ជ័យលាភី Padma Award លោក ហ៊ុន ម៉ានី អំពាវនាវឲ្យពលរដ្ឋខ្មែរចូលរួមបង្កើនស្នាដៃដែលជាមោទកភាពជាតិថែមទៀត

ជាតិ

ជ័យលាភី Padma Award លោក ហ៊ុន ម៉ានី អំពាវនាវឲ្យពលរដ្ឋខ្មែរចូលរួមបង្កើនស្នាដៃដែលជាមោទកភាពជាតិថែមទៀត

04, Apr 2018 , 10:32 am

រូបភាព

ដោយ: ញឹក ស្រីល័ក្ខ (Nhek Sreyleak)

ភ្នំពេញ៖ លោក ហ៊ុន ម៉ានី អ្នកតំណាងរាស្ត្រកំពង់ស្ពឺ និងជាប្រធានសហភាពសហព័ន្ធយុវជនកម្ពុជា បានត្រឡប់ពីទទួលគ្រឿងឥស្សរិយយស «Padma Shri Award» ពីប្រធានាធិបតីឥណ្ឌា នៅប្រទេសឥណ្ឌាវិញហើយ នៅយប់ថ្ងៃទី ៣ ខែមេសា។ លោក ហ៊ុន ម៉ានី ជាបុគ្គលមួយរូប ក្នុងចំណោមឥស្សរជន៨៥រូប ដែលត្រូវបានជ្រើសរើសសម្រាប់គ្រឿងឥស្សរិយយស Padma Shri Awardនេះ។

ក្នុងសន្និសីទកាសែតនៅអាកាសយានដ្ឋានអន្តរជាតិភ្នំពេញ លោក ហ៊ុន ម៉ានី បានលើកឡើងថា ការជ្រើសរើសនេះ មិនមែនជាការចៃដន្យនោះទេ វាជាការសហការរវាងស.ស.យ.ក និងឥណ្ឌា ហើយវាក៏ឆ្លុះបញ្ចាំងពីទំនាក់ទំនងរវាងកម្ពុជា និងឥណ្ឌាដែរ។ ក្រៅពីថ្លែងពីមោទកភាពក្នុងនាមជាកូនខ្មែរ ដែលទទួលបានគ្រឿងឥស្សរិយយសជាន់ខ្ពស់របស់រដ្ឋាភិបាលឥណ្ឌា ប្រធានសហភាពសហព័ន្ធយុវជនកម្ពុជា រូបនេះ ក៏អំពាវនាវដល់ពលរដ្ឋខ្មែរ ពិសេសយុវជន ឲ្យចូលរួមថែរក្សាកិត្តិយសកម្ពុជា និងចូលរួមបង្កើនស្នាដៃដែលជាមោទកភាពជាតិបន្ថែមទៀត។ លោក ហ៊ុន ម៉ានី សង្កត់ធ្ងន់ដូច្នេះ៖«មិនមែនទាល់តែខ្ញុំដែលអាចធ្វើបានទេ យុវជន និងតំណាងកម្ពុជា គឺរឹតតែអាចធ្វើបានទាំងអស់គ្នា»។

សូមអញ្ជើញទស្សនាវីដេអូ ដូចតទៅ៖

អត្ថបទទាក់ទង

ទទួលគ្រឿងឥស្សរិយយស Padma Shri លោក ហ៊ុន ម៉ានី ដឹងគុណប្រទេសជាតិ

លោក ហ៊ុន ម៉ានី នឹងចេញទៅទទួលពានរង្វាន់ Padma Award ពីរដ្ឋាភិបាលឥណ្ឌា នៅល្ងាចថ្ងៃសៅរ៍នេះ

ជ័យលាភី១០អង្គ/នាក់នៅអាស៊ាន ដែលបាន Padma Awards ពីរដ្ឋាភិបាលឥណ្ឌា

ពានរង្វាន់ដែលលោក ហ៊ុន ម៉ានី ទទួលបាននេះជាគ្រឿងឥស្សរិយយសចំពោះស្នាដៃឆ្នើម ក្នុងកិច្ចការងារសាធារណៈ តាមរយៈការងារមនុស្សធម៌ ការងារសង្គម ពិសេសការងារយុវជន។ Padma Shri Award ជាគ្រឿងឥស្សរិយសដ៏មានកិត្យានុភាពមួយ ដែលរដ្ឋាភិបាលឥណ្ឌាផ្តល់ទៅឥស្សរជនឆ្នើម ក្នុងបេសកកម្មបម្រើជនស៊ីវិលនៅផ្នែកផ្សេងៗគ្នា ចាប់តាំងពីឆ្នាំ១៩៥៤មក។

សូមបញ្ជាក់ថា លោក ហ៊ុន ម៉ានី កាលពីឆ្នាំ២០១៥ លោកទទួលបានពានរង្វាន់សន្តិភាព « The Gusi Peace Prize » ពីហ្វីលីពីនក្នុងភាពជាអ្នកដឹកនាំយុវជន ការគោរពសិទ្ធិមនុស្ស និងជាអ្នកការពារស្រឡាញ់សម្បត្តិវប្បធម៌បេតិកភណ្ឌពិភពលោក៕