អន្តរជាតិ
លោក ត្រាំ ៖ អាមេរិកនឹងដកខ្លួនពីស៊ីរីឆាប់ៗ ហើយទុកឲ្យប្រទេសផ្សេងទទួលខុសត្រូវវិញ
ប្រធានាធិបតីអាមេរិក ដូណាល់ ត្រាំ (រូបភាព AFP)
×![]()
ដោយ: តន ចាន់រិទ្ធារ៉ា
នៅថ្ងៃទី២៩ ខែមីនា ប្រធានាធិបតីអាមេរិក ដូណាល់ ត្រាំ បានលើកឡើងពីគម្រោងដកខ្លួនចេញពីជម្លោះនៅស៊ីរីក្នុងពេលឆាប់ៗនេះ។ គម្រោងដើរចេញពីវិបត្តិរ៉ាំរ៉ៃ ធ្វើឡើងក្រោមហេតុផលថា ក្រុមជ្រុលនិយមរដ្ឋឥស្លាមត្រូវបានកម្ចាត់អស់ ហើយអាមេរិកត្រូវការពារព្រំដែនរបស់ខ្លួន និងសន្សំលុយសាងសង់ហេដ្ឋារចនាសម្ព័ន្ធក្នុងស្រុក។ អស់ពីអាមេរិក លោក ត្រាំ នឹងទុកឱកាសឲ្យប្រទេសផ្សេងចាត់ចែងស្ថានការណ៍នៅស៊ីរីវិញ។
យោធាអាមេរិកដែលកំពុងបំពេញការងារនៅស៊ីរី នឹងត្រូវវិលត្រឡប់ទៅអាមេរិកវិញនៅពេលឆាប់ៗនេះ ព្រោះការងារបានបញ្ចប់ហើយ។ នេះបើតាមការប្រកាសរបស់ប្រធានាធិបតីអាមេរិក ដូណាល់ ត្រាំ នៅថ្ងៃទី២៩ ខែមីនា។ ជារឿងភ្ញាក់ផ្អើលដែលលោក ត្រាំ បានប្រកាសពីការដកខ្លួនចេញពីជម្លោះនៅស៊ីរីជាចំហរបែបនេះ ខណៈដែលកម្លាំងរដ្ឋាភិបាលស៊ីរីបានដណ្ដើមយកទឹកដីគ្រប់គ្រងឡើងវិញ ឯកម្លាំងឧទ្ទាមគាំទ្រដោយអាមេរិកបានចុះខ្សោយ។
ការបាក់ទ័ពខ្ចាត់ខ្ចាយរបស់ក្រុមជ្រុលនិយមរដ្ឋឥស្លាម ជាមូលហេតុសំខាន់មួយក្នុងការសម្រេចចិត្តរបស់លោក ត្រាំ ។ ពីរដ្ឋ Ohio ប្រធានាធិបតីអាមរិកបានប្រកាសថា៖ «យើងនឹងចេញពីស៊ីរីឆាប់ៗនេះ។ ទុកឲ្យអ្នកផ្សេងទទួលខុសត្រូវស៊ីរីម្ដង»។ ខណៈបេសកកម្មកម្ចាត់ក្រុមរដ្ឋឥស្លាមត្រូវមើលឃើញថា ទទួលជោគជ័យនោះ លោក ត្រាំ យល់ថា អាមេរិកគ្មានតួនាទីអ្វីត្រូវបន្តចាយលុយដើម្បីវត្តមានយោធានៅស៊ីរីឡើយ។
លោក ត្រាំ បានបង្ហាញក្ដីមិនពេញចិត្តចំពោះការចំណាយលុយសន្ធឹកសន្ធាប់ចំនួន៧ ទ្រីលានដុល្លារនៅមជ្ឈិមបូព៌ា ហើយមិនបានផលគាប់ចិត្តនោះ។ លោក ត្រាំ បានយកការសាងសង់សាលារៀនជាឧទាហរណ៍ ខណៈលោកមិនឃើញមានសំណើសាងសង់សាលារៀននៅរដ្ឋ Ohio សោះ។ បើតាមសារព័ត៌មាន RT មេដឹកនាំអាមេរិករូបនេះរៀបរាប់ថា អាមរិកសាងសង់សាលារៀន ឯក្រុមឧទ្ទាមជាអ្នកបំផ្លាញទៅវិញ។
ឆ្លៀតឱកាសនោះ ប្រធានាធិបតីអាមេរិករូបក៏នេះបាននិយាយដល់រឿងសាងសង់ជញ្ជាំងតាមព្រំដែន និងព្រំដែនរវាងអាមេរិក និងម៉ិកស៊ិក ដែលគ្មានការការពារសោះ។ ប៉ុន្តែលោកបែរជាអាចនឹកឃើញដល់ទាហានអាមេរិកជាងបីម៉ឺននាក់ ដែលកំពុងការពារកូរ៉េខាងត្បូងទៅវិញ។ ក្នុងន័យនេះ លោក ត្រាំ ចង់ឲ្យទាហានអាមេរិកនៅស៊ីរីត្រឡប់ចូលស្រុកដើម្បីការពារអាមេរិកម្ដង និងយកលុយទៅចំណាយលើការកសាងជញ្ជាំងវិញ។
យ៉ាងណាមិញ គម្រោងរបស់លោក ត្រាំ ហាក់ដើរផ្ទុយពីជំហររបស់ក្រសួងការបរទេស និងមន្ទីរបញ្ចកោណរបស់អាមេរិក។ កន្លងមក មន្ត្រីរដ្ឋបាលលោក ត្រាំ ចង់ឲ្យយោធាអាមេរិកបន្តវត្តមាននៅស៊ីរីដើម្បីធានាពីការផ្លាស់ប្ដូរដោយសន្តិភាព ជាពិសេសការបណ្ដេញលោក បាសា អាល់អាសាដ ពីតំណែង។ ក្រសួងការពារជាតិបញ្ជាក់ថា វត្តមានយោធាអាមេរិកនឹងជួយដៃគូក្នុងតំបន់ ក៏ដូចជាទប់ស្កាត់ការវិលត្រឡប់របស់ក្រុមរដ្ឋឥស្លាមដែរ៕
យោធាអាមេរិកដែលកំពុងបំពេញការងារនៅស៊ីរី នឹងត្រូវវិលត្រឡប់ទៅអាមេរិកវិញនៅពេលឆាប់ៗនេះ ព្រោះការងារបានបញ្ចប់ហើយ។ នេះបើតាមការប្រកាសរបស់ប្រធានាធិបតីអាមេរិក ដូណាល់ ត្រាំ នៅថ្ងៃទី២៩ ខែមីនា។ ជារឿងភ្ញាក់ផ្អើលដែលលោក ត្រាំ បានប្រកាសពីការដកខ្លួនចេញពីជម្លោះនៅស៊ីរីជាចំហរបែបនេះ ខណៈដែលកម្លាំងរដ្ឋាភិបាលស៊ីរីបានដណ្ដើមយកទឹកដីគ្រប់គ្រងឡើងវិញ ឯកម្លាំងឧទ្ទាមគាំទ្រដោយអាមេរិកបានចុះខ្សោយ។
ការបាក់ទ័ពខ្ចាត់ខ្ចាយរបស់ក្រុមជ្រុលនិយមរដ្ឋឥស្លាម ជាមូលហេតុសំខាន់មួយក្នុងការសម្រេចចិត្តរបស់លោក ត្រាំ ។ ពីរដ្ឋ Ohio ប្រធានាធិបតីអាមរិកបានប្រកាសថា៖ «យើងនឹងចេញពីស៊ីរីឆាប់ៗនេះ។ ទុកឲ្យអ្នកផ្សេងទទួលខុសត្រូវស៊ីរីម្ដង»។ ខណៈបេសកកម្មកម្ចាត់ក្រុមរដ្ឋឥស្លាមត្រូវមើលឃើញថា ទទួលជោគជ័យនោះ លោក ត្រាំ យល់ថា អាមេរិកគ្មានតួនាទីអ្វីត្រូវបន្តចាយលុយដើម្បីវត្តមានយោធានៅស៊ីរីឡើយ។
លោក ត្រាំ បានបង្ហាញក្ដីមិនពេញចិត្តចំពោះការចំណាយលុយសន្ធឹកសន្ធាប់ចំនួន៧ ទ្រីលានដុល្លារនៅមជ្ឈិមបូព៌ា ហើយមិនបានផលគាប់ចិត្តនោះ។ លោក ត្រាំ បានយកការសាងសង់សាលារៀនជាឧទាហរណ៍ ខណៈលោកមិនឃើញមានសំណើសាងសង់សាលារៀននៅរដ្ឋ Ohio សោះ។ បើតាមសារព័ត៌មាន RT មេដឹកនាំអាមេរិករូបនេះរៀបរាប់ថា អាមរិកសាងសង់សាលារៀន ឯក្រុមឧទ្ទាមជាអ្នកបំផ្លាញទៅវិញ។
ឆ្លៀតឱកាសនោះ ប្រធានាធិបតីអាមេរិករូបក៏នេះបាននិយាយដល់រឿងសាងសង់ជញ្ជាំងតាមព្រំដែន និងព្រំដែនរវាងអាមេរិក និងម៉ិកស៊ិក ដែលគ្មានការការពារសោះ។ ប៉ុន្តែលោកបែរជាអាចនឹកឃើញដល់ទាហានអាមេរិកជាងបីម៉ឺននាក់ ដែលកំពុងការពារកូរ៉េខាងត្បូងទៅវិញ។ ក្នុងន័យនេះ លោក ត្រាំ ចង់ឲ្យទាហានអាមេរិកនៅស៊ីរីត្រឡប់ចូលស្រុកដើម្បីការពារអាមេរិកម្ដង និងយកលុយទៅចំណាយលើការកសាងជញ្ជាំងវិញ។
យ៉ាងណាមិញ គម្រោងរបស់លោក ត្រាំ ហាក់ដើរផ្ទុយពីជំហររបស់ក្រសួងការបរទេស និងមន្ទីរបញ្ចកោណរបស់អាមេរិក។ កន្លងមក មន្ត្រីរដ្ឋបាលលោក ត្រាំ ចង់ឲ្យយោធាអាមេរិកបន្តវត្តមាននៅស៊ីរីដើម្បីធានាពីការផ្លាស់ប្ដូរដោយសន្តិភាព ជាពិសេសការបណ្ដេញលោក បាសា អាល់អាសាដ ពីតំណែង។ ក្រសួងការពារជាតិបញ្ជាក់ថា វត្តមានយោធាអាមេរិកនឹងជួយដៃគូក្នុងតំបន់ ក៏ដូចជាទប់ស្កាត់ការវិលត្រឡប់របស់ក្រុមរដ្ឋឥស្លាមដែរ៕
Tag:
អាមេរិក
ស៊ីរី
ដូណាល់ ត្រាំ
© រក្សាសិទ្ធិដោយ thmeythmey.com
