ជាតិ
បទយកការណ៍ / បទសម្ភាសន៍
សង្គមជាតិ
«សត្វដំរី» នៅខេត្តរនគិរី អំពាវនាវរកជំនួយពីសប្បុរសជន
× ភ្នំពេញ៖ ប្រទេសកម្ពុជាទាំងមូលមានសត្វដំរីសរុបចំនួនប្រមាណជាជាង៣០០ក្បាលក្នុងនោះដំរីស្រុកមានចំនួន៧២ក្បាល និងដំរីព្រៃ២៥០ក្បាល។ ក្នុងន័យចូលរួមចំណែកថែទាំ ការពារ និងអភិរក្សសត្វដំរីនោះ សមាគមមូលនិធិអភិរក្សដំរីខ្មែរ អៃរាវត្តា ក៏ត្រូវបានបង្កើតឡើងដើម្បីចិញ្ចឹម និងថែទាំសត្វដំរី ចំនួន៤ក្បាលនៅក្នុងខេត្តរតនគិរី។ លោកស្រី ខៃ ចិន្តា គឺជាប្រធាននៃសមាគមខាងលើនេះ។
ចាប់តាំងពីឆ្នាំ២០១៥មក លោកស្រី ចិន្តា និងស្វាមី ជាជនជាតិបារាំងដែលជាអ្នកស្រឡាញ់សត្វដំរីនោះ បានចំណាយថវិកាផ្ទាល់ខ្លួនប្រមាណជា២០ម៉ឺនដុល្លារដើម្បីចិញ្ចឹមសត្វដំរីចំនួន៤ក្បាលនេះ។ ទោះជាការចំណាយប៉ុន្មានក៏មិនគ្រប់គ្រាន់ដែរ ព្រោះដំរី ត្រូវការការថែទាំពិតប្រាកដ ពោលគឺត្រូវការថវិកាច្រើនគួរសម។ រីឯ លោកស្រី ចិន្តា ម្នាក់ឯង មិនមានលទ្ធភាពបន្តកិច្ចការនេះម្នាក់ឯងបានឡើយ។ មធ្យោបាយចុងក្រោយរបស់អ្នកស្រី គឺការអំពាវនាវរកសប្បុរសជនជួយផ្តល់ថវិកាដើម្បីចិញ្ចឹម ថែទាំ និងអភិរក្សដំរីខ្មែរ។ ពិធីរៃអង្គាសជួយចិញ្ចឹមសត្វដំរីនឹងធ្វើឡើងនៅថ្ងៃទី២៧ខែមេសានៅស្ថានបារាំងនាទីក្រុងភ្នំពេញ។ ដាក់ដឹកនាំជាន់ខ្ពស់នៃរាជរដ្ឋាភិបាលកម្ពុជា, មន្ត្រីស្ថានទូត និង អ្នកជំនួញ មួយចំនួន នឹងត្រូវអញ្ជើញឲ្យចូលរួមក្នុងពិធីមនុស្សធម៌មួយនេះ។
ដើម្បីជ្រាបព័ត៌មានលម្អិតថា តើហេតុអ្វីបានអ្នកស្រី ខៃ ចិន្តា និងស្វាមីជនជាតិបារាំង ស្រឡាញ់ដំរីខ្មែរក្នុងទំហំទឹកចិត្តប៉ុណ្ណានោះ សូមអញ្ជើញស្តាប់បទសម្ភាសជាសំឡេងរបស់លោក គី សុខលីម អ្នកសារព័ត៌មានអេឡិចត្រូនិកថ្មីៗ និងលោកស្រី ខៃ ចិន្តា ដូចតទៅ៖
លេខទំនាក់ទំនង៖ ០១២ ៩៦៥ ១៦៥
© រក្សាសិទ្ធិដោយ thmeythmey.com