ជាតិ
នយោបាយជាតិ
គ.ជ.ប. ថ្លែងថា មិនមែនទាល់តែមានបក្សប្រឆាំង ទើបការបោះឆ្នោត មានភាពស្របច្បាប់នោះទេ
×![]()
ដោយ: ថ្មីៗ
ភ្នំពេញ៖ ការបោះឆ្នោតជ្រើសតាំងតំណាងរាស្ត្រ នីតិកាលទី៦ នឹងប្រព្រឹត្តទៅតាមការគ្រោងទុក ដោយមិនខ្វល់ថា មានគណបក្សប្រឆាំង ឬគ្មាននោះទេ។ នេះជាការបញ្ជាក់របស់គណៈកម្មាធិការជាតិរៀបចំការបោះឆ្នោត (គ.ជ.ប. )។
គ.ជ.ប. បានចេញសេចក្តីប្រកាសព័ត៌មានមួយ នៅថ្ងៃទី៩ ខែមេសា ឆ្នាំ២0១៨នេះ ដោយពន្យល់ថា ទោះគ្មានគណបក្សប្រឆាំង ឬគណបក្សណាមួយចូលរួមក៏ដោយ ក៏ការបោះឆ្នោតនៅកម្ពុជា នៅតែមានភាពស្របច្បាប់ និងមានលក្ខណៈសេរី ដដែល។ ស្ថាប័នរៀបចំការបោះឆ្នោតមួយនេះ បានលើកយកច្បាប់ពាក់ព័ន្ធនឹងការបោះឆ្នោត មកបកស្រាយយ៉ាងដូច្នេះថា៖«គ្មានមាត្រាណាមួយ ចែងថា លុះត្រាតែមានគណបក្សប្រឆាំង ចូលរួមក្នុងការបោះឆ្នោត ទើបចាត់ទុកថាការបោះឆ្នោត មានលក្ខណស្របច្បាប់នោះទេ»។
តាមរយៈសេចក្តីប្រកាសព័ត៌មានដដែល គ.ជ.ប. បានអំពាវនាវដល់ប្រជាពលរដ្ឋ ឲ្យទៅចូលរួមបោះឆ្នោត នៅថ្ងៃទី២៩ ខែកក្កដា ឆ្នាំ២0១៨។ គ.ជ.ប. លើកឡើងថា៖«ការបោះឆ្នោតនេះ ជាឱកាសតែមួយគត់ នៅរៀងរាល់៥ឆ្នាំម្តង ដើម្បីជ្រើសរើសថ្នាក់ដឹកនាំប្រទេសរបស់យើង និងជាប្រយោជន៍សម្រាប់អនាគតយើងផ្ទាល់»។
បន្ទាប់មក គ.ជ.ប. ក៏បានលើកយកវិធានការផ្លូវច្បាប់ មកព្រមានក្រុមណា ដែលធ្វើសកម្មភាព ដែលរារាំងប្រជាពលរដ្ឋ មិនឲ្យទៅចូលរួមបោះឆ្នោត ឬក៏បង្កការរំខានដល់ការបោះឆ្នោត។ គ.ជ.ប. អះអាងថា ជនណា ឬស្ថាប័នណា ហ៊ានប្រព្រឹត្តនូវទង្វើបែបនេះ នឹងត្រូវពិន័យជាប្រាក់ពី ៥លានរៀល ទៅ២0លានរៀល ដោយមិនទាន់គិតពីទោសព្រហ្មទណ្ឌផ្សេងទៀត។
មួយរយៈចុងក្រោយនេះ ជាពិសេសបន្ទាប់ពីគណបក្សសង្គ្រោះជាតិ ដែលជាគណបក្សប្រឆាំងធំជាងគេ ត្រូវបានរំលាយចោល ហើយលោក កឹម សុខា ត្រូវបានចាប់ខ្លួន សហគមន៍អន្តរជាតិមួយចំនួន ហាក់អស់ជំនឿលើគ.ជ.ប. ក្នុងការបំពេញកិច្ចការបោះឆ្នោត។ ចំណែក ប្រជាពលរដ្ឋខ្មែរខ្លះ ដែលគាំទ្រ និងមានសមានចិត្តចំពោះគណបក្សប្រឆាំង ក៏មិនសូវរីករាយប៉ុន្មានដែល ដែលគណបក្សរបស់ពួកគេ នៅតែមិនទាន់អាចរស់ឡើងវិញ ខណៈការបោះឆ្នោត កាន់តែខិតជិតមកដល់។
សហគមន៍អន្តរជាតិ ដូចជា សហរដ្ឋអាមេរិក និងសហភាពអឺរ៉ុប ជាដើម ចាត់ទុការបោះឆ្នោត ដែលគ្មានវត្តមានគណបក្សប្រឆាំង ថាមិនស្របច្បាប់ និងមិនប្រព្រឹត្តទៅតាមគន្លងប្រជាធិបតេយ្យឡើយ។ ពួកគេ នឹងមិនទទួលស្គាល់ការបោះឆ្នោតនោះទេ៕
គ.ជ.ប. បានចេញសេចក្តីប្រកាសព័ត៌មានមួយ នៅថ្ងៃទី៩ ខែមេសា ឆ្នាំ២0១៨នេះ ដោយពន្យល់ថា ទោះគ្មានគណបក្សប្រឆាំង ឬគណបក្សណាមួយចូលរួមក៏ដោយ ក៏ការបោះឆ្នោតនៅកម្ពុជា នៅតែមានភាពស្របច្បាប់ និងមានលក្ខណៈសេរី ដដែល។ ស្ថាប័នរៀបចំការបោះឆ្នោតមួយនេះ បានលើកយកច្បាប់ពាក់ព័ន្ធនឹងការបោះឆ្នោត មកបកស្រាយយ៉ាងដូច្នេះថា៖«គ្មានមាត្រាណាមួយ ចែងថា លុះត្រាតែមានគណបក្សប្រឆាំង ចូលរួមក្នុងការបោះឆ្នោត ទើបចាត់ទុកថាការបោះឆ្នោត មានលក្ខណស្របច្បាប់នោះទេ»។
តាមរយៈសេចក្តីប្រកាសព័ត៌មានដដែល គ.ជ.ប. បានអំពាវនាវដល់ប្រជាពលរដ្ឋ ឲ្យទៅចូលរួមបោះឆ្នោត នៅថ្ងៃទី២៩ ខែកក្កដា ឆ្នាំ២0១៨។ គ.ជ.ប. លើកឡើងថា៖«ការបោះឆ្នោតនេះ ជាឱកាសតែមួយគត់ នៅរៀងរាល់៥ឆ្នាំម្តង ដើម្បីជ្រើសរើសថ្នាក់ដឹកនាំប្រទេសរបស់យើង និងជាប្រយោជន៍សម្រាប់អនាគតយើងផ្ទាល់»។
បន្ទាប់មក គ.ជ.ប. ក៏បានលើកយកវិធានការផ្លូវច្បាប់ មកព្រមានក្រុមណា ដែលធ្វើសកម្មភាព ដែលរារាំងប្រជាពលរដ្ឋ មិនឲ្យទៅចូលរួមបោះឆ្នោត ឬក៏បង្កការរំខានដល់ការបោះឆ្នោត។ គ.ជ.ប. អះអាងថា ជនណា ឬស្ថាប័នណា ហ៊ានប្រព្រឹត្តនូវទង្វើបែបនេះ នឹងត្រូវពិន័យជាប្រាក់ពី ៥លានរៀល ទៅ២0លានរៀល ដោយមិនទាន់គិតពីទោសព្រហ្មទណ្ឌផ្សេងទៀត។
មួយរយៈចុងក្រោយនេះ ជាពិសេសបន្ទាប់ពីគណបក្សសង្គ្រោះជាតិ ដែលជាគណបក្សប្រឆាំងធំជាងគេ ត្រូវបានរំលាយចោល ហើយលោក កឹម សុខា ត្រូវបានចាប់ខ្លួន សហគមន៍អន្តរជាតិមួយចំនួន ហាក់អស់ជំនឿលើគ.ជ.ប. ក្នុងការបំពេញកិច្ចការបោះឆ្នោត។ ចំណែក ប្រជាពលរដ្ឋខ្មែរខ្លះ ដែលគាំទ្រ និងមានសមានចិត្តចំពោះគណបក្សប្រឆាំង ក៏មិនសូវរីករាយប៉ុន្មានដែល ដែលគណបក្សរបស់ពួកគេ នៅតែមិនទាន់អាចរស់ឡើងវិញ ខណៈការបោះឆ្នោត កាន់តែខិតជិតមកដល់។
សហគមន៍អន្តរជាតិ ដូចជា សហរដ្ឋអាមេរិក និងសហភាពអឺរ៉ុប ជាដើម ចាត់ទុការបោះឆ្នោត ដែលគ្មានវត្តមានគណបក្សប្រឆាំង ថាមិនស្របច្បាប់ និងមិនប្រព្រឹត្តទៅតាមគន្លងប្រជាធិបតេយ្យឡើយ។ ពួកគេ នឹងមិនទទួលស្គាល់ការបោះឆ្នោតនោះទេ៕
Tag:
បោះឆ្នោត
គជប
© រក្សាសិទ្ធិដោយ thmeythmey.com
