សម្ដេច ហ៊ុន សែន ចូលរួមកិច្ចប្រជុំនៅវៀតណាម២ថ្ងៃ

ជាតិ

សម្ដេច ហ៊ុន សែន ចូលរួមកិច្ចប្រជុំនៅវៀតណាម២ថ្ងៃ

30, Mar 2018 , 10:05 am

រូបភាព

ដោយ: ថ្មីៗ

ភ្នំពេញ៖ ដូចការគ្រោងទុក សម្ដេចនាយករដ្ឋមន្ត្រី ហ៊ុន សែន បានដឹកនាំប្រតិភូទៅចូលរួមកិច្ចប្រជុំកំពូលមហាអនុតំបន់មេគង្គ លើកទី៦ និងកិច្ចប្រជុំកំពូលប្រទេស៣គឺ កម្ពុជា, ឡាវ, និងវៀតណាមលើកទី១០ ស្តីពីតំបន់ត្រីកោណអភិវឌ្ឍន៍ ដែលនឹងប្រព្រឹត្តទៅពីថ្ងៃទី ៣០- ៣១ ខែមីនា ឆ្នាំ២០១៨ នៅទីក្រុងហាណូយ ប្រទេសវៀតណាម។

តាមរយៈកិច្ចប្រជុំកំពូលនេះ នឹងឆ្លុះបញ្ចាំងនូវការប្តេជ្ញារបស់កម្ពុជាក្នុងការលើកកម្ពស់មិត្តភាព និងកិច្ចសហប្រតិបត្តិការនៅក្នុងមហាអនុតំបន់មេគង្គ និងក្នុងក្របខ័ណ្ឌកម្ពុជា,ឡាវ, វៀតណាម ដើម្បីធានាឲ្យបាននូវសន្តិភាព ស្ថិរភាព និងការអភិវឌ្ឍប្រកបដោយចីរភាពនៅក្នុងតំបន់។ នេះបើតាមហ្វេសប៊ុកសម្ដេច ហ៊ុន សែន ។

បើតាមហ្វេសប៊ុកដដែល នៅពេលនេះប្រមុខរដ្ឋាភិបាលកម្ពុជា បានធ្វើដំណើរដល់ប្រទេសវៀតណាម និងត្រៀមចូលរួមប្រជុំហើយ៕