កីឡាជាតិ
ជាតិ
Thai Fight៖ ឡុង សុវណ្ណឌឿន ប៉ះជើងខ្លាំងថៃ ដែលផ្តួល ឡុង សុភី ឲ្យសន្លប់ក្នុងទឹកទី១ កីឡាករ ឡុង សុវណ្ណឌឿន (ខោក្រហម)ចាប់ដៃជាមួយគូប្រកួតក្រោយថ្លឹងទម្ងន់រួច
× អ្នកលេងគុនខ្មែរ ឡុង សុវណ្ណឌឿន នឹងបង្ហាញវត្តមានលើកដំបូងក្នុងព្រឹត្តិការណ៍ Thai Fight នាល្ងាចថ្ងៃសៅរ៍ ទី២៤ ខែមីនា ឆ្នាំ២០១៨ នៅប្រទេសថៃ។ សម្រាប់ការបង្ហាញវត្តមានលើកដំបូងនេះ ឡុង សុវណ្ណឌឿន ត្រូវប៉ះជើងខ្លាំងថៃ Saensatharn P.K.Saenchai Muaythai Gym ដែលផ្តួលឲ្យកីឡាករ ឡុង សុភី សន្លប់ក្នុងទឹកទី១។
នៅថ្ងៃសៅរ៍ ទី២៤ មីនានេះ អ្នកលេងគុនខ្មែរ ឡុង សុវណ្ណឌឿន ត្រូវតទល់ជាមួយជើងខ្លាំង Saensatharn P.K.Saenchai Muaythai Gym ក្នុងព្រឹត្តិការណ៍ Thai Fight នៅខេត្តណាក់ខនប្រទេសថៃ។ សម្រាប់ការបង្ហាញខ្លួនលើកដំបូងនេះ សុវណ្ណឌឿន អាចជួបការលំបាកបន្តិច ព្រោះដៃគូគេធ្លាប់ផ្តួលសិស្សច្បង ឡុង សុភី ឲ្យសន្លប់ត្រឹមទឹកទី១ក្នុងព្រឹត្តិការណ៍ដូចគ្នានេះ។
សម្រាប់ការប្រកួតល្ងាចនេះ ឡុង សុវណ្ណឌឿន ត្រូវធ្វើការធ្ងន់បន្តិច ព្រោះរូបគេត្រូវការឈ្នះ ដើម្បីសាងកេរឈ្មោះជូនប្រទេសជាតិ ពិសេសសងសឹកជូនរាមច្បង ឡុង សុភី ដែលបានខកចិត្តសម្រាប់ការបង្ហាញវត្តមានលើកដំបូងក្នុងព្រឹត្តិការណ៍ Thai Fight កាលពីពេលកន្លងទៅ។ ក្រៅពីជំនួបគូ ឡុង សុវណ្ណឌឿន ក៏មានការប្រកួតជាច្រើនគូទៀតផងដែរ៕
Tag:
Thai Fight
ឡុង សុវណ្ណឌឿន
© រក្សាសិទ្ធិដោយ thmeythmey.com