អន្តរជាតិ
លោក ម៉ាក្រុង នឹងផ្តល់សុន្ទរកថាទៅកាន់សភាអាមេរិកនៅចុងខែមេសា ពេលលោកទស្សនកិច្ចអាមេរិក
×![]()
ដោយ: ថ្មីៗ
ប្រធានាធិបតីបារាំង លោក អេម៉ានុយអែល ម៉ាក្រុងនឹងផ្តល់សុន្ទរកថាទៅកាន់សភាអាមេរិកនៅពេលដែលលោកបំពេញទស្សនកិច្ចផ្លូវការនៅអាមេរិកនាខែក្រោយនេះ។ នេះជាឱកាសពិសេស និងជាប្រវត្តិសាស្ត្រសម្រាប់ការរឹតបន្តឹងចំណងមិត្តភាពរវាងបារាំង និងអាមេរិក ក្នុងអាណត្តិប្រធានាធិបតី ដូណាល់ ត្រាំ។
ប្រធានរដ្ឋសភាអាមេរិកមកពីបក្សសាធារណរដ្ឋលោក Paul Ryan បានបញ្ជាក់ថា នៅខែក្រោយនេះប្រធានាធិបតីបារាំងលោក អេម៉ានុយអែល ម៉ាក្រុងនឹងផ្តល់សុន្ទរកថាទៅកាន់សមាជិកសភាអាមេរិកទាំងពីរជាន់ក្នុងពេលលោកអញ្ជើញមកទស្សនកិច្ចនៅអាមេរិក។
ទីភ្នាក់ងារព័ត៌មាន AFP បានស្រង់សម្តីលោក Paul Ryan ដូច្នេះ៖ « បារាំងមិនមែនត្រឹមតែជាសម្ព័ន្ធមិត្តជិតស្និទ្ធចាស់ជាងគេរបស់អាមេរិកទេ តែជាសម្ព័ន្ធមិត្តដែលខ្លាំងជាងគេមួយដែរ។ ខ្ញុំរំពឹងចាំស្វាគមន៍លោក ម៉ាក្រុង មកកាន់សភាអាមេរិក ដើម្បីផ្តល់សុន្ទរកថាដល់កិច្ចប្រជុំរួមគ្នា រវាងសភាទាំងពីរថ្ងៃ ២៥ ខែមេសាខាងមុខ»។
ប្រធានសភារូបនេះបានបន្ថែមថា វាជាឱកាសពិសេសមួយ សម្រាប់អាមេរិក និងបារាំង ក្នុងការពង្រឹងចំណងមិត្តភាព និងសម្ព័ន្ធភាពដែលមានកន្លងមក ហើយនិងបង្ហាញការប្តេជ្ញាចិត្ត ក្នុងការប្រយុទ្ធប្រឆាំងភេរវកម្មក្នុងស្រុក និងនៅទូទាំងពិភពលោក។
នៅថ្ងៃ ២៤ ខែមេសា លោក ម៉ាក្រុង នឹងចាប់ផ្តើមដំណើរទស្សនកិច្ចរបស់លោក នៅសហរដ្ឋអាមេរិក ហើយលោក នឹងជួបជាមួយលោក ដូណាល់ ត្រាំ នៅសេតវិមានផងដែរ។ តាមពិតទៅ ប្រធានាធិបតីបារាំង ចាប់ពីជំនាន់លោក Charles de Gaulle តែងតែផ្តល់សុន្ទរកថាទៅកាន់សភាអាមេរិក ដើម្បីបង្ហាញឲ្យឃើញពីសម្ព័ន្ធភាពជិតស្និទ្ធ រវាងមហាអំណាចទាំងពីរ។
យ៉ាងណាមិញ ក្នុងជំនាន់ លោក ហ្វ្រង់ស្វ័រ ហូឡង់ អាចចាត់ទុកថា ជាករណីលើកលែង ព្រោះលោកមិនបានធ្វើតាមទម្លាប់ជាប្រពៃណីនេះឡើយ។ ប៉ុន្តែសម្ព័ន្ធភាពរវាងបារាំង និងអាមេរិក ក្រោមការដឹកនាំរបស់ប្រធានាធិបតី បារ៉ាក់ អូបាម៉ា កាលនោះគឺរឹងមាំខ្លាំង។
ដោយឡែក មុនមានការរៀបចំទស្សនកិច្ចរបស់ លោក ម៉ាក្រុ នៅអាមេរិកនេះ ប្រធានាធិបតីអាមេរិកលោក ត្រាំ បានអញ្ជើញទៅទស្សនកិច្ចបារាំងរួចហើយដែរ កាលពីខែកក្កដាឆ្នាំ ២០១៧ កន្លងទៅ ពោលគឺជិត ប្រាំមួយខែក្រោយ ពេលដែលស្បថចូលកាន់តំណែង។ ពេលនោះដែរ មេដឹកនាំអាមេរិកបានទស្សនាក្បួនព្យុហយាត្រារបស់កងទ័ពបារាំង ហើយលោកជាប់ចិត្តនឹងការដើរក្បួនយោធានេះ រហូតដល់បញ្ជាឲ្យមានការរៀបចំក្បួនព្យុហយាត្រាកងទ័ពនេះ នៅអាមេរិកថែមទៀតផង៕
ប្រធានរដ្ឋសភាអាមេរិកមកពីបក្សសាធារណរដ្ឋលោក Paul Ryan បានបញ្ជាក់ថា នៅខែក្រោយនេះប្រធានាធិបតីបារាំងលោក អេម៉ានុយអែល ម៉ាក្រុងនឹងផ្តល់សុន្ទរកថាទៅកាន់សមាជិកសភាអាមេរិកទាំងពីរជាន់ក្នុងពេលលោកអញ្ជើញមកទស្សនកិច្ចនៅអាមេរិក។
ទីភ្នាក់ងារព័ត៌មាន AFP បានស្រង់សម្តីលោក Paul Ryan ដូច្នេះ៖ « បារាំងមិនមែនត្រឹមតែជាសម្ព័ន្ធមិត្តជិតស្និទ្ធចាស់ជាងគេរបស់អាមេរិកទេ តែជាសម្ព័ន្ធមិត្តដែលខ្លាំងជាងគេមួយដែរ។ ខ្ញុំរំពឹងចាំស្វាគមន៍លោក ម៉ាក្រុង មកកាន់សភាអាមេរិក ដើម្បីផ្តល់សុន្ទរកថាដល់កិច្ចប្រជុំរួមគ្នា រវាងសភាទាំងពីរថ្ងៃ ២៥ ខែមេសាខាងមុខ»។
ប្រធានសភារូបនេះបានបន្ថែមថា វាជាឱកាសពិសេសមួយ សម្រាប់អាមេរិក និងបារាំង ក្នុងការពង្រឹងចំណងមិត្តភាព និងសម្ព័ន្ធភាពដែលមានកន្លងមក ហើយនិងបង្ហាញការប្តេជ្ញាចិត្ត ក្នុងការប្រយុទ្ធប្រឆាំងភេរវកម្មក្នុងស្រុក និងនៅទូទាំងពិភពលោក។
នៅថ្ងៃ ២៤ ខែមេសា លោក ម៉ាក្រុង នឹងចាប់ផ្តើមដំណើរទស្សនកិច្ចរបស់លោក នៅសហរដ្ឋអាមេរិក ហើយលោក នឹងជួបជាមួយលោក ដូណាល់ ត្រាំ នៅសេតវិមានផងដែរ។ តាមពិតទៅ ប្រធានាធិបតីបារាំង ចាប់ពីជំនាន់លោក Charles de Gaulle តែងតែផ្តល់សុន្ទរកថាទៅកាន់សភាអាមេរិក ដើម្បីបង្ហាញឲ្យឃើញពីសម្ព័ន្ធភាពជិតស្និទ្ធ រវាងមហាអំណាចទាំងពីរ។
យ៉ាងណាមិញ ក្នុងជំនាន់ លោក ហ្វ្រង់ស្វ័រ ហូឡង់ អាចចាត់ទុកថា ជាករណីលើកលែង ព្រោះលោកមិនបានធ្វើតាមទម្លាប់ជាប្រពៃណីនេះឡើយ។ ប៉ុន្តែសម្ព័ន្ធភាពរវាងបារាំង និងអាមេរិក ក្រោមការដឹកនាំរបស់ប្រធានាធិបតី បារ៉ាក់ អូបាម៉ា កាលនោះគឺរឹងមាំខ្លាំង។
ដោយឡែក មុនមានការរៀបចំទស្សនកិច្ចរបស់ លោក ម៉ាក្រុ នៅអាមេរិកនេះ ប្រធានាធិបតីអាមេរិកលោក ត្រាំ បានអញ្ជើញទៅទស្សនកិច្ចបារាំងរួចហើយដែរ កាលពីខែកក្កដាឆ្នាំ ២០១៧ កន្លងទៅ ពោលគឺជិត ប្រាំមួយខែក្រោយ ពេលដែលស្បថចូលកាន់តំណែង។ ពេលនោះដែរ មេដឹកនាំអាមេរិកបានទស្សនាក្បួនព្យុហយាត្រារបស់កងទ័ពបារាំង ហើយលោកជាប់ចិត្តនឹងការដើរក្បួនយោធានេះ រហូតដល់បញ្ជាឲ្យមានការរៀបចំក្បួនព្យុហយាត្រាកងទ័ពនេះ នៅអាមេរិកថែមទៀតផង៕
Tag:
អាមេរិក
បារាំង
អេម៉ានុយអែល ម៉ាក្រុង
ដូណាល់ ត្រាំ
© រក្សាសិទ្ធិដោយ thmeythmey.com
