អន្តរជាតិ
មនុស្សជិត៤០នាក់ហើយដែលបានស្លាប់ដោយសារការឆេះផ្សារទំនើបនៅរុស្ស៊ី
× យ៉ាងហោចណាស់មនុស្ស៣៧នាក់ ដែលត្រូវបានអះអាងថា ស្លាប់ ហើយច្រើននាក់ទៀតរងរបួសដោយសារករណីអគ្គិភ័យមួយនៅផ្សារទំនើបក្នុងក្រុង Kemerovo តំបន់ស៊ីបេរី ប្រទេសរុស្ស៊ី កាលពីថ្ងៃអាទិត្យ។ បើតាម AFP មនុស្សយ៉ាងហោចណាស់៦៩នាក់ ក្នុងនោះកុមារ៤១នាក់ កំពុងបាត់ខ្លួន ដោយគិតត្រឹមព្រឹកថ្ងៃចន្ទនេះ។
អគ្គិភ័យដ៏សាហាវនេះ បានចាប់ផ្តើមឆាបឆេះនៅជាន់លើបំផុតនៃអគារ ដោយជនរងគ្រោះជាច្រើនស្ថិតនៅក្នុងរោងភាពយន្ត។ វីដេអូដែលបង្ហោះនៅលើបណ្តាញសង្គមបានបង្ហាញថា រងគ្រោះមួយចំនួនធំ បានស្លាប់ និងរបួសដោយសារតែបាក់អគារ។
អាជ្ញាធរ មិនទាន់រកឃើញមូលហេតុពិតប្រាកដនៃអគ្គិភ័យនេះឡើយ ដោយបច្ចុប្បន្ន ក្រុមសង្គ្រោះជិត៧០០នាក់ កំពុងបន្តប្រតិបត្តិការរបស់ខ្លួន ស្វែងរកមនុស្សដែលនៅជាប់គាំងក្នុងអគារ៕
© រក្សាសិទ្ធិដោយ thmeythmey.com