ជិត១ខែ គ្រោះថ្នាក់ចរាចរណ៍កើតឡើង ២២៨លើក បណ្តាលឲ្យស្លាប់១៣១នាក់ និងរបួស ៣៧៦នាក់

ជាតិ

សង្គមជាតិ

ជិត១ខែ គ្រោះថ្នាក់ចរាចរណ៍កើតឡើង ២២៨លើក បណ្តាលឲ្យស្លាប់១៣១នាក់ និងរបួស ៣៧៦នាក់

28, Mar 2018 , 8:59 am

រូបភាព

ដោយ:

របាយការណ៍ពីនាយកដ្ឋានចរាចរណ៍ និងសណ្តាប់ធ្នាប់សាធារណៈនៃអគ្គស្នងការដ្ឋាននគរបាលជាតិ បានឲ្យដឹងថា គ្រោះថ្នាក់ចរាចរណ៍ទូទាំងប្រទេស រយៈពេល ២៦ថ្ងៃ ចាប់ពីថ្ងៃទី១ ដល់២៦ ខែមីនា ឆ្នាំ២0១៨ បានកើតឡើងចំនួន ២២៨លើក បណ្តាលឲ្យមនុស្សស្លាប់ចំនួន ១៣១នាក់ របួស ៣៧៦នាក់។

មូលហេតុ ដែលបណ្ដាលឲ្យកើតមានគ្រោះថ្នាក់ចរាចរណ៍ មានដូចជា បើកបរហួសល្បឿនកំណត់ វ៉ា-ជែង មិនប្រកាន់ស្ដាំ មិនគោរពសិទ្ធិអាទិភាពគ្នា បត់ឆ្វេង-ស្ដាំ ងងុយដេក ស្រាវឹងស្រា និងកត្តាយានយន្ត ជាដើម។

នាយកដ្ឋានចរាចរណ៍ និងសណ្តាប់ធ្នាប់សាធារណៈ បានលើកឡើងថា រយៈពេល២៦ ដូចគ្នា ក្នុងខែកុម្ភៈ កន្លងទៅ គ្រោះថ្នាក់ចរាចរណ៍ បានកើតឡើង២៤១លើក ដោយមានអ្នកស្លាប់១១៤នាក់ និងអ្នករបួស ៣៧៦នាក់។ តាមរបាយការណ៍ដដែល គ្រោះថ្នាក់ចរាចរណ៍ ដែលកើតឡើងច្រើនជាងគេ គឺការបើកបរមិនប្រកាន់ស្ដាំ ដែលមានរហូតដល់ទៅ ៨៩ភាគរយឯណោះ៕