ជាតិ
គ.ជ.ប សុំចូលជាសមាជិកអង្គការបោះឆ្នោតពិភពលោក ដើម្បីបង្ហាញពីភាពអព្យាក្រឹត្យខ្លួននៅឆាកអន្តរជាតិ
×![]()
ដោយ: ធឿន បញ្ញាឬទិ្ធ
ភ្នំពេញ៖ គណៈកម្មាធិការជាតិរៀបចំការបោះឆ្នោត (គជប) បានដាក់ពាក្យចូលជាសមាជិកអង្គការបោះឆ្នោតពិភពលោកហើយ ក្រោយពីពិចារណាយ៉ាងសុក្រឹត្យ លើស្ថាប័នដែលមូលដ្ឋាននៅប្រទេសកូរ៉េមួយនេះ។ ឱកាសដែល គ.ជ.ប មើលឃើញនោះ គឺអាចបង្ហាញពីសុក្រឹត្យភាពរបស់ខ្លួន ក្នុងការរៀបចំការបោះឆ្នោតនៅកម្ពុជា ដល់បណ្ដាប្រទេសនានាក្នុងឆាកអន្តរជាតិឲ្យបានយល់ និងកុំឲ្យវាយតម្លៃខុសលើកម្ពុជា។
បើគណៈកម្មាធិការជាតិរៀបចំការបោះឆ្នោត (គ.ជ.ប) អាចចូលជាសមាជិកអង្គការបោះឆ្នោតសាកលមែននោះ វានឹងផ្ដល់ប្រយោជន៍ច្រើនដល់កម្ពុជា។ ប្រយោជន៍ទី១ គឺ គ.ជ.ប កម្ពុជា អាចរៀនសូត្រពីការរៀបចំដំណើការបោះឆ្នោត ពីបណ្ដាប្រទេសផ្សេងៗបន្ថែមទៀត និងទី២ គ.ជ.ប អាចបង្ហាញពីភាពត្រឹមត្រូវរបស់ខ្លួន ទៅដល់ប្រទេសនានា ឲ្យបានដឹងនិងទទួលស្គាល់ ចំពោះដំណើការបោះឆ្នោតនៅកម្ពុជា។ នេះជាការបញ្ជាក់របស់លោក ហង្ស ពុទ្ធា អ្នកពាក្យគណៈកម្មាធិការជាតិរៀបចំការបោះឆ្នោត ដែលបានបន្ថែមថា អង្គការបោះឆ្នោតសាកល កំពុងយកសំណើរគ.ជ.ប ទៅពិនិត្យនិងដាក់ពិភាក្សាក្នុងស្ថាប័ននេះ។
ថ្លែងប្រាប់សារព័ត៌មានថ្មីៗ លោក ហង្ស ពុទ្ធា បាននិយាយដូច្នេះថា៖«មុននឹងសុំចូលនេះ ក៏ខាងអគ្គលេខាសមាគមបោះឆ្នោតសាកល បានមកបញ្ចុះបញ្ចូលស្នើសុំឲ្យគ.ជ.ប ចូលជាសមាជិក ហើយ គ.ជ.ប រំពឹងថា គ្មានអ្វីជាឧបសគ្គទេ ព្រោះខាងសមាគមបោះឆ្នោតពិភពលោកនេះ មកអញ្ជើញយើងចូល…។ ទី១ គឺគ.ជ.ប បានផ្លាស់ប្ដូរបទពិសោធន៍រៀបចំបោះឆ្នោតជាមួយប្រទេសនៅលើសាកលលោកជាង១០០ប្រទេស។ ទី២ គ.ជ.ប ទទួលបានវេទិកាមួយ ជាមួយបណ្ដាប្រទេសផ្សេងទៀត ដែលត្រូវធ្វើឲ្យបណ្ដាប្រទេសផ្សេងស្គាល់អ្វីដែលជាតួនាទី និងការទទួលខុសត្រូវរបស់កម្ពុជា ទៅមជ្ឈដ្ឋានមួយចំនួន ដែលមិនយល់ពីការបោះឆ្នោតនៅកម្ពុជា ហើយវាយតម្លៃផ្ដេសផ្ដាសធ្វើឲ្យប៉ះពាល់គជប ។ ដូច្នេះវាជាឱកាសសម្រាប់គ.ជ.ប»។
សំឡេងលោក ហង្ស ពុទ្ធា៖
កាលពីចុងឆ្នាំ២០១៧ អគ្គលេខានៃសមាគមបោះឆ្នោតពិភពលោក (A-WEB) លោក គីម យ៉ុង ហ៊ី បានមកជួបជាមួយប្រធានគ.ជ.បកម្ពុជា លោក ស៊ិក ប៊ុនហុក ដើម្បីពិភាក្សាលើការចូលរួមជាសមាជិករបស់ស្ថាប័នបោះឆ្នោតពិភពលោកមួយនេះ។
សមាគមបោះឆ្នោតពិភពលោក A-WEB បង្កើតកាលពីខែតុលាឆ្នាំ២០១៣ ដែលមានមូលដ្ឋានក្នុងប្រទេសកូរ៉េខាងត្បូង ។ សមាគមនេះ មានសមាជិក១០៩ មកពី១០៣ប្រទេសលើសកលលោក ដែលកំពុងធ្វើការងាររួមគ្នា ដើម្បីធ្វើយ៉ាងណាឲ្យការបោះឆ្នោតក្នងប្រទេសសមាជិកនីមួយៗ ប្រព្រឹត្តទៅកាន់តែមានសុក្រឹត្យភាព និងតម្លាភាព ។ សមាគមបោះឆ្នោតពិភពលោក A-WEB ជាសមាគមមិនធ្វើនយោបាយ មានស្វ័យភាពនិងឯករាជ្យ ដែលរួមបញ្ចូលសមាជិកពីគណៈកម្មាធិការជាតិរៀបចំការបោះឆ្នោតពិភពលោក និងគ្មានឆន្ទៈលូកដៃចូលក្នុងដែនអធិបតេយ្យរបស់ប្រទេសជាសមាជិកនោះទេ៕ នេះបើតាមការបញ្ជាក់របស់គណៈកម្មាធិការជាតិរៀបចំការបោះឆ្នោត៕
បើគណៈកម្មាធិការជាតិរៀបចំការបោះឆ្នោត (គ.ជ.ប) អាចចូលជាសមាជិកអង្គការបោះឆ្នោតសាកលមែននោះ វានឹងផ្ដល់ប្រយោជន៍ច្រើនដល់កម្ពុជា។ ប្រយោជន៍ទី១ គឺ គ.ជ.ប កម្ពុជា អាចរៀនសូត្រពីការរៀបចំដំណើការបោះឆ្នោត ពីបណ្ដាប្រទេសផ្សេងៗបន្ថែមទៀត និងទី២ គ.ជ.ប អាចបង្ហាញពីភាពត្រឹមត្រូវរបស់ខ្លួន ទៅដល់ប្រទេសនានា ឲ្យបានដឹងនិងទទួលស្គាល់ ចំពោះដំណើការបោះឆ្នោតនៅកម្ពុជា។ នេះជាការបញ្ជាក់របស់លោក ហង្ស ពុទ្ធា អ្នកពាក្យគណៈកម្មាធិការជាតិរៀបចំការបោះឆ្នោត ដែលបានបន្ថែមថា អង្គការបោះឆ្នោតសាកល កំពុងយកសំណើរគ.ជ.ប ទៅពិនិត្យនិងដាក់ពិភាក្សាក្នុងស្ថាប័ននេះ។
ថ្លែងប្រាប់សារព័ត៌មានថ្មីៗ លោក ហង្ស ពុទ្ធា បាននិយាយដូច្នេះថា៖«មុននឹងសុំចូលនេះ ក៏ខាងអគ្គលេខាសមាគមបោះឆ្នោតសាកល បានមកបញ្ចុះបញ្ចូលស្នើសុំឲ្យគ.ជ.ប ចូលជាសមាជិក ហើយ គ.ជ.ប រំពឹងថា គ្មានអ្វីជាឧបសគ្គទេ ព្រោះខាងសមាគមបោះឆ្នោតពិភពលោកនេះ មកអញ្ជើញយើងចូល…។ ទី១ គឺគ.ជ.ប បានផ្លាស់ប្ដូរបទពិសោធន៍រៀបចំបោះឆ្នោតជាមួយប្រទេសនៅលើសាកលលោកជាង១០០ប្រទេស។ ទី២ គ.ជ.ប ទទួលបានវេទិកាមួយ ជាមួយបណ្ដាប្រទេសផ្សេងទៀត ដែលត្រូវធ្វើឲ្យបណ្ដាប្រទេសផ្សេងស្គាល់អ្វីដែលជាតួនាទី និងការទទួលខុសត្រូវរបស់កម្ពុជា ទៅមជ្ឈដ្ឋានមួយចំនួន ដែលមិនយល់ពីការបោះឆ្នោតនៅកម្ពុជា ហើយវាយតម្លៃផ្ដេសផ្ដាសធ្វើឲ្យប៉ះពាល់គជប ។ ដូច្នេះវាជាឱកាសសម្រាប់គ.ជ.ប»។
សំឡេងលោក ហង្ស ពុទ្ធា៖
កាលពីចុងឆ្នាំ២០១៧ អគ្គលេខានៃសមាគមបោះឆ្នោតពិភពលោក (A-WEB) លោក គីម យ៉ុង ហ៊ី បានមកជួបជាមួយប្រធានគ.ជ.បកម្ពុជា លោក ស៊ិក ប៊ុនហុក ដើម្បីពិភាក្សាលើការចូលរួមជាសមាជិករបស់ស្ថាប័នបោះឆ្នោតពិភពលោកមួយនេះ។
សមាគមបោះឆ្នោតពិភពលោក A-WEB បង្កើតកាលពីខែតុលាឆ្នាំ២០១៣ ដែលមានមូលដ្ឋានក្នុងប្រទេសកូរ៉េខាងត្បូង ។ សមាគមនេះ មានសមាជិក១០៩ មកពី១០៣ប្រទេសលើសកលលោក ដែលកំពុងធ្វើការងាររួមគ្នា ដើម្បីធ្វើយ៉ាងណាឲ្យការបោះឆ្នោតក្នងប្រទេសសមាជិកនីមួយៗ ប្រព្រឹត្តទៅកាន់តែមានសុក្រឹត្យភាព និងតម្លាភាព ។ សមាគមបោះឆ្នោតពិភពលោក A-WEB ជាសមាគមមិនធ្វើនយោបាយ មានស្វ័យភាពនិងឯករាជ្យ ដែលរួមបញ្ចូលសមាជិកពីគណៈកម្មាធិការជាតិរៀបចំការបោះឆ្នោតពិភពលោក និងគ្មានឆន្ទៈលូកដៃចូលក្នុងដែនអធិបតេយ្យរបស់ប្រទេសជាសមាជិកនោះទេ៕ នេះបើតាមការបញ្ជាក់របស់គណៈកម្មាធិការជាតិរៀបចំការបោះឆ្នោត៕
Tag:
ហង្ស ពុទ្ធា
គ.ជ.ប
បោះឆ្នោត
© រក្សាសិទ្ធិដោយ thmeythmey.com
