ក្រុមកីឡាបាល់ទាត់ជម្រើសជាតិអេហ្ស៊ីបនឹងមានវត្តមានក្នុងព្រឹត្តិការណ៍កីឡាបាល់ទាត់ពិភពលោក FIFA World Cup 2018 នៅរុស្ស៊ី។ នេះជាការបង្ហាញខ្លួនលើកទី ៣ផងដែរសម្រាប់ក្រុមមកពីតំបន់អាហ្វ្រិកមួយនេះ បន្ទាប់ពីចូលរួម២ដងរួចមកហើយក្នុងឆ្នាំ ១៩៣៤ និង ១៩៩០។
គ្រូបង្វឹក៖ លោក Hector Cuper (អាហ្សង់ទីន)
លោក Hector Cuper ដែលជាអតីតអ្នកចាត់ការទូទៅក្រុម Valencia និង Inter Milan បានឡើងមកដឹកនាំអេហ្ស៊ីបនៅខែមីនាឆ្នាំ ២០១៥ ហើយធ្លាប់ជួយក្រុមនេះឈានទៅកាន់វគ្គផ្តាច់ព្រ័ត្រពានរង្វាន់ប្រចាំទ្វីបអាហ្វ្រិក CAF Africa Cup of Nations ឆ្នាំ ២០១៧ ទៀតផង។
បន្ទាប់មក អ្នកចាត់ការសញ្ជាតិអាហ្សង់ទីន វ័យ៦២ឆ្នាំរូបនេះ បាននាំក្រុមរហស្សនាម Pharaohs បង្ហាញខ្លួនជាលើកដំបូងសម្រាប់ការប្រកួតកីឡាបាល់ទាត់លំដាប់ទី១ពិភពលោក ចាប់តាំងពីឆ្នាំ ១៩៩០ ក្រោយពេលពួកគេបានឈរនៅលើកំពូលតារាងពូល E នៃវគ្គជម្រុះទ្វីបអាហ្វ្រិក។
កីឡាករឆ្នើម៖ ខ្សែប្រយុទ្ធ Mohamed Salah
វីរបុរស និងជា Key Player ដែលជួយអេហ្ស៊ីបបានទៅ World Cup នៅរុស្ស៊ីឆ្នាំក្រោយ គឺ Mohamed Salah។ ខ្សែប្រយុទ្ធឆ្នើមរបស់ហង្សក្រហម Liverpool រូបនេះ រកគ្រាប់បាល់បានស្ទើគ្រប់ការប្រកួត ហើយជាពិសេសគឺគ្រាប់បាល់ស៊ុតបញ្ចូលទីដ៏អស្ចារ្យ និងជាប់ជាប្រវត្តិសាស្ត្របាល់ទាត់អេហ្ស៊ីប ក្នុងអំឡុងការប្រកួតវគ្គជម្រុះដែលអេហ្ស៊ីបយកឈ្នះកុងហ្គោ ២-១។
ប្រវត្តិក្នុង World Cup៖
ជាការបង្ហាញខ្លួនលើកទី៣ សម្រាប់ក្រុមមកពីតំបន់អាហ្វ្រីកមួយនេះ បន្ទាប់ពីចូលរួម២ដងរួចមកហើយក្នុងឆ្នាំ ១៩៣៤ និង ១៩៩០។