមានឱនភាពពាណិជ្ជកម្មដល់ទៅ៣៧៣ពាន់លានដុល្លារក្នុងការរកស៊ីជាមួយចិន ហើយលោកប្រធានាធិបតី ដូណាល់ ត្រាំ ចង់កាត់បន្ថយបរិមាណឱនភាពដ៏ធំនេះឲ្យបាន។ លោក លី ខឹឈាំង អះអាងថា ចិនក៏មិនចង់ឃើញឱនភាពពាណិជ្ជកម្មឡើយ មិនថាជាមួយអាមេរិក ឬប្រទេសណាមួយឡើយ។ អ្វីដែលចង់ចិនឃើញ គឺតុល្យភាពពាណិជ្ជកម្ម ព្រោះបើមិនដូច្នោះទេ ពាណិជ្ជកម្មទ្វេភាគីនឹងមិនស្ថិតស្ថេរឡើយ។
ទន្ទឹមនឹងការព្រមានពីគ្រោះថ្នាក់នៃសង្គ្រាមពាណិជ្ជកម្មជាមួយអាមេរិក មេដឹកនាំចិនលំដាប់ទីពីររូបនេះក៏ប្រកាសពីការបើកចំហរបស់ចិនក្នុងការស្វាគមន៍រាល់ក្រុមហ៊ុនទាំងអស់ដែលចង់រកស៊ីលើទឹកដីចិន។ អង្គុយអមដោយឧបនាយករដ្ឋមន្ត្រីចំនួនបួននាក់ លោក លី ខឹឈាំង បញ្ជាក់ថា ចិននឹងបើកទ្វារឲ្យកាន់តែធំទាំងវិស័យសេវាកម្ម និងផលិតកម្ម ហើយវាជាឱកាសសម្រាប់អាមេរិក។ លើសពីនោះ ចិននឹងការពារកម្មសិទ្ធិបញ្ញាឲ្យតឹងរ៉ឺងបំផុត៕
លទ្ធភាពដែលសង្គ្រាមពាណិជ្ជកម្មផ្ទុះឡើង បានកើនឡើងពីមួយថ្ងៃទៅមួយថ្ងៃ ក្រោយអាមេរិកប្រកាសដំឡើងពន្ធនាំចូលលើផលិតផលដែកថែប និងអាលុយមីញ៉ូម ហើយប្រទេសដែលរងផលប៉ះពាល់គំរាមឆ្លើយតបវិញ។ ស្របពេលនៃការដំឡើងពន្ធលើផលិតផលទាំងពីរនេះ អាមេរិកក៏មានផែនការដំឡើងពន្ធដោយឡែកមួយទៀតចំនួន៦០ពាន់លានដុល្លារ ដោយសំដៅចិនតែមួយគត់ជុំវិញករណីចិនលួចកម្មសិទ្ធិបញ្ញារបស់ខ្លួន។
ជុំវិញបញ្ហានេះ ប្រមុខរដ្ឋាភិបាលចិន លោក លី ខឹឈាំង បានស្នើឲ្យអាមេរិកគិតគូរឲ្យបានវែងឆ្ងាយ ព្រោះបើសង្គ្រាមពាណិជ្ជកម្មកើតឡើងមែន ចិន និងអាមេរិកចាញ់ដូចគ្នា។ ក្នុងសន្និសីទសារព័ត៌មានក្រោយកិច្ចប្រជុំសភានៅថ្ងៃទី២០ ខែមីនា នាយករដ្ឋមន្ត្រីចិនរូបនេះនិយាយថា ភាគីទាំងសងខាងគួរធ្វើសកម្មភាពឲ្យមានហេតុផល និងមិនត្រូវធ្វើអ្វីតាមអារម្មណ៍ឡើយ ដ្បិតគ្មាននរណាឈ្នះឡើយក្នុងសង្គ្រាមពាណិជ្ជកម្មនោះ។ នេះបើតាមការផ្សាយរបស់ទីភ្នាក់ងារព័ត៌មាន Xinhua ។
ដើមហេតុដែលនាំឲ្យអាមេរិកចង់ដំឡើងពន្ធនោះ ក៏ព្រោះតែអាមេរិកចោទចិនថា បានបង្ខំឲ្យក្រុមហ៊ុនអាមេរិកផ្ទេរកម្មសិទ្ធិបញ្ញារបស់ខ្លួនទៅឲ្យចិន ជាថ្លៃរកស៊ីនៅទីនោះ។ ឆ្លើយតបរឿងនេះ អាមេរិកក៏ដំឡើងពន្ធលើផលិតផលដែលប្រើបច្ចេកវិទ្យា ផលិតប្រើប្រាស់អេឡិចត្រូនិច ផលិតផលគមនាគមន៍ និងផលិតផលច្រើនមុខទៀត ដែលទទួលប្រយោជន៍ពីបច្ចេកវិទ្យាអាមេរិក។ ការដំឡើងពន្ធនេះ ក៏ជាចំណាត់ការកាត់បន្ថយឱនភាពពាណិជ្ជកម្មរបស់អាមេរិកផងដែរ។
អាមេរិកមានឱនភាពពាណិជ្ជកម្មដល់ទៅ៣៧៣ពាន់លានដុល្លារក្នុងការរកស៊ីជាមួយចិន ហើយលោកប្រធានាធិបតី ដូណាល់ ត្រាំ ចង់កាត់បន្ថយបរិមាណឱនភាពដ៏ធំនេះឲ្យបាន។ លោក លី ខឹឈាំង អះអាងថា ចិនក៏មិនចង់ឃើញឱនភាពពាណិជ្ជកម្មឡើយ មិនថាជាមួយអាមេរិក ឬប្រទេសណាមួយឡើយ។ អ្វីដែលចង់ចិនឃើញ គឺតុល្យភាពពាណិជ្ជកម្ម ព្រោះបើមិនដូច្នោះទេ ពាណិជ្ជកម្មទ្វេភាគីនឹងមិនស្ថិតស្ថេរឡើយ។
ទន្ទឹមនឹងការព្រមានពីគ្រោះថ្នាក់នៃសង្គ្រាមពាណិជ្ជកម្មជាមួយអាមេរិក មេដឹកនាំចិនលំដាប់ទីពីររូបនេះក៏ប្រកាសពីការបើកចំហរបស់ចិនក្នុងការស្វាគមន៍រាល់ក្រុមហ៊ុនទាំងអស់ដែលចង់រកស៊ីលើទឹកដីចិន។ អង្គុយអមដោយឧបនាយករដ្ឋមន្ត្រីចំនួនបួននាក់ លោក លី ខឹឈាំង បញ្ជាក់ថា ចិននឹងបើកទ្វារឲ្យកាន់តែធំទាំងវិស័យសេវាកម្ម និងផលិតកម្ម ហើយវាជាឱកាសសម្រាប់អាមេរិក។ លើសពីនោះ ចិននឹងការពារកម្មសិទ្ធិបញ្ញាឲ្យតឹងរ៉ឺងបំផុត៕
Tag:
ចិន
អាមេរិក
សង្គ្រាមពាណិជ្ជកម្ម
លី ខឹឈាំង
ដូណាល់ ត្រាំ
© រក្សាសិទ្ធិដោយ thmeythmey.com
