ពលករខ្មែរនៅថៃរាប់រយនាក់ បានសម្រុកមកស្រុកកំណើតវិញ ដើម្បីចូលរួមពិធីបុណ្យចូលឆ្នាំខ្មែរ

ជាតិ

សង្គមជាតិ

ពលករខ្មែរនៅថៃរាប់រយនាក់ បានសម្រុកមកស្រុកកំណើតវិញ ដើម្បីចូលរួមពិធីបុណ្យចូលឆ្នាំខ្មែរ

10, Apr 2018 , 7:59 am

រូបភាព

ដោយ:

មុនពិធីបុណ្យចូលឆ្នាំខ្មែរមកដល់ ពលករខ្មែរ ដែលកំពុងធ្វើការនៅប្រទេសថៃ បាននាំគ្នាសម្រុកមកស្រុកកំនើតវិញ ដើម្បីត្រៀមអបអរពិធីបុណ្យចូលឆ្នាំ ដែលប្រព្រឹត្តទៅនៅថ្ងៃទី១៤ ដល់១៦ មេសា។

លោក ស៊ឹម សំអាត នាយប៉ុស្តិ៍នគរបាលអន្តោប្រវេសន៍ច្រកទ្វារអន្តរជាតិប៉ោយប៉ែត បាននិយាយថា ពលករខ្មែរ ប្រមាណពី៤០០ ទៅ៥០០នាក់ក្នុងមួយថ្ងៃ បាននាំគ្នាចាកចេញពីប្រទេសថៃ ដើម្បីជួបជុំគ្រួសារ និងចូលរួមពិធីបុណ្យចូលឆ្នាំខ្មែរ។ ចំណែកពលករខ្មែរខុសច្បាប់ ដោយសារចាញ់បោកមេខ្យល់នោះ ក៏ត្រូវអាជ្ញាធរថៃ ចាប់បញ្ជូនត្រឡប់មកវិញផងដែរ។

អគ្គស្នងការដ្ឋាននគរបាល់ជាតិ បានស្រង់សម្តីលោក ស៊ឹម សំអាត ដូច្នេះថា៖«ករណីចាប់បញ្ជូនប្រជាជនខ្មែរទៅធ្វើការខុសច្បាប់នៅថៃ ត្រលប់មកកម្ពុជាវិញក្នុង១សប្ដាហ៍ មានត្រឹមតែ ១០០នាក់តែប៉ណ្ណោះ។ ប៉ុន្តែដោយសារ ជិតចូលឆ្នាំខ្មែរ អាជ្ញាធរថៃ បានបញ្ជូនប្រជាជនខ្មែររហូតដល់ ១៥០នាក់ ក្នុង១ថ្ងៃ»។

ជាមួយគ្នានេះលោក ស៊ឹម សំអាត ដែលបានអំពាវនាវឲ្យរថយន្តក្រុង និងរថយន្តតាក់ស៊ី កុំដំឡើងថ្លៃសេវា ដើម្បីជួយសម្រួលដល់ពលករខ្មែរ ធ្វើដំណើរទៅស្រុកកំណើតវិញ៕