អន្តរជាតិ
មេ UN បារម្ភពី ការត្រឡប់មកវិញនៃសង្គ្រាមត្រជាក់ដោយសារវិបត្តិការទូតរុស្ស៊ី អាមេរិក
×![]()
អគ្គលេខាធិការអង្គការសហប្រជាជាតិ បានបង្ហាញក្តីបារម្ភចំពោះបញ្ហាដែលកំពុងកើតឡើងក្នុងទំនាក់ទំនងរវាងលោកខាងលិច និងរុស្ស៊ី ក្រោយមានការបណ្តេញអ្នកការទូតគ្នាទៅវិញទៅមកនោះ។ លោកបញ្ជាក់ថា ពិភពលោកមិនចង់ឃើញភាពតានតឹងដូចសម័យសង្គ្រាមត្រជាក់កើតឡើងឡើយ។
ទំនាក់ទំនងរវាងរុស្ស៊ី និងលោកខាងលិចកាន់តែអាក្រក់ឡើង ដោយសារករណីវាយប្រហារលើអតីតចារជនរុស្ស៊ីនៅអង់គ្លេសដើមខែមីនាកន្លងមក។ ការបណ្តេញមន្ត្រីទូតគ្នាទៅវិញទៅមករវាងអាមេរិក និងសម្ព័ន្ធមិត្តអឺរ៉ុប ជាមួយរុស្ស៊ីក្នុងគោលដៅសងសឹកគ្នានោះនៅបន្តកើតឡើង ហើយគេរំពឹងថា ទំនាក់ទំនងនេះពិបាកស្តារឡើងវិញផង។
ភាពតានតឹងក្នុងទំនាក់ទំនងការទូតប្រទេសមហាអំណាចទាំងនេះធ្វើឲ្យ ប្រមុខអង្គការសហប្រជាជាតិលោក អាន់តូនីញ៉ូ ហ្គូតេរ៉េស (Antonio Guterres) ចេញមុខព្រមានជាថ្មីពីផលលំបាកដែលអាចនឹងកើតឡើងផង។ យោងតាមទីភ្នាក់ងារព័ត៌មាន AFP លោក ហ្គូតេរ៉េស បានលើកឡើងថា ពិភពលោកមិនគួរដើរទៅរកគន្លងចាស់ដែលមានភាពតានតឹងកើតឡើងខ្លាំងរវាងមហាអំណាចនាសម័យសង្គ្រាមត្រជាក់ឡើយ។
លោក បានថ្លែងចេញពីស្នាក់ការអង្គការសហប្រជាជាតិដូច្នេះ៖ «ខ្ញុំគិតថា យើងកំពុងឈានទៅរកស្ថានភាពស្រដៀងគ្នា ដូចដែលយើងធ្លាប់រស់នៅក្នុងសម័យសង្គ្រាមត្រជាក់»។
លោកព្រួយបារម្ភខ្លាំងចំពោះស្ថានភាពបច្ចុប្បន្ននោះ ខណៈដែលភាគីពាក់ព័ន្ធមិនមានបំណងរកវិធានការចាំបាច់ជាពិសេសបង្កើតប្រព័ន្ធទំនាក់ទំនងពិសេសដើម្បីបន្ថយភាពតានតឹងឡើយ។ ប្រមុខអង្គការសហប្រជាជាតិរូបនេះជឿជាក់ថា វាជាពេលវេលាសមស្របសម្រាប់អាមេរិក ក៏ដូចជារុស្ស៊ីដែលត្រូវចាប់ដៃគ្នាបង្កើតយន្តការដែលមានប្រសិទ្ធភាព និងអាចភ្ជាប់ទំនាក់ទំនងគ្នាបានស្រួលដើម្បីទប់ស្កាត់បញ្ហាកុំឲ្យរីកដុះដាលកាន់តែខ្លាំង។
អាមេរិក និងបណ្តាប្រទេសអឺរ៉ុបជាច្រើនបានប្រកាសបណ្តេញមន្ត្រីទូតរុស្ស៊ីប្រហែល ១៥០ នាក់ចេញពីប្រទេសរបស់ខ្លួនដើម្បីបង្ហាញការគាំទ្រអង់គ្លេសដែលកំពុងមានជម្លោះជាមួយរុស្ស៊ីជុំវិញការបំពុលអតីតចារជនរុស្ស៊ីនោះ។
ចំណែករុស្ស៊ីឯណោះវិញ បានប្រកាសនៅថ្ងៃព្រហស្បតិ៍ថា ខ្លួនបណ្តេញមន្ត្រីទូតអាមេរិក ៦០នាក់ និងសម្តេចបិទស្ថានកុងស៊ុលអាមេរិកមួយកន្លែងដែរដើម្បីឆ្លើយតបនឹងសកម្មភាពអាមេរិក៕
ទំនាក់ទំនងរវាងរុស្ស៊ី និងលោកខាងលិចកាន់តែអាក្រក់ឡើង ដោយសារករណីវាយប្រហារលើអតីតចារជនរុស្ស៊ីនៅអង់គ្លេសដើមខែមីនាកន្លងមក។ ការបណ្តេញមន្ត្រីទូតគ្នាទៅវិញទៅមករវាងអាមេរិក និងសម្ព័ន្ធមិត្តអឺរ៉ុប ជាមួយរុស្ស៊ីក្នុងគោលដៅសងសឹកគ្នានោះនៅបន្តកើតឡើង ហើយគេរំពឹងថា ទំនាក់ទំនងនេះពិបាកស្តារឡើងវិញផង។
ភាពតានតឹងក្នុងទំនាក់ទំនងការទូតប្រទេសមហាអំណាចទាំងនេះធ្វើឲ្យ ប្រមុខអង្គការសហប្រជាជាតិលោក អាន់តូនីញ៉ូ ហ្គូតេរ៉េស (Antonio Guterres) ចេញមុខព្រមានជាថ្មីពីផលលំបាកដែលអាចនឹងកើតឡើងផង។ យោងតាមទីភ្នាក់ងារព័ត៌មាន AFP លោក ហ្គូតេរ៉េស បានលើកឡើងថា ពិភពលោកមិនគួរដើរទៅរកគន្លងចាស់ដែលមានភាពតានតឹងកើតឡើងខ្លាំងរវាងមហាអំណាចនាសម័យសង្គ្រាមត្រជាក់ឡើយ។
លោក បានថ្លែងចេញពីស្នាក់ការអង្គការសហប្រជាជាតិដូច្នេះ៖ «ខ្ញុំគិតថា យើងកំពុងឈានទៅរកស្ថានភាពស្រដៀងគ្នា ដូចដែលយើងធ្លាប់រស់នៅក្នុងសម័យសង្គ្រាមត្រជាក់»។
លោកព្រួយបារម្ភខ្លាំងចំពោះស្ថានភាពបច្ចុប្បន្ននោះ ខណៈដែលភាគីពាក់ព័ន្ធមិនមានបំណងរកវិធានការចាំបាច់ជាពិសេសបង្កើតប្រព័ន្ធទំនាក់ទំនងពិសេសដើម្បីបន្ថយភាពតានតឹងឡើយ។ ប្រមុខអង្គការសហប្រជាជាតិរូបនេះជឿជាក់ថា វាជាពេលវេលាសមស្របសម្រាប់អាមេរិក ក៏ដូចជារុស្ស៊ីដែលត្រូវចាប់ដៃគ្នាបង្កើតយន្តការដែលមានប្រសិទ្ធភាព និងអាចភ្ជាប់ទំនាក់ទំនងគ្នាបានស្រួលដើម្បីទប់ស្កាត់បញ្ហាកុំឲ្យរីកដុះដាលកាន់តែខ្លាំង។
អាមេរិក និងបណ្តាប្រទេសអឺរ៉ុបជាច្រើនបានប្រកាសបណ្តេញមន្ត្រីទូតរុស្ស៊ីប្រហែល ១៥០ នាក់ចេញពីប្រទេសរបស់ខ្លួនដើម្បីបង្ហាញការគាំទ្រអង់គ្លេសដែលកំពុងមានជម្លោះជាមួយរុស្ស៊ីជុំវិញការបំពុលអតីតចារជនរុស្ស៊ីនោះ។
ចំណែករុស្ស៊ីឯណោះវិញ បានប្រកាសនៅថ្ងៃព្រហស្បតិ៍ថា ខ្លួនបណ្តេញមន្ត្រីទូតអាមេរិក ៦០នាក់ និងសម្តេចបិទស្ថានកុងស៊ុលអាមេរិកមួយកន្លែងដែរដើម្បីឆ្លើយតបនឹងសកម្មភាពអាមេរិក៕
Tag:
រុស្ស៊ី
អាមេរិក
UN
© រក្សាសិទ្ធិដោយ thmeythmey.com
