អន្តរជាតិ
មេធាវី៖ «កូនប្រុសបង្កើតមេដឹកនាំផ្តាច់ការ ហា្កដាវី អាចបង្រួបបង្រួមប្រជាជាតិលីប៊ីបាន»
×![]()
កូនប្រុសលោក មូអាម៉ា ហ្កាដាហ្វី អតីតមេដឹកនាំលីប៊ីលោក Saif Al-Islam Gaddafi នឹងឈរឈ្មោះជាប្រធានាធិបតីលីប៊ីនៅក្នុងឆ្នាំនេះ។ មេធាវីការពារលោកផ្ទាល់បានបញ្ជាក់ថា លោក Al-Islam ប្រហែលជាអាចមានលទ្ធភាពគ្រប់គ្រាន់ក្នុងការបង្រួបបង្រួមលីប៊ី និងរក្សាប្រយោជន៍ជាតិលីប៊ីបាន ក្នុងពេលដែលប្រទេសជាតិកំពុងបន្តប្រឈមបញ្ហា។
លីប៊ីនឹងរៀបចំការបោះឆ្នោតក្នុងឆ្នាំនេះប៉ុន្តែពេលវេលាពិតប្រាកដនោះមិនទាន់ត្រូវបានគេកំណត់នៅឡើយទេដោយសារបញ្ហានយោបាយនៅមិនទាន់ប្រសើរ។ ប៉ុន្តែគេត្រឹមដឹងថា កូនប្រុសមេដឹកនាំផ្តាច់ការលីប៊ីលោក មូអាម៉ា ហ្កាដាហ្វី ដែលត្រូវប្រជាជនលីប៊ីនិងលោកខាងលិចទម្លាក់ពីតំណែងនោះ នឹងឈរឈ្មោះក្នុងការប្រជែងយកតំណែងប្រធានាធិបតីលីប៊ីដែរ។
កូនប្រុសលោក ហ្កាដាហ្វី គឺលោក Saif Al-Islam Gaddafi បានប្រកាសថាលោកនឹងចូលរួមក្នុងការប្រជែងតំណែងនេះកាលពីថ្ងៃចន្ទដើមសប្តាហ៍កន្លងទៅ។ នេះបើតាមការចុះផ្សាយរបស់សារព័ត៌មានរុស្ស៊ី RTដែលស្រង់សម្តីមេធាវីផ្ទាល់ខ្លួនរបស់លោក គឺលោក Khaled Al-Ghwail។
សារព័ត៌មានរុស្ស៊ីដដែលផ្សាយថា មេធាវីខាងលើយល់ថា លោក Al-Islam មានលទ្ធភាពច្រើនក្នុងការឈ្នះការបោះឆ្នោតនេះ។ «លោក Saif Al-Islam មានអ្នកគាំទ្រច្រើន។ ពួកគេជាប្រជាជនសាមញ្ញ។ សូម្បីតែប្រជាជនដែលនាំគ្នាគាំទ្រចលនាបដិវត្តន៍អារ៉ាប់កន្លងមកនោះក៏ងាកមកគាំទ្រលោកដែរ»។ នេះជាការលើកឡើងរបស់លោក Khaled។
លោកបន្ថែមថា លោក Al-Islam មានសមត្ថភាពគ្រប់គ្រាន់ក្នុងការបង្រួបបង្រួមប្រជាជនលីប៊ីដែលនៅជុំវិញលោកក្នុងគោលដៅធ្វើយ៉ាងណាការពារប្រយោជន៍ជាតិ ហើយលោក៏មានលទ្ធភាពដឹកនាំកំណែទម្រង់នៅក្នុងប្រទេសដើម្បីនាំមុខការអភិវឌ្ឍ និងសន្តិភាពដូចគ្នា។
តាមពិតទៅកូនប្រុសរបស់លោក ហ្កាដាហ្វី ត្រូវស្ថិតក្រោមការចាប់ខ្លួនពីសំណាក់តុលាការព្រហ្មទណ្ឌអន្តរជាតិពាក់ព័ន្ធការបង្ក្រាបបាតុករក្នុងពេលឪពុកលោកនៅកាន់តំណែងនោះ។ លោកមិនដែលបង្ហាញមុខជាសាធារណៈរហូតមកដល់បច្ចុប្បន្នចាប់ពីពេលដែលលោកត្រូវបានគេដោះលែងចេញពីការចាប់ខ្លួនរបសក្រុមឧទ្ទាមកាលពីឆ្នាំ ២០១៧ មក។ លោកត្រូវបានក្រុមឧទ្ទាមចាប់ខ្លួនចាប់ពីឆ្នាំ ២០១១ម្ល៉េះ។
ក្នុងពេលដែលលោកត្រូវគេចាប់ខ្លួន តុលាការក្រុងទ្រីប៉ូលីដែលមានអង្គការសហប្រជាជាតិជាខ្នងបង្អែកនោះបានកាត់ទោសកំបាំងមុខឲ្យមានការប្រហារជីវិតរូបលោកផង។ ប៉ុន្តែពីរឆ្នាំក្រោយមក សភាលីប៊ីដែស្ថិតនៅ Tobruk ដែលប្រកួតប្រជែងអំណាចគ្នាជាមួយរដ្ឋាភិបាលដែលគាំទ្រដោយអង្គការសហប្រជាជាតិនោះបានសម្រេចលើកលែងទោសដល់លោក ហើយបន្ទាប់មកក៏មានការដោះលែងលោកឲ្យមានសេរីភាពតែម្តង។
បើតាមមេធាវីខាងលើ ទីតាំងដែលលោក Al-Islam ស្ថិតនៅនោះមិនអាចបង្ហើបឲ្យគេដឹងជាសាធារណៈបានឡើយដោយសារវាពាក់ព័ន្ធនឹងសុវត្ថិរបស់លោក។ លោកអះអាងថា បើលោកហ៊ានចេញមុខនៅពេលបច្ចុប្បន្ន លោកនឹងត្រូវគេធ្វើឃាតភ្លាមៗ។ យ៉ាងណាក៏ដោយ មេធាវីរូបនេះបង្ហើបថា លោក Al-Islam នឹងផ្តល់សុន្ទរកថាទៅកាន់ប្រជាជាតិលីប៊ីតាមកញ្ចក់ទូរទស្សន៍នៅពេលដែលវេលាសមស្របមកដល់នោះដើម្បីឈានទៅការបោះឆ្នោត ហើយលោកសង្កត់ធ្ងន់ថា ការប្រឡូកក្នុងវិស័យនយោបាយនេះមិនមែនលោក Al-Islam ចង់សងសឹកឲ្យឱពុកលោកដែលត្រូវគេធ្វើឃាតឡើយ៕
លីប៊ីនឹងរៀបចំការបោះឆ្នោតក្នុងឆ្នាំនេះប៉ុន្តែពេលវេលាពិតប្រាកដនោះមិនទាន់ត្រូវបានគេកំណត់នៅឡើយទេដោយសារបញ្ហានយោបាយនៅមិនទាន់ប្រសើរ។ ប៉ុន្តែគេត្រឹមដឹងថា កូនប្រុសមេដឹកនាំផ្តាច់ការលីប៊ីលោក មូអាម៉ា ហ្កាដាហ្វី ដែលត្រូវប្រជាជនលីប៊ីនិងលោកខាងលិចទម្លាក់ពីតំណែងនោះ នឹងឈរឈ្មោះក្នុងការប្រជែងយកតំណែងប្រធានាធិបតីលីប៊ីដែរ។
កូនប្រុសលោក ហ្កាដាហ្វី គឺលោក Saif Al-Islam Gaddafi បានប្រកាសថាលោកនឹងចូលរួមក្នុងការប្រជែងតំណែងនេះកាលពីថ្ងៃចន្ទដើមសប្តាហ៍កន្លងទៅ។ នេះបើតាមការចុះផ្សាយរបស់សារព័ត៌មានរុស្ស៊ី RTដែលស្រង់សម្តីមេធាវីផ្ទាល់ខ្លួនរបស់លោក គឺលោក Khaled Al-Ghwail។
សារព័ត៌មានរុស្ស៊ីដដែលផ្សាយថា មេធាវីខាងលើយល់ថា លោក Al-Islam មានលទ្ធភាពច្រើនក្នុងការឈ្នះការបោះឆ្នោតនេះ។ «លោក Saif Al-Islam មានអ្នកគាំទ្រច្រើន។ ពួកគេជាប្រជាជនសាមញ្ញ។ សូម្បីតែប្រជាជនដែលនាំគ្នាគាំទ្រចលនាបដិវត្តន៍អារ៉ាប់កន្លងមកនោះក៏ងាកមកគាំទ្រលោកដែរ»។ នេះជាការលើកឡើងរបស់លោក Khaled។
លោកបន្ថែមថា លោក Al-Islam មានសមត្ថភាពគ្រប់គ្រាន់ក្នុងការបង្រួបបង្រួមប្រជាជនលីប៊ីដែលនៅជុំវិញលោកក្នុងគោលដៅធ្វើយ៉ាងណាការពារប្រយោជន៍ជាតិ ហើយលោក៏មានលទ្ធភាពដឹកនាំកំណែទម្រង់នៅក្នុងប្រទេសដើម្បីនាំមុខការអភិវឌ្ឍ និងសន្តិភាពដូចគ្នា។
តាមពិតទៅកូនប្រុសរបស់លោក ហ្កាដាហ្វី ត្រូវស្ថិតក្រោមការចាប់ខ្លួនពីសំណាក់តុលាការព្រហ្មទណ្ឌអន្តរជាតិពាក់ព័ន្ធការបង្ក្រាបបាតុករក្នុងពេលឪពុកលោកនៅកាន់តំណែងនោះ។ លោកមិនដែលបង្ហាញមុខជាសាធារណៈរហូតមកដល់បច្ចុប្បន្នចាប់ពីពេលដែលលោកត្រូវបានគេដោះលែងចេញពីការចាប់ខ្លួនរបសក្រុមឧទ្ទាមកាលពីឆ្នាំ ២០១៧ មក។ លោកត្រូវបានក្រុមឧទ្ទាមចាប់ខ្លួនចាប់ពីឆ្នាំ ២០១១ម្ល៉េះ។
ក្នុងពេលដែលលោកត្រូវគេចាប់ខ្លួន តុលាការក្រុងទ្រីប៉ូលីដែលមានអង្គការសហប្រជាជាតិជាខ្នងបង្អែកនោះបានកាត់ទោសកំបាំងមុខឲ្យមានការប្រហារជីវិតរូបលោកផង។ ប៉ុន្តែពីរឆ្នាំក្រោយមក សភាលីប៊ីដែស្ថិតនៅ Tobruk ដែលប្រកួតប្រជែងអំណាចគ្នាជាមួយរដ្ឋាភិបាលដែលគាំទ្រដោយអង្គការសហប្រជាជាតិនោះបានសម្រេចលើកលែងទោសដល់លោក ហើយបន្ទាប់មកក៏មានការដោះលែងលោកឲ្យមានសេរីភាពតែម្តង។
បើតាមមេធាវីខាងលើ ទីតាំងដែលលោក Al-Islam ស្ថិតនៅនោះមិនអាចបង្ហើបឲ្យគេដឹងជាសាធារណៈបានឡើយដោយសារវាពាក់ព័ន្ធនឹងសុវត្ថិរបស់លោក។ លោកអះអាងថា បើលោកហ៊ានចេញមុខនៅពេលបច្ចុប្បន្ន លោកនឹងត្រូវគេធ្វើឃាតភ្លាមៗ។ យ៉ាងណាក៏ដោយ មេធាវីរូបនេះបង្ហើបថា លោក Al-Islam នឹងផ្តល់សុន្ទរកថាទៅកាន់ប្រជាជាតិលីប៊ីតាមកញ្ចក់ទូរទស្សន៍នៅពេលដែលវេលាសមស្របមកដល់នោះដើម្បីឈានទៅការបោះឆ្នោត ហើយលោកសង្កត់ធ្ងន់ថា ការប្រឡូកក្នុងវិស័យនយោបាយនេះមិនមែនលោក Al-Islam ចង់សងសឹកឲ្យឱពុកលោកដែលត្រូវគេធ្វើឃាតឡើយ៕
Tag:
លីប៊ី
Saif Al-Islam Gaddafi
© រក្សាសិទ្ធិដោយ thmeythmey.com
