ជាតិ
គណៈកម្មាធិការអាយស៊ីស៊ី-ព្រះវិហារ បើកកិច្ចប្រជុំពេញអង្គលើកទី៤ផ្តោតលើការជួសជុលប្រាសាទព្រះវិហារ
×![]()
ដោយ: ថ្មីៗ
គណៈកម្មាធិការសម្របសម្រួលអន្តរជាតិសម្រាប់ការអភិរក្ស និងលើកតម្លៃរមណីយដ្ឋានប្រាសាទព្រះវិហារ បានបើកកិច្ចប្រជុំពេញអង្គលើកទី៤របស់ខ្លួន នៅព្រឹកថ្ងៃទី២១ ខែមីនា ឆ្នាំ២០១៨ នៅស្នាក់ការអាជ្ញាធរជាតិអប្សរា។ កិច្ចប្រជុំនេះផ្តោតលើការងារជួសជុលប្រាសាទព្រះវិហារ និងមួយផ្នែកទៀតនៅប្រាសាទកោះកេរ។
ប្រធានអាជ្ញាធរជាតិព្រះវិហារ លោកបណ្ឌិត គឹម សេតារា មានប្រសាសន៍ថា កិច្ចប្រជុំនេះមានរបៀបវារៈសំខាន់ ផ្តោតលើការសហប្រតិបត្តិការ ពិសេសសហប្រធានប្រទេសចិន និងឥណ្ឌា ដែលបានសន្យាជួយជួសជុលប្រាសាទព្រះវិហារ និងមួយផ្នែកទៀតនៅប្រាសាទកោះកេរ។ ដូច្នេះកិច្ចប្រជុំនៅពេលនេះ ផ្តោតលើការងាររៀបចំគោលនយោបាយ និងសហប្រតិបត្តិការជាសំខាន់។
បញ្ហាប្រាសាទព្រះវិហារ ជាចំណុចសំខាន់ដែលនឹងជជែកក្នុងកិច្ចប្រជុំនៅពេលនេះ។ តាមប្រធានអាជ្ញាធរជាតិព្រះវិហារ ក្រៅពីបញ្ហាប្រាសាទដែលចាស់ទ្រុឌទ្រោមហើយនោះ នៅព្រះវិហារមានបញ្ហាបរិស្ថានមួយទៀតដែលទាមទារឱ្យយកចិត្តទុកដាក់ផងដែរ។ ដោយសារនៅតំបន់ភ្នំ ខែវស្សាមានបញ្ហាទឹកហូរច្រោះដីខ្លាំង និងខែប្រាំង មានភ្លើងឆេះព្រៃជាដើម។
មានប្រសាសន៍ក្នុងពិធីបើកកិច្ចប្រជុំពេញអង្គលើកទី៤ លោកស្រី ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ បានសម្តែងអារម្មណ៍សប្បាយរីករាយដែលបានចូលរួមក្នុងកិច្ចប្រជុំ និងមានឱកាសបង្ហាញពីការងារសំខាន់ៗដែលភាគីពាក់ព័ន្ធ បានបំពេញនាពេលកន្លងមក ដើម្បីការងារជួសជុល និងអភិរក្សនៅប្រាសាទព្រះវិហារ និងប្រាសាទកោះកេរ។ លោកស្រីបន្ថែមថា កិច្ចប្រជុំលើកទី៤នេះ សបញ្ជាក់ថាគណៈកម្មាធិការអាយស៊ីស៊ី-ព្រះវិហារ កំពុងដំណើរការបានត្រឹមត្រូវ ហើយលោកជំទាវសង្ឃឹមថា ឆាប់ៗខាងមុខនេះនឹងអាចពង្រីកសកម្មភាពការងារជួសជុលបន្ថែមទៀតនៅប្រាសាទព្រះវិហារ និងតំបន់កោះកេរ។
កិច្ចប្រជុំអាយស៊ីស៊ី-អង្គរ មានការចូលរួមជាអធិបតីភាពពីលោកស្រី ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ និងជាប្រធានអាជ្ញាធរជាតិអប្សរា សហប្រធានកិច្ចប្រជុំអាយស៊ីស៊ី-ព្រះវិហារ មានប្រទេសចិន និងប្រទេសឥណ្ឌា តំណាងទូត ស្ថាប័នដៃគូអភិវឌ្ឍន៍ រួមនិងមន្ត្រីរាជការសរុបប្រមាណជាង ១០០នាក់។
គួរបញ្ជាក់ថា នៅប្រាសាទព្រះវិហារមានតួចំនួន៥ ដែលតួទាំងនោះមានភាពទ្រុឌទ្រោម។ កន្លងមកភាគីចិន ធ្លាប់បានសន្យាជួសជុលតួទី១ ទី២ និងទី៣ ចំណែកភាគីឥណ្ឌា សន្យាជួយជួសជុលតួទី៥ និងជណ្ដើរខាងជើង និងផ្នែកខ្លះនៃតួទី១ ដែលសហប្រតិបត្តិការជាមួយភាគីចិន។ ចំណែកតួទី៤ ប្រទេសរុស្ស៊ី សន្យាជួយជួសជុលផងដែរ។ បណ្ឌិត គឹម សេតារា មានសុទិដ្ឋិនិយមថា ពេលអន្តរជាតិ និងអ្នកជំនាញខ្មែរ រួមគ្នាធ្វើការងារទាំងនេះរួមគ្នា នោះអាចសង្គ្រោះប្រាសាទបុរាណខ្មែរទាន់ពេលវេលា៕
ប្រធានអាជ្ញាធរជាតិព្រះវិហារ លោកបណ្ឌិត គឹម សេតារា មានប្រសាសន៍ថា កិច្ចប្រជុំនេះមានរបៀបវារៈសំខាន់ ផ្តោតលើការសហប្រតិបត្តិការ ពិសេសសហប្រធានប្រទេសចិន និងឥណ្ឌា ដែលបានសន្យាជួយជួសជុលប្រាសាទព្រះវិហារ និងមួយផ្នែកទៀតនៅប្រាសាទកោះកេរ។ ដូច្នេះកិច្ចប្រជុំនៅពេលនេះ ផ្តោតលើការងាររៀបចំគោលនយោបាយ និងសហប្រតិបត្តិការជាសំខាន់។
បញ្ហាប្រាសាទព្រះវិហារ ជាចំណុចសំខាន់ដែលនឹងជជែកក្នុងកិច្ចប្រជុំនៅពេលនេះ។ តាមប្រធានអាជ្ញាធរជាតិព្រះវិហារ ក្រៅពីបញ្ហាប្រាសាទដែលចាស់ទ្រុឌទ្រោមហើយនោះ នៅព្រះវិហារមានបញ្ហាបរិស្ថានមួយទៀតដែលទាមទារឱ្យយកចិត្តទុកដាក់ផងដែរ។ ដោយសារនៅតំបន់ភ្នំ ខែវស្សាមានបញ្ហាទឹកហូរច្រោះដីខ្លាំង និងខែប្រាំង មានភ្លើងឆេះព្រៃជាដើម។
មានប្រសាសន៍ក្នុងពិធីបើកកិច្ចប្រជុំពេញអង្គលើកទី៤ លោកស្រី ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ បានសម្តែងអារម្មណ៍សប្បាយរីករាយដែលបានចូលរួមក្នុងកិច្ចប្រជុំ និងមានឱកាសបង្ហាញពីការងារសំខាន់ៗដែលភាគីពាក់ព័ន្ធ បានបំពេញនាពេលកន្លងមក ដើម្បីការងារជួសជុល និងអភិរក្សនៅប្រាសាទព្រះវិហារ និងប្រាសាទកោះកេរ។ លោកស្រីបន្ថែមថា កិច្ចប្រជុំលើកទី៤នេះ សបញ្ជាក់ថាគណៈកម្មាធិការអាយស៊ីស៊ី-ព្រះវិហារ កំពុងដំណើរការបានត្រឹមត្រូវ ហើយលោកជំទាវសង្ឃឹមថា ឆាប់ៗខាងមុខនេះនឹងអាចពង្រីកសកម្មភាពការងារជួសជុលបន្ថែមទៀតនៅប្រាសាទព្រះវិហារ និងតំបន់កោះកេរ។
កិច្ចប្រជុំអាយស៊ីស៊ី-អង្គរ មានការចូលរួមជាអធិបតីភាពពីលោកស្រី ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ និងជាប្រធានអាជ្ញាធរជាតិអប្សរា សហប្រធានកិច្ចប្រជុំអាយស៊ីស៊ី-ព្រះវិហារ មានប្រទេសចិន និងប្រទេសឥណ្ឌា តំណាងទូត ស្ថាប័នដៃគូអភិវឌ្ឍន៍ រួមនិងមន្ត្រីរាជការសរុបប្រមាណជាង ១០០នាក់។
គួរបញ្ជាក់ថា នៅប្រាសាទព្រះវិហារមានតួចំនួន៥ ដែលតួទាំងនោះមានភាពទ្រុឌទ្រោម។ កន្លងមកភាគីចិន ធ្លាប់បានសន្យាជួសជុលតួទី១ ទី២ និងទី៣ ចំណែកភាគីឥណ្ឌា សន្យាជួយជួសជុលតួទី៥ និងជណ្ដើរខាងជើង និងផ្នែកខ្លះនៃតួទី១ ដែលសហប្រតិបត្តិការជាមួយភាគីចិន។ ចំណែកតួទី៤ ប្រទេសរុស្ស៊ី សន្យាជួយជួសជុលផងដែរ។ បណ្ឌិត គឹម សេតារា មានសុទិដ្ឋិនិយមថា ពេលអន្តរជាតិ និងអ្នកជំនាញខ្មែរ រួមគ្នាធ្វើការងារទាំងនេះរួមគ្នា នោះអាចសង្គ្រោះប្រាសាទបុរាណខ្មែរទាន់ពេលវេលា៕
Tag:
អាយស៊ីស៊ី-ព្រះវិហារ
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
