ជាតិ
ក្រសួងកសិកម្ម ប្រាប់ឲ្យពាណិជ្ជករនាំចេញគោ និងក្របី បំពេញលក្ខខណ្ឌឲ្យបានត្រឹមត្រូវ
×
ភ្នំពេញ៖ ក្រសួងកសិកម្ម រុក្ខាប្រមាញ់ និងនេសាទ ប្រាប់ឲ្យពាណិជ្ជករនាំចេញគោ និងក្របីរស់ ដែលមិនទាន់បានចុះបញ្ជីពាណិជ្ជកម្ម និងពុំទាន់មានប័ណ្ណប៉ាតង់សុពលភាព ត្រូវតែបំពេញបែបបទពាណិជ្ជកម្មឲ្យបានត្រឹមត្រូវ មុននឹងនាំចេញ ។
ក្រសួងកសិកម្ម បានបន្ថែមថា ការចុះបញ្ជីឲ្យបានត្រឹមត្រូវនេះ ដើម្បីពង្រឹងការគ្រប់គ្រងលើការចរាចរណ៍សត្វ ជាពិសេសការទប់ស្កាត់ជម្ងឺឆ្លងនានា ក្នុងទិសដៅឆ្លើយតបទៅលើការលើកកម្ពស់គុណភាព និងសុខុមាលភាពសត្វ ស្របទៅនឹងស្តង់ដារនៃការធ្វើពាណិជ្ជកម្មនាំចេញ ។
សម្រាប់ការបំពេញបែបបទពាណិជ្ជកម្មនេះ គឺធ្វើឲ្យបានមុនខែកក្កដា ឆ្នាំ២០១៨។ ក្រសួងប្រកាសមិនទទួលខុសត្រូវចំពោះក្រុមហ៊ុន ឬអាជីវករណា ដែលមិនបានបំពេញតាមការណែនាំខាងលើចាប់ត្រឹម ខែសីហា ឆ្នាំ២០១៨។ នេះបើយោងតាមសេចក្តីជូនដំណឹងរបស់ក្រសួង ចុះថ្ងៃទី ២៦ ខែមីនា ៕
© រក្សាសិទ្ធិដោយ thmeythmey.com