អន្តរជាតិ
អាមេរិក៖ ក្រុមហ៊ុនផលិតកាំភ្លើងចំណាស់ជាង២០០ឆ្នាំ សុំក្ស័យធនដើម្បីដោះបំណុល
រូបភាព Gunivore
×![]()
ដោយ: តន ចាន់រិទ្ធារ៉ា
ក្រុមហ៊ុនផលិតកាំភ្លើងចំណាស់របស់អាមេរិក Remington នៅថ្ងៃទី២៥ ខែមីនា បានដាក់ពាក្យបណ្ដឹងសុំក្ស័យធន ដើម្បីរៀបចំរចនាសម្ព័ន្ធបំណុលឡើងវិញ។ ការដាក់ពាក្យបណ្ដឹងនេះ នឹងជួយឲ្យក្រុមហ៊ុនមួយនេះអាចកាត់បន្ថយបំណុលខ្ទង់រយលានដុល្លារឯណោះ។ ក្រុមហ៊ុនផលិតកាំភ្លើងរបស់ អាមេរិកនេះរុំព័ទ្ធដោយបណ្ដឹងជាច្រើន រាប់ទាំងបណ្ដឹងរបស់គ្រួសារជនរងគ្រោះក្នុងហេតុការណ៍បាញ់ប្រហារមួយកាលពីឆ្នាំ២០១២ ។
ក្នុងពាក្យបណ្ដឹងសុំក្ស័យធន ក្រុមហ៊ុនផលិតកាំភ្លើង Remington និយាយថា បណ្ដានាយករបស់ក្រុមហ៊ុនយល់ឃើញថា វាជារឿងសមគួរ និងជាប្រយោជន៍របស់ក្រុមហ៊ុនក្នុងការដាក់ពាក្យបណ្ដឹងក្ស័យធនដោយស្ម័គ្រចិត្ត។ នេះបើតាមការផ្សាយរបស់ទីភ្នាក់ងារព័ត៌មាន AFP ។ ក្នុងខែកុម្ភៈ ក្រុមហ៊ុននេះបានប្រកាសហើយថា ខ្លួននឹងដាក់ពាក្យសុំក្ស័យធនដើម្បីដោះស្រាយបំណុលដ៏ច្រើនសន្ធឹកសន្ធាប់របស់ខ្លួន។
ក្រុមហ៊ុនផលិតកាំភ្លើងដែលមានអាយុច្រើនជាងពីររយឆ្នាំនេះ នឹងកែប្រែរចនាសម្ព័ន្ធបំណុលរបស់ខ្លួន ដែលអាចកាត់បន្ថយបំណុលចំនួនជាង៧០០រយលានដុល្លារក្នុងចំណោមបំណុលទាំងអស់។ បើតាមការប្រកាសដដែល ក្រុមហ៊ុនក៏បានចាក់បញ្ចូលទឹកប្រាក់ជាមូលធនថ្មីចំនួន១៤៥លានដុល្លារទៅឲ្យក្រុមហ៊ុនចំណុះផ្សេងទៀតដែលកំពុងធ្វើប្រតិបត្តិការដែរ ហើយប្រតិបត្តិការរបស់ក្រុមហ៊ុនទាំងមូលក៏មិនមានការប៉ះពាល់ដោយសារការកែប្រែទម្រង់បំណុលឡើយ។
បំណុលរបស់ក្រុមហ៊ុន Remington ជាសញ្ញាបង្ហាញពីចរន្តផ្ទុយគ្នាក្នុងឧស្សាហកម្មកាំភ្លើងក្រោមរដ្ឋបាលលោកប្រធានាធិបតី ដូណាល់ ត្រាំ ។ និយាយបែបផ្សេង ក្រុមហ៊ុនផលិតកាំភ្លើងនាំគ្នាបង្កើតផលិតកម្មរបស់ខ្លួនដោយបារម្ភថា លោកស្រី ហ៊ីឡារី គ្លីនតុន ឈ្នះឆ្នោត ហើយរឹតបន្តឹងការគ្រប់គ្រងកាំភ្លើង។ ដោយសារលោក ត្រាំ ឈ្នះឆ្នោត ក្រុមហ៊ុនផលិតកាំភ្លើងទាំងនោះ បានធូរអារម្មណ៍ ប៉ុន្តែរឿងរ៉ាវបែរជាស្ថិតលើផ្លូវដែលពួកគេធ្លាប់បារម្ភទៅវិញ។
ការបាញ់រះជាច្រើនលើក ដែលបានសម្លាប់មនុស្សជាច្រើននាក់ បានក្លាយជាបន្ទុកសម្រាប់ក្រុមហ៊ុនផលិតកាំភ្លើងទាំងនោះ។ បំណុលរបស់ពួកគេបានកើនឡើងយ៉ាងរហ័ស ហើយប្រជាជនអាមេរិកវិញក៏នាំគ្នាតវ៉ាឲ្យមានការរឹតបន្តឹងច្បាប់គ្រប់គ្រងកាំភ្លើងទៅទៀត។ ក្រុមហ៊ុន Remington បានរងបណ្ដឹងជុំវិញការបាញ់ប្រហារនៅឯសាលារៀន Sandy Hook ដែលសម្លាប់មនុស្សអស់២៦នាក់ក្នុងឆ្នាំ២០១២ ។
ហេតុកាណ៍បាញ់រះចុងក្រោយនៅសាលារៀននៅរដ្ឋ Florida បានជំរុញឲ្យមានការតវ៉ាទ្រង់ទ្រាយធំនៅទូទាំងអាមេរិក សំដៅទាមទារឲ្យរឹតបន្តឹងកម្មសិទ្ធិកាំភ្លើង។ ប្រជាជនអាមេរិកច្រើនជាងមួយលានបានធ្វើបាតុកម្មនៅចុងសប្ដាហ៍មុនដើម្បីទទូចឲ្យរដ្ឋាភិបាលចាត់វិធានការគ្រប់គ្រងកាំភ្លើង។ វត្តមានយុវជនវ័យក្មេងដែលរស់រានមានជីវិតពីការបាញ់ប្រហារនៅ Parkland បានទាក់ទាញអ្នកចូលរួម៕
ក្នុងពាក្យបណ្ដឹងសុំក្ស័យធន ក្រុមហ៊ុនផលិតកាំភ្លើង Remington និយាយថា បណ្ដានាយករបស់ក្រុមហ៊ុនយល់ឃើញថា វាជារឿងសមគួរ និងជាប្រយោជន៍របស់ក្រុមហ៊ុនក្នុងការដាក់ពាក្យបណ្ដឹងក្ស័យធនដោយស្ម័គ្រចិត្ត។ នេះបើតាមការផ្សាយរបស់ទីភ្នាក់ងារព័ត៌មាន AFP ។ ក្នុងខែកុម្ភៈ ក្រុមហ៊ុននេះបានប្រកាសហើយថា ខ្លួននឹងដាក់ពាក្យសុំក្ស័យធនដើម្បីដោះស្រាយបំណុលដ៏ច្រើនសន្ធឹកសន្ធាប់របស់ខ្លួន។
ក្រុមហ៊ុនផលិតកាំភ្លើងដែលមានអាយុច្រើនជាងពីររយឆ្នាំនេះ នឹងកែប្រែរចនាសម្ព័ន្ធបំណុលរបស់ខ្លួន ដែលអាចកាត់បន្ថយបំណុលចំនួនជាង៧០០រយលានដុល្លារក្នុងចំណោមបំណុលទាំងអស់។ បើតាមការប្រកាសដដែល ក្រុមហ៊ុនក៏បានចាក់បញ្ចូលទឹកប្រាក់ជាមូលធនថ្មីចំនួន១៤៥លានដុល្លារទៅឲ្យក្រុមហ៊ុនចំណុះផ្សេងទៀតដែលកំពុងធ្វើប្រតិបត្តិការដែរ ហើយប្រតិបត្តិការរបស់ក្រុមហ៊ុនទាំងមូលក៏មិនមានការប៉ះពាល់ដោយសារការកែប្រែទម្រង់បំណុលឡើយ។
បំណុលរបស់ក្រុមហ៊ុន Remington ជាសញ្ញាបង្ហាញពីចរន្តផ្ទុយគ្នាក្នុងឧស្សាហកម្មកាំភ្លើងក្រោមរដ្ឋបាលលោកប្រធានាធិបតី ដូណាល់ ត្រាំ ។ និយាយបែបផ្សេង ក្រុមហ៊ុនផលិតកាំភ្លើងនាំគ្នាបង្កើតផលិតកម្មរបស់ខ្លួនដោយបារម្ភថា លោកស្រី ហ៊ីឡារី គ្លីនតុន ឈ្នះឆ្នោត ហើយរឹតបន្តឹងការគ្រប់គ្រងកាំភ្លើង។ ដោយសារលោក ត្រាំ ឈ្នះឆ្នោត ក្រុមហ៊ុនផលិតកាំភ្លើងទាំងនោះ បានធូរអារម្មណ៍ ប៉ុន្តែរឿងរ៉ាវបែរជាស្ថិតលើផ្លូវដែលពួកគេធ្លាប់បារម្ភទៅវិញ។
ការបាញ់រះជាច្រើនលើក ដែលបានសម្លាប់មនុស្សជាច្រើននាក់ បានក្លាយជាបន្ទុកសម្រាប់ក្រុមហ៊ុនផលិតកាំភ្លើងទាំងនោះ។ បំណុលរបស់ពួកគេបានកើនឡើងយ៉ាងរហ័ស ហើយប្រជាជនអាមេរិកវិញក៏នាំគ្នាតវ៉ាឲ្យមានការរឹតបន្តឹងច្បាប់គ្រប់គ្រងកាំភ្លើងទៅទៀត។ ក្រុមហ៊ុន Remington បានរងបណ្ដឹងជុំវិញការបាញ់ប្រហារនៅឯសាលារៀន Sandy Hook ដែលសម្លាប់មនុស្សអស់២៦នាក់ក្នុងឆ្នាំ២០១២ ។
ហេតុកាណ៍បាញ់រះចុងក្រោយនៅសាលារៀននៅរដ្ឋ Florida បានជំរុញឲ្យមានការតវ៉ាទ្រង់ទ្រាយធំនៅទូទាំងអាមេរិក សំដៅទាមទារឲ្យរឹតបន្តឹងកម្មសិទ្ធិកាំភ្លើង។ ប្រជាជនអាមេរិកច្រើនជាងមួយលានបានធ្វើបាតុកម្មនៅចុងសប្ដាហ៍មុនដើម្បីទទូចឲ្យរដ្ឋាភិបាលចាត់វិធានការគ្រប់គ្រងកាំភ្លើង។ វត្តមានយុវជនវ័យក្មេងដែលរស់រានមានជីវិតពីការបាញ់ប្រហារនៅ Parkland បានទាក់ទាញអ្នកចូលរួម៕
Tag:
អាមេរិក
កាំភ្លើង
Remington
© រក្សាសិទ្ធិដោយ thmeythmey.com
