អន្តរជាតិ
រូបភាព៖ Bangkok Post
×![]()
ដោយ: តន ចាន់រិទ្ធារ៉ា
នៅថ្ងៃទី២៤ ខែមីនា ក្រុមបាតុករថៃប្រមាណបួនរយនាក់បានប្រមូលផ្ដុំគ្នាខាងមុខទីបញ្ជាការដ្ឋានកងទ័ពជើងគោកដើម្បីទាមទារឲ្យយោធាឈប់គាំទ្ររបបសឹកដែលកំពុងដឹកនាំប្រទេស។ នេះគឺជារលកតវ៉ាដ៏ធំមួយទៀតប្រឆាំងរដ្ឋាភិបាលរបស់ក្រុមឧត្តមសេនីយ៍កាន់អំណាច ដែលចោមរោមដោយអំពើពុករលួយ និងបរាជ័យក្នុងការរៀបចំការបោះឆ្នោតម្ដងហើយម្ដងទៀត។ បាតុករក៏ទាមទារឲ្យមានការបោះឆ្នោតនៅក្នុងឆ្នាំ២០១៨ នេះដែរ។
កម្សួលនៃការមិនពេញចិត្តចំពោះការដឹកនាំរបស់របបសឹកថៃដែលកាន់អំណាចដោយសារដ្ឋប្រហារ បានកើនឡើងជាលំដាប់។ នៅថ្ងៃទី២៤ ខែមីនាម្សិលមិញ ក្រុមបាតុករគាំទ្រប្រជាធិបតេយ្យបានដង្ហែរក្បួនពីសាកលវិទ្យាល័យធម្មសាស្ត្រ រួចធ្វើដំណើរទៅប្រមូលផ្ដុំនៅខាងមុខទីបញ្ជាការកងទ័ពជើងគោកតែម្ដង។ បាតុករប្រមាណបួនរយនាក់បានស្នើឲ្យយោធាឈប់គាំទ្រក្រុមប្រឹក្សាជាតិដើម្បីសន្តិភាព និងសណ្ដាប់ធ្នាប់ (NCPO) ដែលជារបបសឹកដឹកនាំប្រទេស។
បើតាមកាសែតបាងកកប៉ុស្តិ៍ កម្លាំងសន្តិសុខប្រមាណ៦០០នាក់មានប៉ូលិស និងកម្លាំងបង្ក្រាបបាតុកម្ម ត្រូវបានពង្រាយដើម្បីទប់ទល់ស្ថានការណ៍។ នៅពេលព្រលប់ ក្រុមបាតុករបានទម្លាយរនាំងការពារសន្តិសុខ រួចក៏បានប្រមូលផ្ដុំខាងមុខច្រកចូលបញ្ជាការដ្ឋាន។ មេដឹកនាំការប្រមូលផ្ដុំលោក Rangsiman និយាយថា ក្បួនដង្ហែរលើកនេះមានគោលដៅទាមទារឲ្យកងទ័ពឈប់គាំទ្រ NCPO និងគាំទ្រប្រជាជនវិញ មិនមែនស្នើឲ្យមានការលាលែងតំណែងអ្វីទេ។
ដោយឡែក លោក Sirawith Seritiwat មេដឹកនាំក្រុមបាតុករម្នាក់ទៀត ក៏ទាមទារឲ្យរដ្ឋាភិបាលយោធារៀបចំការបោះឆ្នោតនៅឆ្នាំ២០១៨ នេះ ហើយបើកងទ័ពមិនធ្វើតាមសំណើទេ នោះបាតុករនឹងទាមទារឲ្យមេទ័ពជើងគោកលាលែងពីតំណែងមិនខាន។ មេដឹកនាំបាតុកររូបនេះ ទំនងជាចង់និយាយគំរាមឧត្តមសេនីយ៍ Chalermchai Sitthisad មេបញ្ជាការកងទ័ពជើងគោក និងជាអគ្គលេខាធិការ NCPO ដែលមានលោក ប្រាយុទ្ធ ចន្ទអូចា ជាប្រធាន។
ក្រុមបាតុករគាំទ្រប្រជាធិបតេយ្យទាំងនេះក៏បានកំណត់ថ្ងៃធ្វើបាតុកម្មទ្រង់ទ្រាយធំនៅខែឧសភា ក្នុងគោលដៅទាមទារឲ្យ NCPO ចុះចេញ និងរៀបចំការបោះឆ្នោត ខណៈឆ្នាំ២០០១៨ គឺជាខួបទី៤ នៃរដ្ឋប្រហារខែឧសភា ឆ្នាំ២០១៤ ។ ការបោះឆ្នោតត្រូវបានពន្យារពេលម្ដងហើយម្ដងទៀត ហើយចុងក្រោយនេះការសន្យារៀបចំការបោះឆ្នោតឆ្នាំ២០១៨ ក៏ត្រូវបានពន្យារពេលទៀតរហូតដល់ខែកុម្ភៈ ឆ្នាំ២០១៩ ឯណោះ។
ប្រជាជនថៃកាន់តែមិនសប្បាយចិត្តនឹងការដឹកនាំរបស់ក្រុមយោធា និងបានរៀបចំការតវ៉ាជាបន្តបន្ទាប់។ ទោះជាបើកដៃឲ្យមានការតវ៉ាក្ដី របបសឹកថៃនៅតែរឹតបន្តឹងការជួបជុំផ្នែកនយោបាយដដែល ហើយមេដឹកនាំបាតុកម្មខ្លះជាប់ពាក់ព័ន្ធក្ដីក្ដាំនៅឯតុលាការទៀតផង។ ការហាមឃាត់ផ្នែកនយោបាយ គ្រោងនឹងលុបចោលនៅខែមេសា ដើម្បីឲ្យស្របតាមច្បាប់ថ្មី និងផ្ដល់ឱកាសឲ្យបក្សនយោបាយត្រៀមខ្លួនសម្រាប់ការបោះឆ្នោត ទោះជាមិនទាន់មានកាលបរិច្ឆេទច្បាស់ក្ដី៕
កម្សួលនៃការមិនពេញចិត្តចំពោះការដឹកនាំរបស់របបសឹកថៃដែលកាន់អំណាចដោយសារដ្ឋប្រហារ បានកើនឡើងជាលំដាប់។ នៅថ្ងៃទី២៤ ខែមីនាម្សិលមិញ ក្រុមបាតុករគាំទ្រប្រជាធិបតេយ្យបានដង្ហែរក្បួនពីសាកលវិទ្យាល័យធម្មសាស្ត្រ រួចធ្វើដំណើរទៅប្រមូលផ្ដុំនៅខាងមុខទីបញ្ជាការកងទ័ពជើងគោកតែម្ដង។ បាតុករប្រមាណបួនរយនាក់បានស្នើឲ្យយោធាឈប់គាំទ្រក្រុមប្រឹក្សាជាតិដើម្បីសន្តិភាព និងសណ្ដាប់ធ្នាប់ (NCPO) ដែលជារបបសឹកដឹកនាំប្រទេស។
បើតាមកាសែតបាងកកប៉ុស្តិ៍ កម្លាំងសន្តិសុខប្រមាណ៦០០នាក់មានប៉ូលិស និងកម្លាំងបង្ក្រាបបាតុកម្ម ត្រូវបានពង្រាយដើម្បីទប់ទល់ស្ថានការណ៍។ នៅពេលព្រលប់ ក្រុមបាតុករបានទម្លាយរនាំងការពារសន្តិសុខ រួចក៏បានប្រមូលផ្ដុំខាងមុខច្រកចូលបញ្ជាការដ្ឋាន។ មេដឹកនាំការប្រមូលផ្ដុំលោក Rangsiman និយាយថា ក្បួនដង្ហែរលើកនេះមានគោលដៅទាមទារឲ្យកងទ័ពឈប់គាំទ្រ NCPO និងគាំទ្រប្រជាជនវិញ មិនមែនស្នើឲ្យមានការលាលែងតំណែងអ្វីទេ។
ដោយឡែក លោក Sirawith Seritiwat មេដឹកនាំក្រុមបាតុករម្នាក់ទៀត ក៏ទាមទារឲ្យរដ្ឋាភិបាលយោធារៀបចំការបោះឆ្នោតនៅឆ្នាំ២០១៨ នេះ ហើយបើកងទ័ពមិនធ្វើតាមសំណើទេ នោះបាតុករនឹងទាមទារឲ្យមេទ័ពជើងគោកលាលែងពីតំណែងមិនខាន។ មេដឹកនាំបាតុកររូបនេះ ទំនងជាចង់និយាយគំរាមឧត្តមសេនីយ៍ Chalermchai Sitthisad មេបញ្ជាការកងទ័ពជើងគោក និងជាអគ្គលេខាធិការ NCPO ដែលមានលោក ប្រាយុទ្ធ ចន្ទអូចា ជាប្រធាន។
ក្រុមបាតុករគាំទ្រប្រជាធិបតេយ្យទាំងនេះក៏បានកំណត់ថ្ងៃធ្វើបាតុកម្មទ្រង់ទ្រាយធំនៅខែឧសភា ក្នុងគោលដៅទាមទារឲ្យ NCPO ចុះចេញ និងរៀបចំការបោះឆ្នោត ខណៈឆ្នាំ២០០១៨ គឺជាខួបទី៤ នៃរដ្ឋប្រហារខែឧសភា ឆ្នាំ២០១៤ ។ ការបោះឆ្នោតត្រូវបានពន្យារពេលម្ដងហើយម្ដងទៀត ហើយចុងក្រោយនេះការសន្យារៀបចំការបោះឆ្នោតឆ្នាំ២០១៨ ក៏ត្រូវបានពន្យារពេលទៀតរហូតដល់ខែកុម្ភៈ ឆ្នាំ២០១៩ ឯណោះ។
ប្រជាជនថៃកាន់តែមិនសប្បាយចិត្តនឹងការដឹកនាំរបស់ក្រុមយោធា និងបានរៀបចំការតវ៉ាជាបន្តបន្ទាប់។ ទោះជាបើកដៃឲ្យមានការតវ៉ាក្ដី របបសឹកថៃនៅតែរឹតបន្តឹងការជួបជុំផ្នែកនយោបាយដដែល ហើយមេដឹកនាំបាតុកម្មខ្លះជាប់ពាក់ព័ន្ធក្ដីក្ដាំនៅឯតុលាការទៀតផង។ ការហាមឃាត់ផ្នែកនយោបាយ គ្រោងនឹងលុបចោលនៅខែមេសា ដើម្បីឲ្យស្របតាមច្បាប់ថ្មី និងផ្ដល់ឱកាសឲ្យបក្សនយោបាយត្រៀមខ្លួនសម្រាប់ការបោះឆ្នោត ទោះជាមិនទាន់មានកាលបរិច្ឆេទច្បាស់ក្ដី៕
Tag:
ថៃ
ប្រាយុទ្ធ ចន្ទអូចា
© រក្សាសិទ្ធិដោយ thmeythmey.com
