ចំណុចគួរយល់ដឹង!!! តើអ្នកប្រើប្រាស់រថយន្ដគួរតែជ្រើសយកយានដ្ឋានជួសជុលរថយន្ដបែបណា

រថយន្ត

អត្ថបទពាណិជ្ជកម្ម

10, Apr 2018 , 10:09 am

រូបភាព

ដោយ:

ការជ្រើសយកយានដ្ឋានជួសជុលរថយន្ដ គឺជាកត្តាមួយដ៏សំខាន់បន្ទាប់ពីយើងទិញរថយន្ដមកប្រើប្រាស់រួច ព្រោះវាអាចធ្វើឲ្យយើងចំណេញពេលវេលា និងថវិកាជាច្រើន ហើយអ្វីសំខាន់ជាងនេះទៅទៀតនោះ គឺការគ្រោះថ្នាក់ដល់ជីវិត ដោយសារការជួសជុលដែលមិនមានជំនាញពីយាន្ដដ្ឋានដែលគ្មានស្ដង់ដាពិតប្រាកដ។ ជាឧទាហរណ៍ដូចជា កាលពីថ្មីៗនេះ មានកណីឆេះរថយន្ដទំនើប Range Rover មួយគ្រឿង ដោយសារតែឆ្លងប្រពន្ធ័ភ្លើងអគ្គីសនី ដែលជាហេតុបណ្ដាលឲ្យរថយន្ដមិនដំណើរការ ជាន់ហ្វ្រាំងមិនស៊ី កាច់ចង្កូតមិនបាន ក៏រេទៅបុកដើមឈើយ៉ាងពេញទំហឹង បណ្ដាលឲ្យឆេះយ៉ាងសាហាវ។ នេះគឺជាសំណាងមួយដែលរថយន្ដមិនបង្កគ្រោះថ្នាក់ផ្សេងៗដែលអាយុជិវិតអ្នកដទៃ និងខ្លួនឯង។

បើតាមការពន្យល់ និងបកស្រាយពីអ្នកជំនាញរបស់ក្រុមហ៊ុន Jaguar Land Rover ប្រចាំប្រទេសកម្ពុជា បានឲ្យដឹងថាអ្នកប្រើប្រាស់រថយន្ដទាំងអស់ គួរតែយកចិត្តទុកដាក់ខ្ពស់ទៅលើការជ្រើសយកយានដ្ឋានជួសជុលរថយន្ដដែលមានស្ដង់ដា និងឧបករណ៍បច្ចេកវិទ្យាទំនើប ជាមួយនិងជាងដែលមានជំនាញពិតប្រាកដ។ អ្នកជំនាញក្រុមហ៊ុន Jaguar Land Rover ក៏បានជំរុញលើកទឹកចិត្តឲ្យអ្នកប្រើប្រាស់រថយន្ដទាំងឡាយ គួរងាកមកជួសជុលរថយន្ដនៅតាមយានដ្ឋានថែទាំ និងជួសជុសរថយន្ដពីក្រុមហ៊ុនផ្លូវការ ឬយាន្ដដ្ឋាននានាដែលមានជាងជំនាញច្បាសលាស់ និងឧបករណ៏គ្រប់គ្រាន់។

ជាក់ស្ដែងដូចជា គ្រប់យាន្ដដ្ឋានថែទាំ និងជួសជុលរថយន្ដ របស់ក្រុមហ៊ុនផ្លូវការ បានបំពាក់ដោយឧបករណ៍ទំនើបៗ ជាមួយនឹងជាងដែលមានជំនាញ និងទទួលបានការបណ្ដុះបណ្ដាលពីរោងចក្រផ្ទាល់តែម្ដង ដូច្នេះហើយទើបរថយន្ដដែលមកជួសជុលនៅក្នុងយាន្ដដ្ឋានរបស់ក្រុមហ៊ុនផ្លូវការ ត្រូវបានពិនិត្យ និងជួសជុលយ៉ាងយកចិត្តទុកដាក់បំផុត ដោយមិនឲ្យមានចំនុចប្រហោងណាកើតឡើងឡើយ។ ជាឧទាហរណ៍ដូចខាងលើស្រាប់ រថយន្ដដែលឆេះនោះ មូលហេតុចម្បងធំ គឺដោយសារការជួសជុលពីជាងដែលគ្មានជំនាញ ទើបវាបណ្ដាលឲ្យរថយន្ដមិនដំណើរការ និងជាន់ហ្វ្រាំងមិនស៊ីបែបនេះ។