ជាតិ
សេដ្ឋកិច្ច
ក្រសួងពាណិជ្ជកម្ម UNDP និងក្រុមហ៊ុនចិន រួមគ្នាអភិវឌ្ឍវិស័យឧស្សាហកម្មដំឡូងមីនៅកម្ពុជា
លោក ប៉ាន សូរស័ក្តិ ស្ថិតក្នុងពិធីចុះអនុស្សរណៈជាមួយអង្គការ UNDP និង ក្រុមហុន Gread Leader កាលពីថ្ងៃទី២ ខែមេសា ឆ្នាំ២0១៨។ រូបពីក្រសួងពាណិជ្ជកម្ម
×![]()
ភាគីបី ដែលរួមមាន ក្រសួងពាណិជ្ជកម្ម កម្មវិធីអភិវឌ្ឍន៍សហប្រជាជាតិ (UNDP) និងក្រុមហ៊ុនឯកជនមួយរបស់ចិន ដែលមានឈ្មោះថា Green Leader Holdings Group Limited បានចុះហត្ថលេខាលើអនុស្សរណៈយោគយល់ (MOU) កាលពីដើមខែមេសា ស្តីពីការអភិវឌ្ឍវិស័យដំឡូងមីកម្ពុជា ប្រកបដោយនិរន្តរភាព។
ពិធីនេះ បានធ្វើឡើងក្រោមអធិបតីភាពរបស់លោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម និងអ្នកចូលរួមជាង៥០នាក់ ទៀត ដែលជាមន្ត្រីរដ្ឋាភិបាល មន្ត្រីអង្គការ UNDP និងតំណាងក្រុមហ៊ុន Green Leader Holdings Group Limited។
បើតាមទំព័រហ្វេសប៊ុកក្រសួងពាណិជ្ជកម្ម អនុស្សរណៈនេះ ផ្តោតលើចំណុចសំខាន់ៗចំនួនបី គឺទី១ បង្កើនផលិតភាពរបស់កសិករដំឡូងមីខ្នាតតូច តាមរយៈការផ្ទេរសមត្ថភាព និងប្រើប្រាស់បច្ចេកវិទ្យា ដើម្បីឲ្យមានប្រព័ន្ធផលិតកម្មជានិរន្តរភាព និងទី២ ធ្វើឲ្យគុណភាពកាន់តែល្អប្រសើរ និងបង្កើនទំនុកចិត្តលើការផ្គត់ផ្គង់ តាមរយៈការពង្រឹងសមាគមកសិករដំឡូងមី និងសមត្ថភាពលើកិច្ចសហប្រតិបត្តិការ ដោយការជំរុញឲ្យមានគំរូកសិកម្មកិច្ចសន្យា ហើយទី៣ ជំរុញការស្រាវជ្រាវ និងអភិវឌ្ឍលើអេតាណុល (bio-ethanol) និងទស្សនៈ ដើម្បីជំរុញគោលនយោបាយជាតិឥន្ធនៈ (bio-fuel)។
ទំព័រហ្វេសប៊ុកក្រសួងពាណិជ្ជកម្ម បានសរសេរពីប្រសាសន៍របស់លោ ប៉ាន សូរស័ក្តិ យ៉ាងដូច្នេះថា៖«អនុស្សរណៈយោគយល់ រវាង UNDP និងរោងចក្រ Green Leader នឹងរួមចំណែកជួយលើកកម្ពស់វិស័យដំឡូងមីរបស់កម្ពុជា ព្រមទាំងបង្កើតឱកាសការងារ និងប្រាក់ចំណូលបន្ថែមជូនប្រជាពលរដ្ឋ»៕
Tag:
ដំដូងមី
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
