អ្នកនិពន្ធស្ត្រីខ្មែរ ជាប់លេខ១ ក្នុងការនិពន្ធរឿងខ្លីស្តីពី «តម្លៃមហាសាលនៃទន្លេមេគង្គ»

ជាតិ

សង្គមជាតិ

អ្នកនិពន្ធស្ត្រីខ្មែរ ជាប់លេខ១ ក្នុងការនិពន្ធរឿងខ្លីស្តីពី «តម្លៃមហាសាលនៃទន្លេមេគង្គ»

02, Apr 2018 , 7:59 am

រូបភាព

ដោយ:

ភ្នំពេញ៖ ក្រោយពីគណៈមេប្រយោគត្រួតពិនិត្យ និងវាយតម្លៃស្នាដៃអ្នកចូលរួមប្រកួតប្រជែងតែងនិពន្ធរឿងខ្លីស្ដីពី «តម្លៃមហាសាលនៃទន្លេមេគង្គ» រួចមក គណៈកម្មការទន្លេមេគង្គ (MRC) បានរកឃើញអ្នកនិពន្ធ ៥នាក់ បាននិពន្ធរឿងខ្លីបានល្អដាច់គេ ក្នុងចំណោមអ្នកនិពន្ធជាច្រើន មកពីប្រទេសនានាដែលស្ថិតក្នុងតំបន់ទន្លេមេគង្គ។ អ្នកនិពន្ធទាំង៥នាក់នេះ រួមមាន កម្ពុជា២រូប ទទួលបានជ័យលាភីលេខ១ និងលេខ៤ អ្នកនិពន្ធថៃ១រូប ទទួលបានលេខ២ អ្នកនិពន្ធវៀតណាម១រូប ទទួលបានលេខ៣ និងអ្នកនិពន្ធឡាវ១រូប ទទួលបានលេខ៥។

សេចក្ដីប្រកាសព័ត៌មានរបស់គណៈកម្មការទន្លេមេគង្គ នៅថ្ងៃទី២៩ ខែមីនា ឆ្នាំ២0១៨ បានឲ្យដឹងថា អ្នកនិពន្ធជាច្រើនបានចូលរួមប្រគួតប្រជែង ហើយក្នុងចំណោមនោះ មានតែអ្នកទ៥រូប ដែលទទួលជ័យលាភី ក្នុងការនិពន្ធរឿងខ្លីស្ដីពី «តម្លៃមហាសាលនៃទន្លេមេគង្គ»។ ហេតុផលចម្បង ដែលនាំឲ្យអ្នកនិពន្ធទាំង៥រូប ទទួលបានជ័យលាភី គឺដោយសារខ្លឹមសារនៃសាច់រឿងរបស់ពួកគេ បានចាត់ទុកទន្លេមេគង្គ ជាប្រភពពិសេសដែលផ្តល់កំណើតដល់ជីវិត សេចក្ដីស្រឡាញ់ ភាពសម្បូររុងរឿង កិច្ចសហប្រតិបត្តិការ និងសន្ដិភាពរវាងប្រជាជនជិតខាងក្នុងតំបន់។

ជ័យលាភីចំណាត់លេខ១ បានទៅលើអ្នកនិពន្ធខ្មែរជាស្ត្រីឈ្មោះ អ៊ឹង អ៊ុយលីម និស្សិតនៃវិទ្យាស្ថានភាសាបរទេស។ អត្ថន័យ និងខ្លឹមសារដែលគណៈមេប្រយោគ នៃគណៈកម្មការទន្លេមេគង្គ ផ្ដល់ជ័យលាភីទី១ គឺ «ទន្លេមេគង្គ ជាទឹកអម្រិតប្រោះព្រំជីវិត។ ទន្លេមេគង្គ ប្រៀបបាននឹងទឹកដែលផ្តល់សំណើមដល់ជីវិតទាំងលើគោក និងក្នុងទឹក ទាំងអាងទឹកខាងលើ និងខាងក្រោម។ ទន្លេមេគង្គ ប្រៀបបាននឹងទេវតាដែលសន្យាប្រទានភ្លៀង។ ទន្លេមេគង្គ ប្រៀបបាននឹងជីដែលស្រោចស្របច្រាំងទន្លេដោយជីវជាតិ។ ទន្លេមេគង្គ ប្រៀបបាននឹងផ្ទះដែលផ្តល់ជម្រកដល់រុក្ខជាតិ និងសត្វទឹកសាបជាច្រើនប្រភេទ ព្រមទាំងប្រៀបបាននឹងភោជនីយដ្ឋានប៊ូហ្វេអាហារទឹកសាប ដែលចិញ្ចឹមជីវិតរាប់លាននាក់ទៀតផង»។

ចំណែក ជ័យលាភីចំណាត់លេខ២ បានទៅអ្នកនិពន្ធថៃឈ្មោះ Avitar Ava Worasit។ រីឯ អត្ថន័យ និងខ្លឹមសារដែល គណៈមេប្រយោគ នៃគណៈកម្មការទន្លេមេគង្គ ផ្ដល់ជ័យលាភីទី២ គឺ «ទន្លេមេគង្គ គឺជាទន្លេនៃជីវិត សេចក្ដីស្រឡាញ់ និងភាពសម្បូររុងរឿង។ ឪពុកម្ដាយរបស់ខ្ញុំធ្លាប់និទានរឿង ដែលនៅបន្ដដក់ជាប់ក្នុងបេះដូងរបស់ខ្ញុំ អំពីបុព្វការីរបស់ខ្ញុំ ដែលបាក់ចិត្តស្រឡាញ់គ្នា ដោយសារទន្លេដ៏អស្ចារ្យនេះ។ ជារៀងរាល់ថ្ងៃ ខ្ញុំតែងមើលឃើញពីបែបផែនដែលទន្លេដ៏ពោរពេញដោយដីល្បាប់ និងដ៏ស្រស់ស្អាតមួយនេះ ផ្តល់ដល់ប្រជាពលរដ្ឋ ដែលរស់នៅតាមដងទន្លេដ៏សែនធំនេះ។ ទន្លេនេះ ហូរយ៉ាងស្ងប់ស្ងៀម ឆ្លងកាត់តាមបេះដូង និងព្រលឹងរបស់យើង ហើយយើងហៅវាថា ជាផ្ទះរបស់យើង»៕

ប្រភព៖ AKP