ជាតិ
លោក ឯម សំអាន រដ្ឋលេខាធិការក្រសួងមហាផ្ទៃ ទទួលមរណភាព នៅព្រឹកនេះ
× នាយឧត្តមសេនីយ៍ ឯម សំអាន រដ្ឋលេខាធិការក្រសួងមហាផ្ទៃ បានទទួលមរណភាព ដោយរោគាពាធ នៅព្រឹក ទី២៤ ខែមីនា ឆ្នាំ២0១៨នេះ។ នេះបើតាមសារលើទំព័រហ្វេសបុករបស់លោក ពិន ពិសិដ្ឋ អគ្គនាយករងនៃអគ្គនាយកដ្ឋានអន្តោប្រវេសន៍ និងត្រូវជាកូនប្រសារបស់លោក ឯម សំអាន។
លោក ខៀវ សុភ័គ អ្នកនាំពាក្យក្រសួងមហាផ្ទៃ លើកឡើងថា លោកឯម សំអាន ទទួលមរណភាពក្នុងប្រទេសថៃ។ យ៉ាងណាក៏ដោយ លោក មិនទាន់ទទួលដំណឹងនោះទេថា សពរបស់លោក ឯម សំអាន នឹងត្រូវបញ្ជូនមកម្ពុជាវិញនៅពេលណា។
លោក ប្រាប់សារព័តមានថ្មីៗ តាមទូរសព្វ យ៉ាងដូច្នេះថា៖«ខ្ញុំ ក៏មិនដឹងដែរថា សពរបស់លោក នឹងត្រូវបញ្ជូមមកនៅពេលណា។ ទាល់គ្រួសារនៃសព ទើបដឹង។ ហើយគាត់ មានជំងឺអ្វី ក៏ខ្ញុំ មិនបានដឹងដែរ»។
លោក ឯម សំអាន ជាឥស្សរជន១រូប ក្នុងចំណោមឥស្សរជន១២រូបផ្សេងទៀត នៃក្រសួងមហាផ្ទៃ ដែលទទួលបានគោរមងារថា សន្តិបណ្ឌិត៕
© រក្សាសិទ្ធិដោយ thmeythmey.com