រថយន្ត
អន្តរជាតិ
បារាំង៖ អ្នកបើកបរដែលស្រវឹង ត្រូវបង់ថ្លៃសេវាកម្មដឹកទៅប៉ុស្តិ៍ប៉ូលិស និងមន្ទីរពេទ្យ
× ការបើកបរក្នុងស្ថានភាពស្រវឹងនៅតាមបណ្តាក្រុងមួយចំនួននៅប្រទេសបារាំង ត្រូវទទួលរងការផាកពិន័យយ៉ាងធ្ងន់ធ្ងរ ពោលគឺពួកគេត្រូវបង់ថ្លៃសេវាកម្មដឹកជញ្ជូនទៅប៉ុស្តិ៍ប៉ូលិស និងមន្ទីរពេទ្យ។ នេះបើតាមការផ្សាយរបស់សារព័ត៌មានបារាំង Sud-Ouest។
នារយៈពេលប៉ុន្មានខែចុងក្រោយ បន្ទាប់ពី Orleans ក្រុងមួយផ្សេងទៀត Saint-Mal, Castres, Montereau Fault-Yonne និង Pau បានកំណត់ការដាក់ពិន័យបន្ថែមរហូតដល់ពី១២០ ដល់១៥០អឺរ៉ូ (ចន្លោះពី១៤៨ ទៅ១៨៥ដុល្លារអាមេរិក) សម្រាប់អ្នកដែលបើកបរក្នុងស្ថានភាពស្រវឹងតាមផ្លូវសាធារណៈ។
លោក Olivier Geffroy អភិបាលរងក្រុង Orleans បានថ្លែងថា ការដំឡើងថ្លៃផាកពិន័យ គឺគណនាទៅតាមការងាររបស់សមត្ថកិច្ចដែលបំពេញភារកិច្ចយ៉ាងហោច២ម៉ោងលើករណីនីមួយៗ ដូចជាការដឹករថយន្តទៅប៉ុស្តិ៍ និងដឹកនាំអ្នកបើកបរទៅត្រួតពិនិត្យនៅមន្ទីរពេទ្យជាដើម។
ក្រុមប្រឹក្សាក្រុង Pau ក៏បានបើកកិច្ចប្រជុំផងដែរកាលពីពេលថ្មីៗកន្លងមកនេះ ដោយជនប្រព្រឹត្តល្មើសដែលបើកបរក្នុងស្ថានភាពស្រវឹង ត្រូវបញ្ជូនទៅពិនិត្យនៅមន្ទីរ និងបន្ទាប់មក បញ្ជូនទៅប៉ុស្តិ៍ប៉ូលិស។ ជារៀងរាល់ឆ្នាំ អាជ្ញាធរក្រុង Pau បានអះអាង មនុស្សយ៉ាងហោច១៥០នាក់ ត្រូវបានឃាត់ខ្លួន ដោយពួកគេបញ្ជាយានយន្តនៅពេលស្រវឹង៕
© រក្សាសិទ្ធិដោយ thmeythmey.com