ជាតិ
រូបភាព៖ AKP
×![]()
សៀមរាប៖ កម្ពុជា បានធ្វើជាម្ចាស់រៀបចំទិវាចម្លាក់ឈើ ឆ្នាំ២០១៨នេះ ក្រោមប្រធានបទ «ព្រៃឈើ និងជីវិត»។ នៅក្នុងទិវាអន្តរជាតិនេះ មានជាងឈើ ជាងចម្លាក់ តន្ត្រីករ និងសិល្បករប្រមាណ ១០០ប្រទេសចូលរួម។
ទិវាចម្លាក់ឈើពិភពលោក (World Woods Day) នៃមូលនិធិអង្គការសង្គមវប្បធម៌ឈើអន្ដរជាតិ ធ្វើឡើងក្នុងគោលបំណងបណ្ដុះបណ្តាល និងអប់រំមនុស្ស នៅលើពិភពលោកឱ្យចេះស្រឡាញ់ និងចូលរួមដាំដើមឈើ ព្រោះថាដើមឈើជាជីវិតសម្រាប់មនុស្សលោក។
លោក ស៊ុំ ឈុំប៊ុន អនុប្រធានរាជបណ្ឌិត្យសភាកម្ពុជា បានឱ្យដឹងថា ទិវាចម្លាក់ឈើនេះ មានការចូលរួមពីជាងឈើ ជាងចម្លាក់ តន្ត្រីករ សិល្បករ និងវាគ្មិនជាតិ និងអន្ដរជាតិ ដែលមានបទពិសោធន៍ ហើយពួកគេនឹងផ្តោតលើការរចនា ការកែច្នៃ ការសម្ដែង ការបង្ហាញនូវស្នាដៃដ៏វិចិត្ររបស់ខ្លួន ស្តីពីការប្រើប្រាស់ឈើ ដើម្បីជំរុញឱ្យមានការស្រឡាញ់ ការចូលរួមថែរក្សា និងដាំដើមឈើ។ លោកបន្ថែមថា អ្នកចូលរួមទាំងអស់សរុបប្រមាណ ៥៥០នាក់ ដែលមកពីបណ្តាប្រទេសប្រមាណ ១០០ នៅជុំវិញពិភពលោក។
ថ្លែងក្នុងពិធីនោះដែរ រដ្ឋមន្ត្រីក្រសួងព័ត៌មាន លោក ខៀវ កាញារីទ្ធ ថ្លែងថា ទិវាចម្លាក់ឈើនេះ នឹងផ្តល់វិភាគទានដ៏មានតម្លៃសម្រាប់សង្គមជាតិ និងវឌ្ឍនភាពនៃព្រៃឈើ ការប្រើប្រាស់ ការស្រឡាញ់ ការចូលរួមថែរក្សា និងការដាំដើមឈើឡើងវិញ។ លោករដ្ឋមន្ត្រីបន្ថែមថា ទិវានេះដែរ នឹងមានកម្មវិធីជាច្រើនទៀត ដូចជា វេទិកាវិទ្យាសាស្ត្រ សិប្បកម្មឈើ រចនាឈើ ចម្លាក់ឈើ ចម្លាក់ក្រឡឹង ចម្លាក់ប្រជាប្រីយ៍ ការផលិត សង្ហារិម ស្ថាបត្យកម្មពីឈើ ការអប់រំកុមារស្ដីពីដើមឈើ ការសម្ដែងសិល្បៈដែលប្រើប្រាស់ឧបករណ៍ធ្វើពីឈើ ការផ្សព្វផ្សាយឯកសារទេសចរណ៍ ស្ដីពីវប្បធម៌នៃដើមឈើ និងការដាំដើមឈើជាដើម។
ទិវាចម្លាក់ឈើ ត្រូវបានរៀបចំធ្វើជារៀងរាល់ឆ្នាំនៅថ្ងៃទី២១ ខែមីនា។ ទិវានេះ បានចាប់ផ្តើមធ្វើនៅឆ្នាំ២០១៣ ដែលរៀបចំនៅប្រទេស តង់សានី ក្នុងទ្វីបអាហ្វ្រិក លើកទី២ ឆ្នាំ២០១៤ នៅប្រទេសចិន លើកទី៣ ឆ្នាំ២០១៥ នៅប្រទេសតួកគី លើក៤ ឆ្នាំ២០១៦ នៅប្រទេសនេប៉ាល់ លើកទី៥ ឆ្នាំ២០១៧ ធ្វើនៅសហរដ្ឋអាមេរិក និងលើកទី៦ ឆ្នាំ២០១៨ ប្រារព្ធធ្វើនៅប្រទេសកម្ពុជា នាខេត្តសៀមរាប។
ទិវាចម្លាក់ឈើពិភពលោកឆ្នាំ២០១៨ មានរយៈពេល៥ថ្ងៃ ចាប់ពីថ្ងៃទី២១ ដល់ថ្ងៃទី២៥ ខែមីនា ដែលរៀបចំដោយ មជ្ឈមណ្ឌលស្រាវជ្រាវអាស៊ីនៃរាជបណ្ឌិត្យសភាកម្ពុជា ក្រោមការឧបត្ថម្ភដោយ អង្គការសង្គមវប្បធម៌ឈើអន្ដរជាតិ (IWCS) អង្គការ IUFOR និងមូលនិធិទិវាឈើពិភពលោក។ ស្ថាប័នអន្ដរជាតិទាំងនេះ ជាអង្គការ និងមូលនិធិមិនស្វែងរកប្រាក់កម្រៃ និងផ្តោតការយកចិត្តទុកដាក់លើកការអប់រំ ការផ្សព្វផ្សាយ និងលើកកម្ពស់ការស្រឡាញ់ដើមឈើ លើកកម្ពស់មេត្រីភាព បរិស្ថាន ពង្រឹងឱ្យមានការរីកដុះដាលឡើងវិញនូវជីវវត្ថុ និងការពង្រីកការយល់ដឹងឱ្យកាន់តែទូលំទូលាយ នូវការប្រើប្រាស់ឈើប្រកបដោយនិរន្ដរភាពទៅអនាគត៕
ទិវាចម្លាក់ឈើពិភពលោក (World Woods Day) នៃមូលនិធិអង្គការសង្គមវប្បធម៌ឈើអន្ដរជាតិ ធ្វើឡើងក្នុងគោលបំណងបណ្ដុះបណ្តាល និងអប់រំមនុស្ស នៅលើពិភពលោកឱ្យចេះស្រឡាញ់ និងចូលរួមដាំដើមឈើ ព្រោះថាដើមឈើជាជីវិតសម្រាប់មនុស្សលោក។
លោក ស៊ុំ ឈុំប៊ុន អនុប្រធានរាជបណ្ឌិត្យសភាកម្ពុជា បានឱ្យដឹងថា ទិវាចម្លាក់ឈើនេះ មានការចូលរួមពីជាងឈើ ជាងចម្លាក់ តន្ត្រីករ សិល្បករ និងវាគ្មិនជាតិ និងអន្ដរជាតិ ដែលមានបទពិសោធន៍ ហើយពួកគេនឹងផ្តោតលើការរចនា ការកែច្នៃ ការសម្ដែង ការបង្ហាញនូវស្នាដៃដ៏វិចិត្ររបស់ខ្លួន ស្តីពីការប្រើប្រាស់ឈើ ដើម្បីជំរុញឱ្យមានការស្រឡាញ់ ការចូលរួមថែរក្សា និងដាំដើមឈើ។ លោកបន្ថែមថា អ្នកចូលរួមទាំងអស់សរុបប្រមាណ ៥៥០នាក់ ដែលមកពីបណ្តាប្រទេសប្រមាណ ១០០ នៅជុំវិញពិភពលោក។
ថ្លែងក្នុងពិធីនោះដែរ រដ្ឋមន្ត្រីក្រសួងព័ត៌មាន លោក ខៀវ កាញារីទ្ធ ថ្លែងថា ទិវាចម្លាក់ឈើនេះ នឹងផ្តល់វិភាគទានដ៏មានតម្លៃសម្រាប់សង្គមជាតិ និងវឌ្ឍនភាពនៃព្រៃឈើ ការប្រើប្រាស់ ការស្រឡាញ់ ការចូលរួមថែរក្សា និងការដាំដើមឈើឡើងវិញ។ លោករដ្ឋមន្ត្រីបន្ថែមថា ទិវានេះដែរ នឹងមានកម្មវិធីជាច្រើនទៀត ដូចជា វេទិកាវិទ្យាសាស្ត្រ សិប្បកម្មឈើ រចនាឈើ ចម្លាក់ឈើ ចម្លាក់ក្រឡឹង ចម្លាក់ប្រជាប្រីយ៍ ការផលិត សង្ហារិម ស្ថាបត្យកម្មពីឈើ ការអប់រំកុមារស្ដីពីដើមឈើ ការសម្ដែងសិល្បៈដែលប្រើប្រាស់ឧបករណ៍ធ្វើពីឈើ ការផ្សព្វផ្សាយឯកសារទេសចរណ៍ ស្ដីពីវប្បធម៌នៃដើមឈើ និងការដាំដើមឈើជាដើម។
ទិវាចម្លាក់ឈើ ត្រូវបានរៀបចំធ្វើជារៀងរាល់ឆ្នាំនៅថ្ងៃទី២១ ខែមីនា។ ទិវានេះ បានចាប់ផ្តើមធ្វើនៅឆ្នាំ២០១៣ ដែលរៀបចំនៅប្រទេស តង់សានី ក្នុងទ្វីបអាហ្វ្រិក លើកទី២ ឆ្នាំ២០១៤ នៅប្រទេសចិន លើកទី៣ ឆ្នាំ២០១៥ នៅប្រទេសតួកគី លើក៤ ឆ្នាំ២០១៦ នៅប្រទេសនេប៉ាល់ លើកទី៥ ឆ្នាំ២០១៧ ធ្វើនៅសហរដ្ឋអាមេរិក និងលើកទី៦ ឆ្នាំ២០១៨ ប្រារព្ធធ្វើនៅប្រទេសកម្ពុជា នាខេត្តសៀមរាប។
ទិវាចម្លាក់ឈើពិភពលោកឆ្នាំ២០១៨ មានរយៈពេល៥ថ្ងៃ ចាប់ពីថ្ងៃទី២១ ដល់ថ្ងៃទី២៥ ខែមីនា ដែលរៀបចំដោយ មជ្ឈមណ្ឌលស្រាវជ្រាវអាស៊ីនៃរាជបណ្ឌិត្យសភាកម្ពុជា ក្រោមការឧបត្ថម្ភដោយ អង្គការសង្គមវប្បធម៌ឈើអន្ដរជាតិ (IWCS) អង្គការ IUFOR និងមូលនិធិទិវាឈើពិភពលោក។ ស្ថាប័នអន្ដរជាតិទាំងនេះ ជាអង្គការ និងមូលនិធិមិនស្វែងរកប្រាក់កម្រៃ និងផ្តោតការយកចិត្តទុកដាក់លើកការអប់រំ ការផ្សព្វផ្សាយ និងលើកកម្ពស់ការស្រឡាញ់ដើមឈើ លើកកម្ពស់មេត្រីភាព បរិស្ថាន ពង្រឹងឱ្យមានការរីកដុះដាលឡើងវិញនូវជីវវត្ថុ និងការពង្រីកការយល់ដឹងឱ្យកាន់តែទូលំទូលាយ នូវការប្រើប្រាស់ឈើប្រកបដោយនិរន្ដរភាពទៅអនាគត៕
Tag:
ទិវាចម្លាក់ឈើ
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
