កីឡាអន្តរជាតិ
អន្តរជាតិ
×![]()
ដោយ: ទេព ពិទូរ្យ
ក្រុមកីឡាបាល់ទាត់ជម្រើសជាតិម៉ារ៉ុកដែលបានកៅអីទៅរុស្ស៊ីសម្រាប់ការប្រកួតពានរង្វាន់ FIFA World Cup ឆ្នាំ២០១៨ ស្ថិតនៅពូល B ត្រូវជួបជាមួយ ព័រទុយហ្គាល់ អេស្ប៉ាញ និងអ៊ីរ៉ង់។ នេះជាការបង្ហាញវត្តមានលើកទី៥ហើយសម្រាប់ក្រុមមកពីតំបន់អាហ្វ្រិកមួយនេះចាប់តាំងពីចូលរួមដំបូងឆ្នាំ ១៩៧០។
គ្រូបង្វឹក៖ លោក Herve Renard (បារាំង)
លោក Herve Renard ជាអ្នកចាត់ការទូទៅទី១ ដែលដឹកនាំក្រុមពីរឲ្យឈ្នះពានរង្វាន់ប្រចាំទ្វីបអាហ្វ្រិក Africa Cup of Nations រួមមាន ប្រទេសសំប៊ីក្នុងឆ្នាំ២០១២ និង កូតឌីវ័រ ឆ្នាំ២០១៥។ អ្នកចាត់ការសញ្ជាតិបារាំង វ័យ ៤៩ឆ្នាំរូបនេះ បានឡើងមកដឹកនាំក្រុមរហស្សនាម «Atlas Lions» ឆ្នាំ២០១៦ និងជួយប្រទេសនេះបានកៅអីទៅ World Cup នៅរុស្ស៊ីឆ្នាំ២០១៨ បន្ទាប់ពីអាក់ខានតាំងពីឆ្នាំ ១៩៩៨មក។
កីឡាករឆ្នើម៖ ខ្សែការពារ Medhi Benatia
Benatia ជាខ្សែការពារដ៏មានឥទ្ធិពលពីតំបន់អាហ្វ្រិក និងកំពុងប្រកបអាជីពជាមួយ Juventus។ ខ្សែការពារវ័យ ៣០ឆ្នាំរូបនេះ បង្ហាញខ្លួនយ៉ាងល្អជាមួយ Roma មុនផ្លាស់ទៅ Bayern Munich ក្នុងតម្លៃថ្លៃដែរកាលពីឆ្នាំ២០១៤ ប៉ុន្តែរូបគេត្រូវក្រុមរហស្សនាមសេះបង្កង់ខ្ចីជើងពីឆ្នាំ២០១៦ រហូតដល់បច្ចុប្បន្ន។
ប្រវត្តិក្នុង World Cup ៖
នេះជាវត្តមានលើកទី ៥ របស់ក្រុមជម្រើសជាតិម៉ារ៉ុកសម្រាប់ក្រុមដែលបានកៅអីពីតំបន់អាហ្វ្រិកបន្ទាប់ពីបង្ហាញខ្លួន៤លើករួចមកហើយចាប់តាំងពីឆ្នាំ ១៩៧០, ១៩៨៦, ១៩៩៤ និង១៩៩៨។ លទ្ធផលល្អជាងគេគឺក្នុងឆ្នាំ១៩៨៦ ដែលប្រទេសនេះឆ្លងទៅវគ្គ១៦ក្រុមផ្តាច់ព្រ័ត្រ។ ម៉ារ៉ុក ស្ថិតក្នុងចំណាត់ថ្នាក់លេខ ៤២ ពិភពលោកក្នុងតារាង FIFA Ranking៕
កម្មវិធីប្រកួត៖
១៥ មិថុនា៖ ម៉ារ៉ុក vs អ៊ីរ៉ង់ (ម៉ោង ១០យប់)
២០ មិថុនា៖ ព័រទុយហ្គាល់ vs ម៉ារ៉ុក (ម៉ោង ៧យប់)
២៦ មិថុនា៖ អេស្ប៉ាញ vs ម៉ារ៉ុក (ម៉ោង ១រំលងអាធ្រាត្រ)
គ្រូបង្វឹក៖ លោក Herve Renard (បារាំង)
លោក Herve Renard ជាអ្នកចាត់ការទូទៅទី១ ដែលដឹកនាំក្រុមពីរឲ្យឈ្នះពានរង្វាន់ប្រចាំទ្វីបអាហ្វ្រិក Africa Cup of Nations រួមមាន ប្រទេសសំប៊ីក្នុងឆ្នាំ២០១២ និង កូតឌីវ័រ ឆ្នាំ២០១៥។ អ្នកចាត់ការសញ្ជាតិបារាំង វ័យ ៤៩ឆ្នាំរូបនេះ បានឡើងមកដឹកនាំក្រុមរហស្សនាម «Atlas Lions» ឆ្នាំ២០១៦ និងជួយប្រទេសនេះបានកៅអីទៅ World Cup នៅរុស្ស៊ីឆ្នាំ២០១៨ បន្ទាប់ពីអាក់ខានតាំងពីឆ្នាំ ១៩៩៨មក។
កីឡាករឆ្នើម៖ ខ្សែការពារ Medhi Benatia
Benatia ជាខ្សែការពារដ៏មានឥទ្ធិពលពីតំបន់អាហ្វ្រិក និងកំពុងប្រកបអាជីពជាមួយ Juventus។ ខ្សែការពារវ័យ ៣០ឆ្នាំរូបនេះ បង្ហាញខ្លួនយ៉ាងល្អជាមួយ Roma មុនផ្លាស់ទៅ Bayern Munich ក្នុងតម្លៃថ្លៃដែរកាលពីឆ្នាំ២០១៤ ប៉ុន្តែរូបគេត្រូវក្រុមរហស្សនាមសេះបង្កង់ខ្ចីជើងពីឆ្នាំ២០១៦ រហូតដល់បច្ចុប្បន្ន។
ប្រវត្តិក្នុង World Cup ៖
នេះជាវត្តមានលើកទី ៥ របស់ក្រុមជម្រើសជាតិម៉ារ៉ុកសម្រាប់ក្រុមដែលបានកៅអីពីតំបន់អាហ្វ្រិកបន្ទាប់ពីបង្ហាញខ្លួន៤លើករួចមកហើយចាប់តាំងពីឆ្នាំ ១៩៧០, ១៩៨៦, ១៩៩៤ និង១៩៩៨។ លទ្ធផលល្អជាងគេគឺក្នុងឆ្នាំ១៩៨៦ ដែលប្រទេសនេះឆ្លងទៅវគ្គ១៦ក្រុមផ្តាច់ព្រ័ត្រ។ ម៉ារ៉ុក ស្ថិតក្នុងចំណាត់ថ្នាក់លេខ ៤២ ពិភពលោកក្នុងតារាង FIFA Ranking៕
កម្មវិធីប្រកួត៖
១៥ មិថុនា៖ ម៉ារ៉ុក vs អ៊ីរ៉ង់ (ម៉ោង ១០យប់)
២០ មិថុនា៖ ព័រទុយហ្គាល់ vs ម៉ារ៉ុក (ម៉ោង ៧យប់)
២៦ មិថុនា៖ អេស្ប៉ាញ vs ម៉ារ៉ុក (ម៉ោង ១រំលងអាធ្រាត្រ)
Tag:
បាល់ទាត់
FIFA World Cup
ម៉ារ៉ុក
GroupB
© រក្សាសិទ្ធិដោយ thmeythmey.com
