អន្តរជាតិ
ក្រោយរងគ្រោះដោយសារព្យុះស៊ីក្លូន ហ្វីជីទទូចឲ្យពិភពលោកចូលរួមប្រឆាំងការប្រែប្រួលអាកាសធាតុ
រូបភាព AFP
×![]()
ហ្វីជីជាប់ឈ្មោះជាកោះមួយដែលរងគ្រោះខ្លាំងជាងគេដោយសារគ្រោះមហន្តរាយធម្មជាតិ ហើយប្រទេសប៉ាស៊ីហ្វិកមួយនេះបានរងការវាយប្រហារដោយសារព្យុះស៊ីក្លូនដ៏សាហាវមួយផងកាលពីចុងសប្តាហ៍កន្លងទៅ។ រដ្ឋាភិបាលហ្វីជីបានបន្ទោសការប្រែប្រួលអាកាសធាតុដែលធ្វើឲ្យគ្រោះធម្មជាតិនេះកើតឡើងកាន់តែញឹកញាប់ផង។
នាយករដ្ឋមន្ត្រីហ្វីជី Frank Bainimarama បានភ្ជាប់ការកើតឡើងនៃព្យុះស៊ីក្លូនកាលពីចុងសប្តាហ៍កន្លងមកទៅនឹងផលប៉ះពាល់ដែលបង្កឡើងដោយការប្រែប្រួលអាកាសធាតុ ហើយលោកអះអាងថា ពេលនេះហ្វីជីធ្លាក់ចូលក្នុងកាលៈទេសៈថ្មីដែលគួរឲ្យភ័យខ្លាច។
យោងតាមទីភ្នាក់ងារព័ត៌មាន AFP នាយករដ្ឋមន្ត្រីខាងលើបានថ្លែងដូច្នេះ៖« ជាថ្មីម្តងទៀត ប្រជាជនហ្វីជីសោកស្តាយចំពោះការបាត់បង់ជីវិតរបស់ក្រុមគ្រួសារខ្លួន ដោយសារគ្រោះមហន្តរាយធម្មជាតិ។ យើងកំពុងប្រឈមមុខនឹងការគំរាមកំហែងខ្លាំងដោយគ្រោះមហន្តរាយធម្មជាតិដែលកើតឡើងកាន់តែញឹកញាប់ និងកាន់តែសាហាវដោយសារការប្រែប្រួលអាកាសធាតុនេះ»។
លោក Frank Bainimarama បានបន្ថែមថា ក្នុងនាមជាប្រជាជាតិមួយ ហ្វីជីកំពុងចាប់ផ្តើមពង្រឹងសមត្ថភាព និងភាពខ្លាំងរបស់ខ្លួនដើម្បីឆ្លើយតបនឹងគ្រោះមហន្តរាយធម្មជាតិផ្សេងទៀតដែលនឹងបន្តកើតឡើងនៅពេលខាងមុខផង។
កាលពីចុងសប្តាហ៍កន្លងមកនេះ ហ្វីជីបានប្រឈមមុខនឹងព្យុះស៊ីក្លូនដ៏សាហាវមួយដែលមានឈ្មោះថា Josie។ វាបានបង្កឲ្យមានទឹកជំនន់ធ្ងន់ធ្ងរនៅពេលដែលវាបក់ទៅដល់កោះ Viti Levu ហើយវាបានបង្កឲ្យមានអ្នកស្លាប់រហូតដល់ ៥នាក់ឯណោះ។
ហ្វីជីបានធ្វើជាប្រធាននៃសន្និសីទអង្គការសហប្រជាតិប្រែប្រួលអាកាសធាតុកាលពីឆ្នាំមុន (COP23) ហើយរដ្ឋប៉ាស៊ីហ្វិកមួយនេះបានដើរតួនាទីយ៉ាងសំខាន់ក្នុងការដឹកនាំការជជែកពិភាក្សាក្នុងក្របខណ្ឌសាកលដើម្បីឈានទៅដោះស្រាយបញ្ហាប្រែប្រួលអាកាសធាតុផង។
ប្រមុខរដ្ឋាភិបាលហ្វីជីរូបនេះបានសង្កត់ធ្ងរ ព្យុះស៊ីក្លូនដែលវាយប្រហារលើហ្វីលីពីនកាន់តែញឹកញាប់ឆ្លុះបញ្ចាំងឲ្យឃើញថា វាតម្រូវឲ្យពិភពលោកទាំងមូលស្វែងរកវិធានការបន្ទាន់ដើម្បីដោះស្រាយបញ្ហាប្រែប្រួលអាកាសធាតុនេះ។
កាលពីឆ្នាំ ២០១៦ ហ្វីជីរងគ្រោះដោយសារព្យុះស៊ីក្លូន Winston ហើយព្យុះនេះបានសម្លាប់ប្រជាជនហ្វីជីអស់ ៤៤នាក់ និងបង្កផលប៉ះពាល់ដល់មួយភាគបីនៃសេដ្ឋកិច្ចហ្វីជី។ ក្នុងខែកុម្ភៈ ហ្វីជីអាចគេចផុតពីព្យុះស៊ីក្លូនដ៏សាហាវ Gita ខណៈដែលរដ្ឋផ្សេងទៀតដូចជា Tonga និងព្យុះ Samoa រងគ្រោះធ្ងន់ធ្ងរ៕
នាយករដ្ឋមន្ត្រីហ្វីជី Frank Bainimarama បានភ្ជាប់ការកើតឡើងនៃព្យុះស៊ីក្លូនកាលពីចុងសប្តាហ៍កន្លងមកទៅនឹងផលប៉ះពាល់ដែលបង្កឡើងដោយការប្រែប្រួលអាកាសធាតុ ហើយលោកអះអាងថា ពេលនេះហ្វីជីធ្លាក់ចូលក្នុងកាលៈទេសៈថ្មីដែលគួរឲ្យភ័យខ្លាច។
យោងតាមទីភ្នាក់ងារព័ត៌មាន AFP នាយករដ្ឋមន្ត្រីខាងលើបានថ្លែងដូច្នេះ៖« ជាថ្មីម្តងទៀត ប្រជាជនហ្វីជីសោកស្តាយចំពោះការបាត់បង់ជីវិតរបស់ក្រុមគ្រួសារខ្លួន ដោយសារគ្រោះមហន្តរាយធម្មជាតិ។ យើងកំពុងប្រឈមមុខនឹងការគំរាមកំហែងខ្លាំងដោយគ្រោះមហន្តរាយធម្មជាតិដែលកើតឡើងកាន់តែញឹកញាប់ និងកាន់តែសាហាវដោយសារការប្រែប្រួលអាកាសធាតុនេះ»។
លោក Frank Bainimarama បានបន្ថែមថា ក្នុងនាមជាប្រជាជាតិមួយ ហ្វីជីកំពុងចាប់ផ្តើមពង្រឹងសមត្ថភាព និងភាពខ្លាំងរបស់ខ្លួនដើម្បីឆ្លើយតបនឹងគ្រោះមហន្តរាយធម្មជាតិផ្សេងទៀតដែលនឹងបន្តកើតឡើងនៅពេលខាងមុខផង។
កាលពីចុងសប្តាហ៍កន្លងមកនេះ ហ្វីជីបានប្រឈមមុខនឹងព្យុះស៊ីក្លូនដ៏សាហាវមួយដែលមានឈ្មោះថា Josie។ វាបានបង្កឲ្យមានទឹកជំនន់ធ្ងន់ធ្ងរនៅពេលដែលវាបក់ទៅដល់កោះ Viti Levu ហើយវាបានបង្កឲ្យមានអ្នកស្លាប់រហូតដល់ ៥នាក់ឯណោះ។
ហ្វីជីបានធ្វើជាប្រធាននៃសន្និសីទអង្គការសហប្រជាតិប្រែប្រួលអាកាសធាតុកាលពីឆ្នាំមុន (COP23) ហើយរដ្ឋប៉ាស៊ីហ្វិកមួយនេះបានដើរតួនាទីយ៉ាងសំខាន់ក្នុងការដឹកនាំការជជែកពិភាក្សាក្នុងក្របខណ្ឌសាកលដើម្បីឈានទៅដោះស្រាយបញ្ហាប្រែប្រួលអាកាសធាតុផង។
ប្រមុខរដ្ឋាភិបាលហ្វីជីរូបនេះបានសង្កត់ធ្ងរ ព្យុះស៊ីក្លូនដែលវាយប្រហារលើហ្វីលីពីនកាន់តែញឹកញាប់ឆ្លុះបញ្ចាំងឲ្យឃើញថា វាតម្រូវឲ្យពិភពលោកទាំងមូលស្វែងរកវិធានការបន្ទាន់ដើម្បីដោះស្រាយបញ្ហាប្រែប្រួលអាកាសធាតុនេះ។
កាលពីឆ្នាំ ២០១៦ ហ្វីជីរងគ្រោះដោយសារព្យុះស៊ីក្លូន Winston ហើយព្យុះនេះបានសម្លាប់ប្រជាជនហ្វីជីអស់ ៤៤នាក់ និងបង្កផលប៉ះពាល់ដល់មួយភាគបីនៃសេដ្ឋកិច្ចហ្វីជី។ ក្នុងខែកុម្ភៈ ហ្វីជីអាចគេចផុតពីព្យុះស៊ីក្លូនដ៏សាហាវ Gita ខណៈដែលរដ្ឋផ្សេងទៀតដូចជា Tonga និងព្យុះ Samoa រងគ្រោះធ្ងន់ធ្ងរ៕
Tag:
ហ្វីជី
ស៊ីក្លូន
ការប្រែប្រួលអាកាសធាតុ
© រក្សាសិទ្ធិដោយ thmeythmey.com
