អន្តរជាតិ
×![]()
ចុងសប្តាហ៍នេះប្រមុខការទូតចិន និងវៀតណាមបានសន្យាថា ភាគីទាំងពីរនឹងបន្តធ្វើយ៉ាងណារក្សាសន្តិភាព និងស្ថិរភាពនៅក្នុងតំបន់ជម្លោះសមុទ្រចិនខាងត្បូង។ ការប្រកាសបែបនេះធ្វើឡើង ចំពេលដែលវៀតណាមងាទៅស្និទ្ធជាមួយអាមេរិក និងព្យាយាមពង្រឹងកិច្ចសហប្រតិបត្តិការសន្តិសុខរួមគ្នាផងដែរ។
នាក្រុងហាណូយថ្ងៃអាទិត្យទី ១ ខែមេសា រដ្ឋមន្ត្រីការបរទេសចិនលោក វ៉ាង យី (Wang Yi) និងសមភាគីវៀតណាមលោក ផាម ប៊ិនមិញ (Pham Bihn Minh) បានប្រកាសពេញៗមាត់ថា ចិននិងវៀតណាមនឹងបន្តរក្សាសន្តិភាពនៅសមុទ្រចិនខាងត្បូង និងបន្តស្វែងរកដំណោះស្រាយជម្លោះដោយសន្តិវិធីផង។
យោងតាមទីភ្នាក់ងារព័ត៌មាន AFP ប្រមុខការទូតទាំងពីរបានពិភាក្សាគ្នា និងផ្តោះប្តូរយោបល់គ្នាពីបញ្ហាប្រឈម ហើយទាំងចិន និងវៀតណាមយល់ឃើញថា បញ្ហានេះអាចដោះស្រាយបានដោយសន្តិវិធី ហើយភាគីពាក់ព័ន្ធត្រូវចៀសវាងការប្រើប្រាស់សកម្មភាពឯកតោភាគីដែលធ្វើឲ្យជម្លោះកាន់តែស្មុគស្មាញដែរ។
លោក វ៉ាង យី បានថ្លែងប្រាប់អ្នកកាសែតក្នុងជំនួបនោះដូច្នេះ៖«ភាគីទាំងពីរគួរគោរពគោលការណ៍មូលដ្ឋានក្នុងការគ្រប់គ្រងជម្លោះដែនទឹក។ ភាគីទាំងពីរមិនគួរប្រើប្រាស់វិធានការឯកតោភាគីដែលអាចធ្វើឲ្យស្ថានការកាន់តែពិបាកដោះស្រាយឡើយ»។
ចំណែកតំណាងក្រុងហាណូយលោក ផាម ប៊ិនមិញ វិញបានបន្ថែមផងដែរ រដ្ឋាភិបាលលោកត្រៀមខ្លួនរួចហើយដើម្បីសហការជាមួយចិនដើម្បីដោះស្រាយបញ្ហាប្រឈម និងជម្លោះដែលអាចកើតមានឡើងនោះ។ លោកបន្តថា ទាំងចិន និងវៀតណាមចាំបាច់ត្រូវទុកភាពខុសគ្នាមួយឡែក ហើយកុំព្យាយាមពង្រីកជម្លោះ និងចេះគោរពសិទ្ធិនិងប្រយោជន៍ស្របច្បាប់របស់ភាគីដទៃដែលអនុលោមតាមច្បាប់អន្តរជាតិនោះ។
តាមពិតទៅ វៀតណាមជាតួអង្គសំខាន់មួយ និងប្រឆាំងចិនខ្លាំងជាងគេក្នុងបញ្ហាជម្លោះសមុទ្រចិនខាងត្បូង។ គេកត់សម្គាល់ថា ភាពតានតឹងក្នុងទំនាក់ទំនងភាគីទាំងពីរដោយសារជម្លោះដែនសមុទ្រនេះកើនឡើងក្នុងឆ្នាំ ២០១៤ ពេលចិនបញ្ជូនឧបករណ៍ខួងប្រេងទៅដែនជម្លោះដែលវៀតណាមទាមទារ។ សកម្មភាពនេះបានធ្វើឲ្យប្រជាជនវៀតណាមខឹងសម្បារ និងបង្កើតបាតុកម្មហិង្សាប្រឆាំងប្រជាជនចិន និងរោងចក្រចិនថែមទៀតផង។
យ៉ាងណាក៏ដោយចុះ ការសន្យាដោះស្រាយជម្លោះដោយសន្តិវិធី និងរក្សាសន្តិភាពនៅតំបន់ជម្លោះសមុទ្រចិនខាងត្បូងកើនឡើងស្របពេលដែលវៀតណាមងាកទៅកៀកអាមេរិកកាន់តែខ្លាំងក្នុងរយៈពេលចុងក្រោយ។ វៀតណាមរត់រកអាមេរិកជាខ្នងបង្អែកដើម្បីទប់ទល់ជាមួយចិនក្នុងកាលៈទេសៈចាំបាច់។
កាលពីដើមខែមីនា នាវាដឹកយន្តហោះរបស់អាមេរិក Carl Vinson បានចូលសំចតនៅវៀតណាមជាលើកដំបូងក្នុងប្រវត្តិសាស្ត្រចាប់ពីចាប់សង្គ្រាមវៀតណាមឆ្នាំ ១៩៧៥មក ហើយកាលពីរសប្តាហ៍មុននោះអាមេរិកក៏បានប្រគល់នាវាល្បាតប្រាំមួយគ្រឿងរួមជាមួយសម្ភារៈមួយចំនួនទៀតដែលមានតម្លៃប្រហែល ២០ លានដុល្លារទៅឲ្យវៀតណាមផងដែរ៕
នាក្រុងហាណូយថ្ងៃអាទិត្យទី ១ ខែមេសា រដ្ឋមន្ត្រីការបរទេសចិនលោក វ៉ាង យី (Wang Yi) និងសមភាគីវៀតណាមលោក ផាម ប៊ិនមិញ (Pham Bihn Minh) បានប្រកាសពេញៗមាត់ថា ចិននិងវៀតណាមនឹងបន្តរក្សាសន្តិភាពនៅសមុទ្រចិនខាងត្បូង និងបន្តស្វែងរកដំណោះស្រាយជម្លោះដោយសន្តិវិធីផង។
យោងតាមទីភ្នាក់ងារព័ត៌មាន AFP ប្រមុខការទូតទាំងពីរបានពិភាក្សាគ្នា និងផ្តោះប្តូរយោបល់គ្នាពីបញ្ហាប្រឈម ហើយទាំងចិន និងវៀតណាមយល់ឃើញថា បញ្ហានេះអាចដោះស្រាយបានដោយសន្តិវិធី ហើយភាគីពាក់ព័ន្ធត្រូវចៀសវាងការប្រើប្រាស់សកម្មភាពឯកតោភាគីដែលធ្វើឲ្យជម្លោះកាន់តែស្មុគស្មាញដែរ។
លោក វ៉ាង យី បានថ្លែងប្រាប់អ្នកកាសែតក្នុងជំនួបនោះដូច្នេះ៖«ភាគីទាំងពីរគួរគោរពគោលការណ៍មូលដ្ឋានក្នុងការគ្រប់គ្រងជម្លោះដែនទឹក។ ភាគីទាំងពីរមិនគួរប្រើប្រាស់វិធានការឯកតោភាគីដែលអាចធ្វើឲ្យស្ថានការកាន់តែពិបាកដោះស្រាយឡើយ»។
ចំណែកតំណាងក្រុងហាណូយលោក ផាម ប៊ិនមិញ វិញបានបន្ថែមផងដែរ រដ្ឋាភិបាលលោកត្រៀមខ្លួនរួចហើយដើម្បីសហការជាមួយចិនដើម្បីដោះស្រាយបញ្ហាប្រឈម និងជម្លោះដែលអាចកើតមានឡើងនោះ។ លោកបន្តថា ទាំងចិន និងវៀតណាមចាំបាច់ត្រូវទុកភាពខុសគ្នាមួយឡែក ហើយកុំព្យាយាមពង្រីកជម្លោះ និងចេះគោរពសិទ្ធិនិងប្រយោជន៍ស្របច្បាប់របស់ភាគីដទៃដែលអនុលោមតាមច្បាប់អន្តរជាតិនោះ។
តាមពិតទៅ វៀតណាមជាតួអង្គសំខាន់មួយ និងប្រឆាំងចិនខ្លាំងជាងគេក្នុងបញ្ហាជម្លោះសមុទ្រចិនខាងត្បូង។ គេកត់សម្គាល់ថា ភាពតានតឹងក្នុងទំនាក់ទំនងភាគីទាំងពីរដោយសារជម្លោះដែនសមុទ្រនេះកើនឡើងក្នុងឆ្នាំ ២០១៤ ពេលចិនបញ្ជូនឧបករណ៍ខួងប្រេងទៅដែនជម្លោះដែលវៀតណាមទាមទារ។ សកម្មភាពនេះបានធ្វើឲ្យប្រជាជនវៀតណាមខឹងសម្បារ និងបង្កើតបាតុកម្មហិង្សាប្រឆាំងប្រជាជនចិន និងរោងចក្រចិនថែមទៀតផង។
យ៉ាងណាក៏ដោយចុះ ការសន្យាដោះស្រាយជម្លោះដោយសន្តិវិធី និងរក្សាសន្តិភាពនៅតំបន់ជម្លោះសមុទ្រចិនខាងត្បូងកើនឡើងស្របពេលដែលវៀតណាមងាកទៅកៀកអាមេរិកកាន់តែខ្លាំងក្នុងរយៈពេលចុងក្រោយ។ វៀតណាមរត់រកអាមេរិកជាខ្នងបង្អែកដើម្បីទប់ទល់ជាមួយចិនក្នុងកាលៈទេសៈចាំបាច់។
កាលពីដើមខែមីនា នាវាដឹកយន្តហោះរបស់អាមេរិក Carl Vinson បានចូលសំចតនៅវៀតណាមជាលើកដំបូងក្នុងប្រវត្តិសាស្ត្រចាប់ពីចាប់សង្គ្រាមវៀតណាមឆ្នាំ ១៩៧៥មក ហើយកាលពីរសប្តាហ៍មុននោះអាមេរិកក៏បានប្រគល់នាវាល្បាតប្រាំមួយគ្រឿងរួមជាមួយសម្ភារៈមួយចំនួនទៀតដែលមានតម្លៃប្រហែល ២០ លានដុល្លារទៅឲ្យវៀតណាមផងដែរ៕
Tag:
វៀតណាម
ចិន
សមុទ្រចិនខាងត្បូង
វៀតណាម
© រក្សាសិទ្ធិដោយ thmeythmey.com
