ជាតិ
សុខភាព
សុខាភិបាល ប្រាប់ឲ្យក្រុមហ៊ុននាំចូលផលិតផលផ្លូវភេទបុរសឈ្មោះ MaKa បញ្ឈប់សកម្មភាព
×![]()
ក្រសួងសុខាភិបាល បញ្ជាឲ្យក្រុមហ៊ុនឱសថបំប៉នផ្លូវភេទបុរសឈ្មោះ MaKa បញ្ឈប់សកម្មភាពលក់ និងចែកចាយផលិតផលនេះជាបន្ទាន់ មុននឹងក្រសួងចាត់វិធានការតាមផ្លូវច្បាប់។ ការព្រមានរបស់ក្រសួងសុខាភិបាល ធ្វើឡើងបន្ទាប់ក្រសួងពិនិត្យឃើញថា ផលិតផលជំនួយផ្លូវភេទបុរសនេះ គ្មានការទទួលស្គាល់ត្រឹមត្រូវ។
ក្រសួងសុខភិបាល បានបញ្ជាក់ថា ផលិតផលម៉ាក MaKa ដែលត្រូវបានក្រុមហ៊ុន ឬអ្នកចែកចាយមួយចំនួន ផ្សព្វផ្សាយពីគុណភាពក្នុងការជួយបំប៉នផ្លូវភេទបុរសនោះ គឺសុទ្ធតែជាពាក្យឃោសនាបំផ្លើសការពិតប៉ុណ្ណោះ។ ដើម្បីកុំឲ្យខាតបង់ប្រាក់កាស និងប៉ះពាល់ដល់សុខភាព ឬអាយុជីវិតអ្នកប្រើប្រាស់ ក្រសួងសុខាភិបាល ស្នើឲ្យពលរដ្ឋឈប់ជឿការឃោសនា និងការភូតកុហក ពីជនខិលខូចទាំងនោះ។
សេចក្ដីជូនដំណឹងរបស់ក្រសួងសុខាភិបាល ចុះថ្ងៃទី១៦ មីនា បានបញ្ជាក់ដូច្នេះថា៖«ឱសថបំប៉នបុរសឈ្មោះ Maka មួយប្រអប់មាន១០គ្រាប់ នាំចូលពីអាមេរិក ដែលជាឱសថបំប៉នផ្លូវភេទបុរសគ្មានចុះបញ្ជិកា គ្មានការត្រួតពិនិត្យ គ្មានការអនុញ្ញាតនាំចូល និងគ្មានការអនុញ្ញាតឲ្យផ្សព្វផ្សាយពីក្រសួងឡើយ។
បន្ថែមពីនេះ ក្រសួងសុខាភិបាល បញ្ជាឲ្យក្រុមហ៊ុននាំចូល និងចែកចាយ ផលិតផលជំនួយផ្លូវភេទបុរសខាងលើនេះ បញ្ឈប់សកម្មភាពលក់ និងផ្សព្វផ្សាយ ហើយប្រមូលយកផលិតផលទាំងនោះ ពីទីផ្សារវិញជាបន្ទាន់ មុននឹងអាជ្ញាធរចាត់វិធានការតាមផ្លូវច្បាប់។
«ក្រសួងសុខាភិបាលនឹងមានវិធានការតឹងរឹង ទៅតាមច្បាប់ ចំពោះក្រុមហ៊ុន ឬជនណា ដែលនាំចូល ចែកចាយ និងផ្សព្វផ្សាយ ឱសថបំប៉នផ្លូវភេទបុរសឈ្មោះ MaKa គ្មានការអនុញ្ញាត ពីក្រសួងសុខាភិបាល»។ នេះជាការព្រមានរបស់ក្រសួងសុខាភិបាល ដែលបានអំពាវនាវឲ្យពលរដ្ឋ រាយការណ៍មកអាជ្ញាធរ ឬក្រសួង ក្នុងករណីប្រទះឃើញផលិតផលឈ្មោះ MaKa នៅបន្តចរាចរណ៍លើទីផ្សារ៕
ក្រសួងសុខភិបាល បានបញ្ជាក់ថា ផលិតផលម៉ាក MaKa ដែលត្រូវបានក្រុមហ៊ុន ឬអ្នកចែកចាយមួយចំនួន ផ្សព្វផ្សាយពីគុណភាពក្នុងការជួយបំប៉នផ្លូវភេទបុរសនោះ គឺសុទ្ធតែជាពាក្យឃោសនាបំផ្លើសការពិតប៉ុណ្ណោះ។ ដើម្បីកុំឲ្យខាតបង់ប្រាក់កាស និងប៉ះពាល់ដល់សុខភាព ឬអាយុជីវិតអ្នកប្រើប្រាស់ ក្រសួងសុខាភិបាល ស្នើឲ្យពលរដ្ឋឈប់ជឿការឃោសនា និងការភូតកុហក ពីជនខិលខូចទាំងនោះ។
សេចក្ដីជូនដំណឹងរបស់ក្រសួងសុខាភិបាល ចុះថ្ងៃទី១៦ មីនា បានបញ្ជាក់ដូច្នេះថា៖«ឱសថបំប៉នបុរសឈ្មោះ Maka មួយប្រអប់មាន១០គ្រាប់ នាំចូលពីអាមេរិក ដែលជាឱសថបំប៉នផ្លូវភេទបុរសគ្មានចុះបញ្ជិកា គ្មានការត្រួតពិនិត្យ គ្មានការអនុញ្ញាតនាំចូល និងគ្មានការអនុញ្ញាតឲ្យផ្សព្វផ្សាយពីក្រសួងឡើយ។
បន្ថែមពីនេះ ក្រសួងសុខាភិបាល បញ្ជាឲ្យក្រុមហ៊ុននាំចូល និងចែកចាយ ផលិតផលជំនួយផ្លូវភេទបុរសខាងលើនេះ បញ្ឈប់សកម្មភាពលក់ និងផ្សព្វផ្សាយ ហើយប្រមូលយកផលិតផលទាំងនោះ ពីទីផ្សារវិញជាបន្ទាន់ មុននឹងអាជ្ញាធរចាត់វិធានការតាមផ្លូវច្បាប់។
«ក្រសួងសុខាភិបាលនឹងមានវិធានការតឹងរឹង ទៅតាមច្បាប់ ចំពោះក្រុមហ៊ុន ឬជនណា ដែលនាំចូល ចែកចាយ និងផ្សព្វផ្សាយ ឱសថបំប៉នផ្លូវភេទបុរសឈ្មោះ MaKa គ្មានការអនុញ្ញាត ពីក្រសួងសុខាភិបាល»។ នេះជាការព្រមានរបស់ក្រសួងសុខាភិបាល ដែលបានអំពាវនាវឲ្យពលរដ្ឋ រាយការណ៍មកអាជ្ញាធរ ឬក្រសួង ក្នុងករណីប្រទះឃើញផលិតផលឈ្មោះ MaKa នៅបន្តចរាចរណ៍លើទីផ្សារ៕
Tag:
សុខាភិបាល
ភ្នំពេញ
ឱសថ
© រក្សាសិទ្ធិដោយ thmeythmey.com
