ជាតិ
រដ្ឋាភិបាល ជំរុញឲ្យយុវជន បង្កើនសមត្ថភាពប្រកួតប្រជែងក្នុងតំបន់អាស៊ាន
× ភ្នំពេញ៖ រដ្ឋាភិបាល ជំរុញឲ្យយុវជនបង្កើនសមត្ថភាពកាន់តែខ្លាំងក្លា ក្នុងការប្រកួតប្រជែងការងារនៅក្នុងតំបន់អាស៊ាន។ ថ្លែងក្នុងពិធីប្រគល់សញ្ញាបត្រដល់និស្សិត នៃសាកលវិទ្យាល័យគ្រប់គ្រង នៅថ្ងៃទី១០ មេសា សម្ដេចនាយករដ្ឋមន្ត្រី ហ៊ុន សែន បានបញ្ជាក់ថា ការងារនៅក្នុងក្របខណ្ឌអាស៊ាន វាពិតជាសំបូរបែប ប៉ុន្តែវាក៏មិនងាយស្រួល សម្រាប់យុវជនស្វែងរកការងារធ្វើដែរ។ ក្នុងន័យនេះប្រមុខរដ្ឋាភិបាល បាននិយាយថា ការងារក្នុងតំបន់អាស៊ាន នឹងផ្ដល់ឱកាសច្រើនសម្រាប់យុវជន ដែលមានសមត្ថភាពខ្ពស់។
សូមស្ដាប់សំឡេងសម្ដេច ហ៊ុន សែន៖
បច្ចុប្បន្នកម្ពុជា មានអ្នកមានសមត្ថភាពមួយចំនួន កំពុងបម្រើការងារនៅក្នុងក្របខណ្ឌអាស៊ាន។ ហើយកម្ពុជា ត្រៀមបញ្ជូនមន្ត្រីមានសមត្ថភាពខ្ពស់ម្នាក់ ធ្វើជាអគ្គលេខាធិការអាស៊ាន បន្ទាប់ពីលោក Dato Lim Jock Hoi អគ្គលេខាធិការអាស៊ានថ្មីបច្ចុប្បន្ន។ កម្ពុជានឹងក្លាយជាម្ចាស់ផ្ទះអាស៊ាន នៅឆ្នាំ២០២២ខាងមុខ ៕
© រក្សាសិទ្ធិដោយ thmeythmey.com