ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
សំបុកសត្វស្លាប១១ប្រភេទដែលរងការគំរាមកំហែងជាសកល ត្រូវបានការពារ
03, Apr 2018 ,
8:59 pm
រូបភាព
រូបភាពពីអង្គការWCS
×
ដោយ:
ខេត្តព្រះវិហារ៖ សំបុកសត្វស្លាបប្រភេទរងការគំរាមកំហែងជាសកលចំនួន១១ប្រភេទ ត្រូវបានការពារយ៉ាងយកចិត្តទុកដាក់ ដើម្បីដោះស្រាយបញ្ហាប្រមូលយកពង និងកូនសត្វស្លាបទឹកទៅលក់ដែលបញ្ហានេះគំរាមកំហែងដល់ស្លាបទឹកមានមាឌធំៗ។ សត្វសា្លបសំខាន់ៗដែលទទួលបានការពារសំបុកទាំងនោះរួមមាន សត្វត្រយ៉ងយក្ស ដែលជាសត្វស្លាបតំណាងកម្ពុជា ត្រយ៉ងចង្កំកស ត្មាតផេះ ត្មាតភ្លើង ត្រដក់តូច ត្រដក់ធំ ស្មោញ អង្គត់ខ្មៅ ក្រៀល ទាព្រៃស្លាបស និងពពូលទឹក។
សត្វស្លាបប្រភេទរងការគំរាមកំហែងជាសកលចំនួន១១ប្រភេទ ដែលមានសំបុកទាំងអស់ជាង ៣,៨០០ និងញាស់ បានជាកូនជាង៦,៨០០ក្បាល នៅតំបន់ខ្ពង់រាបភាគខាងជើងប្រទេសកម្ពុជា ត្រូវបានការពារយ៉ាងយកចិត្តទុកដាក់ពីក្រសួងបរិស្ថាន សមាជិកសហគមន៍ និងអង្គការWCS គិតចាប់ពីឆ្នាំ២០០២មក។ គម្រោងការពារសំបុកសត្វស្លាបនេះ បានបង្កើតឡើងកាលពីដើមឆ្នាំ២០០០ ដើម្បីលុបបំបាត់ការប្រមូលយកពង និងកូនសត្វស្លាបទឹកទៅលក់ដែលបញ្ហានេះគំរាមកំហែងដល់ស្លាបទឹកមានមាឌធំៗ។ គម្រោងនេះ បានផ្តល់ប្រាក់លើកទឹកចិត្តជូនសមាជិកសហគមន៍ក្នុងដែនជម្រកសត្វព្រៃគូលែនព្រហ្មទេព និងឆែប ដែលចូលរួមក្នុងសកម្មភាពការពារសំបុកសត្វស្លាបនេះ និងដែលពួកគាត់ទទួលបានជោគជ័យក្នុងការងារត្រួតពិនិត្យ ការពារ និងយាមសំបុកសត្វស្លាបសំខាន់ៗ រហូតដល់ពេលកូនញាស់។
សត្វសា្លបសំខាន់ៗដែលទទួលបានការពារសំបុកទាំងនោះរួមមាន សត្វត្រយ៉ងយក្ស ដែលជាសត្វស្លាបតំណាងកម្ពុជា ត្រយ៉ងចង្កំកស ត្មាតផេះ ត្មាតភ្លើង ត្រដក់តូច ត្រដក់ធំ ស្មោញ អង្គត់ខ្មៅ ក្រៀល ទាព្រៃស្លាបស និងពពូលទឹក។
លោក រស់ វ៉ាន់ ប្រធានក្រុមស្រាវជ្រាវសត្វព្រៃប្រចាំដែនជម្រកសត្វព្រៃគូលែនព្រហ្មទេព នៃក្រសួងបរិស្ថាន និងអង្គការ WCS បានឲ្យដឹងថាការថែរក្សាសំបុកពងកូនសត្វស្លាប បានរួមចំណែកកាត់បន្ថយការគំរាមកំហែងពីការប្រមូលយកពងកូន ការរំខាន និងការកាប់ព្រៃឈើជាដើម។ លោក វ៉ាន់ បន្តទៀតថា៖«នៅពេលប្រជាសហគមន៍មានឱកាសទទួលបានប្រយោជន៍សេដ្ឋកិច្ច និងសង្គមពីការងារអភិរក្ស ពួកគេនឹងមានទឹកចិត្តក្នុងការអភិរក្សការពារសត្វស្លាបទាំងអស់នោះ»។
បើតាមប្រកាសព័ត៌មានរបស់អង្គការ WCS តំបន់ខ្ពង់រាបខាងជើងនៃកម្ពុជា ដែលរួមបញ្ជូលដែនជម្រកសត្វព្រៃគូលែនព្រហ្មទេព ដែលជម្រកសត្វព្រៃព្រះរកា និងដែនជម្រកសត្វព្រៃឆែបផងដែរនោះ គាំទ្រដល់ការរស់នៅរបស់សត្វស្លាបជិត៣០០ប្រភទេ។ នៅប៉ុន្មានឆ្នាំកន្លងមកនេះ ការគំរាមកំហែងចម្បងចំពោះសត្វស្លាបប្រភេទរងគ្រោះទាំងអស់នោះ បានប្តូរពីការប្រមូលពងកូនទៅជាការបាត់បង់ទីជម្រកវិញ ហើយមូលហេតុគឺបណ្តាលមកពីការកាប់ឆ្ការព្រៃឈើ សម្ពាធពីការអភិវឌ្ឍន៍សេដ្ឋកិច្ច និងការការប់ប្រភេទឈើប្រណីតដែលជាប្រភេទដើមឈើសត្វស្លាបទឹកមាឌធំចូលចិត្តធ្វើសំបុកពងកូន។
លោក កែន សេរីរដ្ឋា ប្រធានអង្គការWCS និយាយថាជោគជ័យនៃគម្រោងការពារសំបុកសត្វស្លាប គឺជាយុទ្ធសាស្ត្រអនុវត្តសកម្មភាពអភិរក្ស នៅតំបន់ខ្ពង់រាបភាគខាងជើងនេះ ហើយការងារនេះ កើតចេញពីកិច្ចសហការល្អ ជាមួយរដ្ឋាភិបាល សមាជិកសហគមន៍ និងអង្គការដៃគូអភិវឌ្ឍន៍ដើម្បីបង្កើត និងគ្រប់គ្រងតំបន់ការពារធម្មជាតិ រៀបចំបង្កើតកំណត់តំបន់គ្រប់គ្រង និងប្រើប្រាស់ និងលើកកម្ពស់ជីវភាពរស់នៅរបស់ប្រជាជនសហគមន៍ផងដែរ៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
ខេត្តព្រះវិហារ
សត្វស្លាប
គូលែនព្រហ្មទេព
រស់ វ៉ាន់
កែន សេរីរដ្ឋា
© រក្សាសិទ្ធិដោយ thmeythmey.com
អត្ថបទពេញនិយម
ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ
1 ថ្ងៃ
តើពាក្យ«បច្ច័យ»មានន័យច្បាស់លាស់ដូចម្តេច?
2 ថ្ងៃ
សមត្ថកិច្ចខេត្តកែប ធ្វើកិច្ចសន្យាអាជីវករ២រូប ឱ្យឈប់ទារលុយពីភ្ញៀវទេសចរដែលអង្គុយតាមឆ្នេរ
6 ថ្ងៃ
«បុរាណ»និង«បូរាណ» មានអត្ថន័យដូចគ្នា
6 ថ្ងៃ
«ភេរវកម្ម» មិនមែន «ភេវរកកម្ម» ឬ «ភារវកម្ម» ឡើយ
4 ថ្ងៃ
អត្ថបទពេញនិយមបន្ថែម