ជាតិ
ការចុះឈ្មោះគណបក្សនយោបាយជិតមកដល់ ខណៈបក្សប្រឆាំងដ៏ធំ នៅមិនទាន់មានច្រកចូល
×![]()
ដោយ: ថ្មីៗ
ភ្នំពេញ៖ គណៈកម្មាធិការជាតិរៀបចំការបោះឆ្នោត (គ.ជ.ប.) បានចេញសេចក្តីប្រកាសព័ត៌មាន ដោយឲ្យគណបក្សនយោបាយនានាត្រៀមខ្លួន ដើម្បីដាក់ពាក្យចូលរួមប្រកួតប្រជែងក្នុងការបោះឆ្នោតថ្នាក់ជាតិ។ បើតាមគ.ជ.ប. ការចុះឈ្មោះ នឹងធ្វើឡើងនៅថ្ងៃទី៣0 ខែមេសានេះ ហើយត្រូវបិទបញ្ចប់នៅថ្ងៃទី១៤ ខែឧសភា ឆ្នាំ២0១៨។
បើគិតទៅ ប្រហែលជា៣0ថ្ងៃទៀតប៉ុណ្ណោះ ការចុះឈ្មោះគណបក្សនយោបាយ ដើម្បីចូលរួមប្រកួតប្រជែងការបោះឆ្នោត នឹងឈានមកដល់។ ប៉ុន្តែគណបក្សសង្គ្រោះជាតិ ដែលជាគណបក្សប្រឆាំងធំជាងគេ និងជាគូប្រកួតរបស់គណបក្សកាន់អំណាច មិនទាន់រកឃើញច្រក ដើម្បីចូលមកចុះឈ្មោះ សម្រាប់ការប្រកួតប្រជែងនេះនៅឡើយទេ។
សាធារណជនមួយចំនួន កំពុងទន្ទឹងរង់ចាំមើលវត្តមានរបស់គណបក្សប្រឆាំង។ ប្រជាពលរដ្ឋ ដែលមានសមានចិត្តនឹងគណបក្សប្រឆាំង សង្ឃឹមថាគណបក្សរបស់ពួកគេ នឹងបានចូលរួមក្នុងការបោះឆ្នោត។ ពួកគេ អាចនឹងយល់ថា បើអវត្តមានគណបក្សរបស់ពួកគេ ការបោះឆ្នោត នឹងមិនសូវមានន័យនោះទេ។
តាមពិតទៅ ក្រុមអ្នកប្រឆាំង ដោយមានលោក សម រង្ស៊ី ជាបង្គោល ប្រឹងប្រែងសម្បើមណាស់ពីមួយថ្ងៃទៅមួយថ្ងៃ ដើម្បីឲ្យសហគមន៍អន្តរជាតិ ជួយធ្វើអន្តរាគមន៍។ បំណងធំ របស់ពួកគេ គឺមានតែពីរប៉ុណ្ណោះ គឺទាមទារឲ្យដោះលែងលោក កឹម សុខា និងបើកផ្លូវឲ្យគណបក្សសង្គ្រោះជាតិ ធ្វើសកម្មភាពឡើងវិញ ដើម្បីបានចូលរួមការបោះឆ្នោត នៅថ្ងៃទី២៩ ខែកក្កដា ឆ្នាំ២0១៨។
ការខិតខំរបស់ក្រុមអ្នកប្រឆាំង បានត្រឹមតែជំរុញឲ្យសហគមន៍អន្តរជាតិ ដាក់ទណ្ឌកម្មនិងសម្ពាធខ្លះៗប៉ុណ្ណោះ មកលើរដ្ឋាភិបាលកម្ពុជា។ ប៉ុន្តែសញ្ញាវិជ្ជមាន ដែលថាឲ្យលោក កឹម សុខា រួចផុតពីពន្ធនាគារ ហើយគណបក្សសង្គ្រោះជាតិ បានងើបឡើងវិញនោះ មិនទាន់មាននៅឡើយទេ។
សម្រាប់សហគមន៍អន្តរជាតិ ការបោះឆ្នោតនៅកម្ពុជា នឹងមិនប្រព្រឹត្តទៅតាមគន្លងប្រជាធិបតេយ្យ និងមិនស្របច្បាប់ឡើយ បើគណបក្សប្រឆាំង មិនបានចូលរួម។ ទោះជាយ៉ាងនេះក្តី រដ្ឋាភិបាលកម្ពុជា ក៏ដូចជាគណបក្សកាន់អំណាច នៅតែប្រកាសថាការបោះឆ្នោត នឹងដំណើរការទៅតាមការគ្រោងទុក ដោយមិនខ្វល់ពីការទទួលស្គាល់ ឬមិនទទួលស្គាល់ ពីសហគមន៍អន្តរជាតិនោះទេ៕
បើគិតទៅ ប្រហែលជា៣0ថ្ងៃទៀតប៉ុណ្ណោះ ការចុះឈ្មោះគណបក្សនយោបាយ ដើម្បីចូលរួមប្រកួតប្រជែងការបោះឆ្នោត នឹងឈានមកដល់។ ប៉ុន្តែគណបក្សសង្គ្រោះជាតិ ដែលជាគណបក្សប្រឆាំងធំជាងគេ និងជាគូប្រកួតរបស់គណបក្សកាន់អំណាច មិនទាន់រកឃើញច្រក ដើម្បីចូលមកចុះឈ្មោះ សម្រាប់ការប្រកួតប្រជែងនេះនៅឡើយទេ។
សាធារណជនមួយចំនួន កំពុងទន្ទឹងរង់ចាំមើលវត្តមានរបស់គណបក្សប្រឆាំង។ ប្រជាពលរដ្ឋ ដែលមានសមានចិត្តនឹងគណបក្សប្រឆាំង សង្ឃឹមថាគណបក្សរបស់ពួកគេ នឹងបានចូលរួមក្នុងការបោះឆ្នោត។ ពួកគេ អាចនឹងយល់ថា បើអវត្តមានគណបក្សរបស់ពួកគេ ការបោះឆ្នោត នឹងមិនសូវមានន័យនោះទេ។
តាមពិតទៅ ក្រុមអ្នកប្រឆាំង ដោយមានលោក សម រង្ស៊ី ជាបង្គោល ប្រឹងប្រែងសម្បើមណាស់ពីមួយថ្ងៃទៅមួយថ្ងៃ ដើម្បីឲ្យសហគមន៍អន្តរជាតិ ជួយធ្វើអន្តរាគមន៍។ បំណងធំ របស់ពួកគេ គឺមានតែពីរប៉ុណ្ណោះ គឺទាមទារឲ្យដោះលែងលោក កឹម សុខា និងបើកផ្លូវឲ្យគណបក្សសង្គ្រោះជាតិ ធ្វើសកម្មភាពឡើងវិញ ដើម្បីបានចូលរួមការបោះឆ្នោត នៅថ្ងៃទី២៩ ខែកក្កដា ឆ្នាំ២0១៨។
ការខិតខំរបស់ក្រុមអ្នកប្រឆាំង បានត្រឹមតែជំរុញឲ្យសហគមន៍អន្តរជាតិ ដាក់ទណ្ឌកម្មនិងសម្ពាធខ្លះៗប៉ុណ្ណោះ មកលើរដ្ឋាភិបាលកម្ពុជា។ ប៉ុន្តែសញ្ញាវិជ្ជមាន ដែលថាឲ្យលោក កឹម សុខា រួចផុតពីពន្ធនាគារ ហើយគណបក្សសង្គ្រោះជាតិ បានងើបឡើងវិញនោះ មិនទាន់មាននៅឡើយទេ។
សម្រាប់សហគមន៍អន្តរជាតិ ការបោះឆ្នោតនៅកម្ពុជា នឹងមិនប្រព្រឹត្តទៅតាមគន្លងប្រជាធិបតេយ្យ និងមិនស្របច្បាប់ឡើយ បើគណបក្សប្រឆាំង មិនបានចូលរួម។ ទោះជាយ៉ាងនេះក្តី រដ្ឋាភិបាលកម្ពុជា ក៏ដូចជាគណបក្សកាន់អំណាច នៅតែប្រកាសថាការបោះឆ្នោត នឹងដំណើរការទៅតាមការគ្រោងទុក ដោយមិនខ្វល់ពីការទទួលស្គាល់ ឬមិនទទួលស្គាល់ ពីសហគមន៍អន្តរជាតិនោះទេ៕
Tag:
បោះឆ្នោត
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
