ចូលឆ្នាំខ្មែរ៖ ក្រសួងការងារប្រកាសឲ្យនិយោជិតឈប់សម្រាក៤ថ្ងៃ

ជាតិ

សង្គមជាតិ

ចូលឆ្នាំខ្មែរ៖ ក្រសួងការងារប្រកាសឲ្យនិយោជិតឈប់សម្រាក៤ថ្ងៃ

24, Mar 2018 , 9:19 pm

រូបភាព

ដោយ:

ក្រសួងការងារ និងបណ្ដុះបណ្ដាលវិជ្ជាជីវៈ បានប្រកាសឲ្យកម្មករ-និយោជិត អាចឈប់សម្រាកការងាររយៈពេល៤ថ្ងៃ ចាប់ពីថ្ងៃទី១៤ដល់១៧មេសា សម្រាប់ចូលរួមពិធីបុណ្យចូលឆ្នាំប្រពៃណីខ្មែរខាងមុខនេះ។ ការឈប់សម្រាក៤ថ្ងៃនេះ ដោយសារក្រសួងការងារ បន្ថែមថ្ងៃឈប់មួយថ្ងៃទៀត ជំនួសឲ្យថ្ងៃអាទិត្យទី១៥ មេសា ។

សេចក្ដីជូនដំណឹងរបស់ក្រសួងការងារ ដែលចេញផ្សាយនៅថ្ងៃទី១៩ ខែមីនា បានបញ្ជាក់ដូច្នេះថា៖ ក្នុងករណីចាំបាច់បំផុត ដែលសហគ្រាសគ្រឹះស្ថាន មិនអាចបញ្ឈប់សកម្មភាពរបស់ខ្លួនក្នុងពិធីបុណ្យចូលឆ្នាំខាងមុខ ត្រូវសម្រួលជាមួយកម្មករនិយោជិតរបស់ខ្លួន ឲ្យមានការស្ម័គ្រចិត្ត ហើយបែងចែកពេលសម្រាកឲ្យបានសមស្រប។ កម្មករនិយោជិតដែលធ្វើការនៅថ្ងៃចូលឆ្នាំ មានសិទ្ធិទទួលប្រាក់បំណាច់បន្ថែម ដែលមានចំណូលស្មើនឹងប្រាក់ឈ្នួលថ្ងៃធ្វើការធម្មតា»។

បន្ថែមពីនេះក្រសួងការងារ ក៏អំពាវនាវឲ្យម្ចាស់ ឬនាយកសហគ្រាស និងគ្រឹះស្ថាន គួរចាត់តាំងឲ្យមានការលេងល្បែងប្រជាប្រិយ ដើម្បីលើកទឹកចិត្តដល់កម្មករនិយោជិតរបស់ខ្លួន និងអបអរសាទរពិធីបុណ្យពិធីបុណ្យចូលឆ្នាំផង៕