ជាតិ
សេដ្ឋកិច្ច
ការដេញថ្លៃប្រាក់រៀលក្នុងខែមីនានេះ កើនទ្វេដង
× ក្នុងប្រតិបត្តិការផ្ដល់សន្ទនីយភាពដោយមានការធានា (LPCO) លើកទី១៨ខែមីនានេះ ធនាគារជាតិនៃកម្ពុជា បានបញ្ចេញប្រាក់រៀល ៤០ពាន់លានរៀលដល់គ្រឹះស្ថានផ្ដល់កម្ចី។
សេចក្ដីជូនដំណឹងរបស់ធនាគារជាតិឲ្យដឹងថា មានគ្រឹះស្ថានចំនួន២បានជោគជ័យក្នុងការដេញថ្លៃ ក្នុងចំណោម៣គ្រឹះស្ថាន ដែលទទួលទឹកប្រាក់សរុប ៤០ពាន់លានរៀល ជាមួយអត្រាការប្រាក់ ៣,០៣ភាគរយក្នុងមួយឆ្នាំ។
បើធៀបនឹងការដេញថ្លៃក្នុងខែកុម្ភៈ ដែលទឹកប្រាក់សម្រេចបានមានចំនួន ២០ពាន់លានរៀល ការដេញថ្លៃប្រាក់រៀលក្នុងខែមីនានេះបានកើនឡើងទ្វេដង។
ការផ្ដល់កម្ចីប្រាក់រៀលដល់គ្រឹះស្ថានហិរញ្ញវត្ថុ តាមរយៈប្រតិបត្តិការ LPCO នេះ គឺធនាគារជាតិចង់ជំរុញការផ្ដល់កម្ចី និងចរាចរប្រាក់រៀលកាន់តែច្រើនក្នុងចរន្តសេដ្ឋកិច្ច៕
© រក្សាសិទ្ធិដោយ thmeythmey.com