សង្គមអន្តរជាតិ
អន្តរជាតិ
តុលាការថៃប្រហារជីវិតមនុស្ស៦នាក់លើអំពើឃាតកម្មក្នុងសំណុំរឿងទំនាស់ដីធ្លី
× តុលាការថៃ បានសម្រេចកាត់ទោសប្រហារជីវិតបុរស៦នាក់នៅថ្ងៃពុធ ទី២៨ ខែមីនា លើសំណុំរឿងឃាតកម្មលើមេភូមិ និងសមាជិកគ្រួសារ៧នាក់ទៀតរបស់គាត់ ដោយសារករណីទំនាស់ដីធ្លី។ នេះបើតាមការផ្សាយរបស់ AFP។
កាលពីខែកក្កដា ឆ្នាំ២០១៧ ករណីឃាតកម្មដ៏ឃោឃៅមួយបានកើតឡើងនៅភាគខាងត្បូងនៃខេត្ត Krabi ប្រទេសថៃ។ លោក Worayuth Sanlang ដែលជាមេភូមិ និងសមាជិកគ្រួសាររបស់គាត់ ត្រូវបានចាប់ជាចំណាប់ខ្មាំង ដោយក្រុមខ្មាន់កាំភ្លើងបិទមុខជិត។
ក្រោយការចាប់អស់រយៈពេលច្រើនម៉ោង ក្រុមជនល្មើសបានបាញ់សម្លាប់លោកមេភូមិ និងសមាជិកគ្រួសារ៧នាក់ទៀត។ ជនរងគ្រោះ៣នាក់ បានរងរបួស ដែលក្នុងនោះ ស្ត្រីម្នាក់បានធ្វើពុតជាស្លាប់ ប៉ុន្តែក្រោយមកពួកគាត់សុទ្ធតែបានស្លាប់នៅមន្ទីរពេទ្យ។
តុលាការថៃ បានបញ្ជាក់ឲ្យដឹងថា ករណីឃាតកម្មនេះ កើតឡើងដោយសារតែជម្លោះដីធ្លីរវាងលោកមេភូមិ Worayuth Sanlang និងមេខ្មាន់កាំភ្លើង Surikfat Bannopwongsakul។
ជនរងគ្រោះសរុបទាំង៨នាក់ដែលនៅក្នុងហេតុការណ៍នោះ មានស្ត្រីម្នាក់ និងក្មេង៣នាក់ដែលមានអាយុ៤ឆ្នាំ ៨ឆ្នាំ និង១១ឆ្នាំ។ នេះបើតាមសាលក្រមរបស់តុលាការខេត្ត Krabi៕
Tag:
ទំនាស់ដីធ្លី
ថៃ
ទោសប្រហារជីវិត
© រក្សាសិទ្ធិដោយ thmeythmey.com