ត្រួតពិនិត្យ ៧ស្ថានីយ៍រកឃើញទាំង ៧ លក់មិនគ្រប់លីត្រនៅក្រុងបាត់ដំបង

ជាតិ

សេដ្ឋកិច្ច

ត្រួតពិនិត្យ ៧ស្ថានីយ៍រកឃើញទាំង ៧ លក់មិនគ្រប់លីត្រនៅក្រុងបាត់ដំបង

21, Mar 2018 , 10:59 pm

រូបភាព

រូបពីអគ្គនាយកដ្ឋានកាំកុងត្រូល

ដោយ: ថ្មីៗ

បាត់ដំបង៖ ក្នុងប្រតិបត្តិការចុះត្រួតពិនិត្យផ្នែកម្ហូបអាហារ និងផ្នែកប្រេងឥន្ធនៈ ក្នុងក្រុងបាត់ដំបង នៅថ្ងៃទី២០ខែមីនា មន្ត្រីជំនាញកាំកុងត្រូល បានរកឃើញភាពមិនប្រក្រតីតិចតួចលើផ្នែកចំណីអាហារ។ តែផ្នែកប្រេងវិញ មន្ត្រីជំនាញរកឃើញការប្រព្រឹត្តខុសគ្រប់ស្ថានីយទាំង៧ ដែលបានចុះត្រួតពិនិត្យ។

មន្ត្រីជំនាញកាំកុងត្រូល បានត្រួតពិនិត្យស្ថានីយចំនួន៧ នៅក្នុងក្រុងបាត់ដំបង ខេត្តបាត់ដំបង។ ជាលទ្ធផល រកឃើញស្ថានីយចំនួន ៥ លួចបន្លំបរិមាណ និងគុណភាព ហើយស្ថានីយ២ទៀត លួចបន្លំតែបរិមាណ។ នេះបើតាមព័ត៌មានដែលផ្សព្វផ្សាយលើទំព័រហ្វេសប៊ុករបស់អគ្គនាយកដ្ឋានកាំកុងត្រូល។
មន្ត្រីកាំកុងត្រូលបានណែនាំ និងឲ្យម្ចាស់ស្ថានីយចុះកិច្ចសន្យាបញ្ឈប់ការលក់កេងបន្លំដូចនេះទៀត។

ដោយឡែកផ្នែកម្ហូបអាហារវិញ មន្ត្រីកាំកុងត្រូលអះអាងថាមានតែ ២គំរូសំណាកប៉ុណ្ណោះ (ក្នុងចំណោម ១១៨ គំរូ) ដែលមានវត្តមានសាធាតុគីមីហាមឃាត់បូរ៉ាក់ ទៅលើគុយទាវសសៃធំ និងមីដុំសសៃលឿង៕