ជាតិ
សង្រ្កាន្តឆ្នាំថ្មី
ទៅលេងបុណ្យភូមិ កុំភ្លេចចូលលេងល្បែងប្រជាប្រិយក្នុងប្រអប់ខ្មៅ
× ភ្នំពេញ៖ បុណ្យភូមិឆ្នាំទី៥នេះ រៀបចំនៅវត្តគោកអម្ពិល ចាប់ពីថ្ងៃទី៦-៨ ខែមេសា ដោយមានរៀបចំកម្មវិធីសិល្បៈជាច្រើន ក្នុងនោះក៏មានការលេងល្បែងប្រជាប្រិយខ្មែរជាច្រើនដែរ។ អ្វីដែលគួរឲ្យចាប់អារម្មណ៍នោះ គឺការលេងប្រជាប្រិយខ្មែរនៅក្នុងប្រអប់ខ្មៅ តាមបែបច្ចេកវិទ្យាទំនើប។
កញ្ញា រិទ្ធី លំអរពេជ្រ អ្នករៀបចំកម្មវិធីបុណ្យភូមិ បាននិយាយថា មានទម្រង់សិល្បៈជាច្រើនប្រភេទដូចជា យីកេ, របាំបុរាណ, ល្ខោនស្បែក។ អ្វីដែលខុសខុសប្លែកពីឆ្នាំមុនៗគឺ កម្មវិធីបានរៀបចំ ការលេងល្បែងប្រជាប្រិយ២ប្រភេទ គឺបោះអង្គញ់ និងចោលឈូង នៅក្នុងប្រអប់ខ្មៅ ដែលមានភ្ជាប់ជាមួយនឹងបច្ចេកវិទ្យា។ កញ្ញា រិទ្ធី លំអរពេជ្រ បញ្ជាក់ថា៖« អ្នកមកចូលរួមកម្មវិធីបុណ្យភូមិ នឹងបានលេងសប្បាយរីករាយជាមួយល្បែងប្រជាប្រិយនេះ និងយល់ដឹងកាន់តែច្បាស់ពីវប្បធម៌ ប្រពៃណី និងទំនៀបទម្លាប់ខ្មែរ»។
អ្នកលេងល្បែងប្រជាប្រិយខ្មែរនៅក្នុងប្រអប់ខ្មៅ អាចចូលលេងបានម្តង៥នាក់ ហើយមុននឹងអាចលេងបានអ្នកចូលរួម ត្រូវទាយឈ្មោះឧបករណ៍ភ្លេងបុរាណខ្មែរឲ្យបានត្រឹមត្រូវជាមុនសិន។ នៅពេលទាយត្រូវហើយ ទ្វារនៅពីមុខអ្នកលេងនឹងបើកដោយស្វ័យប្រវត្តិ ហើយអ្នកចូលរួម អាចលេងល្បែងទីមួយបាន គឺល្បែងបោះអង្គញ់។ អ្នកលេងត្រូវបោះអង្គញ់ឲ្យដួលទាំងអស់ ដែលនេះគឺជាលក្ខខណ្ឌកំណត់។ លុះអង្គញ់ដួលអស់ហើយ ផ្ទាំងរូបភាពដែលរៀបរាប់ពីល្ខោនស្បែកធំ នឹងបង្ហាញខ្លួន ឲ្យអ្នកចូលរួមលេងឃើញ។ បន្ទាប់ពីការរៀបរាប់ពីល្ខោនស្បែកធំ គឺដល់វេលាលេងល្បែងទី២ គឺល្បែងចោលឈូង។ អ្នកលេងឈ្នះនឹងទទួលបានអាវយឺត ឬក្រមា ជាវត្ថុអនុស្សាវរីយ៕
សូមថ្លែងអំណរគុណដល់ក្រុមហ៊ុនដែលបានចូលរួមឧបត្ថម៖
១, ឥណទានគេហដ្ឋានរបស់ធនាគារ ស៊ីអាយអិមប៊ី ផ្តល់ជូនអត្រាការប្រាក់ 7.99% បន្ថែមជាមួយសេវាធានារ៉ាប់រងអាយុជីវិតរហូតដល់ 50,000 ដុល្លារអាមេរិក ដោយឥតគិតថ្លៃ។ សូមទំនាក់ទំនង 023 988 388 ។
២, រថយន្តប្រណីតម៉ាក Mercedes-Benz (មែសឺដេស-បិនស៍) ថ្មីៗឆ្នាំ២០១៨ កំពុងដាក់លក់នៅ ក្រុមហ៊ុន ស្តារ អូតូ (ខេមបូឌា) ខូអិលធីឌី ស្ថិតនៅមហាវិថីសម្តេច ហ៊ុន សែន ឬផ្លូវ៦០ម៉ែត្រ ភ្នំពេញ។ ទូរស័ព្ទផ្នែកលក់ 017 231 488 និងផ្នែកសេវាកម្ម ០11 726 988 ។
៣, ស្អាតដូចតារា ស្អាតបែបស៊ូណេ, ទូរស័ព្ទទំនាក់ទំនង៖ 017 800 150 / 098 5000 88 , ទីតាំងស្ថិតនៅផ្សារទំនើបសុវណ្ណា។
៤, រីករាយឆ្នាំថ្មី! បង្កើតបរិយាកាសដ៏រីករាយនៅក្នុងឆ្នាំថ្មីជាមួយ កូកា-កូឡា រសជាតិនៃអារម្មណ៍ស្រស់ស្រាយ។
Tag:
ភ្នំពេញ
បុណ្យភូមិ
ល្បែងប្រជាប្រិយ
© រក្សាសិទ្ធិដោយ thmeythmey.com