World Cup៖ ស៊ែប៊ី បង្ហាញវត្តមានលើកទីពីរ ក្រោយចែកផ្លូវពីម៉ុងតេណេហ្គ្រោ

កីឡាអន្តរជាតិ

អន្តរជាតិ

World Cup៖ ស៊ែប៊ី បង្ហាញវត្តមានលើកទីពីរ ក្រោយចែកផ្លូវពីម៉ុងតេណេហ្គ្រោ

11, Apr 2018 , 8:39 am

រូបភាព

ដោយ: ទេព ពិទូរ្យ

ក្រុមកីឡាបាល់ទាត់ជម្រើសជាតិស៊ែប៊ីដែលបានកៅអីទៅរុស្ស៊ីសម្រាប់ការប្រកួតពានរង្វាន់ FIFA World Cup ឆ្នាំ២០១៨ ត្រូវជួបក្រុមខ្លាំងមកពីអាមេរិកឡាទីន ប្រេស៊ីល ស្វីសពីអឺរ៉ុប និងកូស្តារីកាពីអាមេរិកកណ្តាល នៃវគ្គសន្សំពិន្ទុពូល E។

គ្រូបង្វឹក៖ លោក Mladen Krstajic (ស៊ែប៊ី)
ជាអតីតខ្សែការពារកាលពីស៊ែប៊ី និងម៉ុងតេណេហ្គ្រោនៅជាប្រទេសតែមួយ ក្នុងការប្រកួតកីឡាបាល់ទាត់ពិភពលោកឆ្នាំ ២០០៦ លោក Krstajic ត្រូវបានឡើងមកជំនួសតំណែងលោក Slavoljub Muslin ដែលត្រូវបញ្ចប់តួរនាទីជាអ្នកចាត់ការក្រុមជម្រើសជាតិស៊ែប៊ីកាលពីខែតុលា ឆ្នាំ ២០១៧។

កីឡាករឆ្នើម៖ Branislav Ivanovic
ជាប្រធានក្រុមស៊ែប៊ីចាប់តាំងពីឆ្នាំ ២០១២ មក។ Ivanovic ទើបតែបានបង្ហាញខ្លួនឲ្យជម្រើសជាតិជាលើកដំបូងក្រុងការប្រកួតពានរង្វាន់ World Cup នេះ។ ខ្សែការពារវ័យ៣៤ឆ្នាំធ្លាប់ឈ្នះ UEFA Champions League ១លើក និង Premier League ៣លើកជាមួយ Chelsea។ បច្ចុប្បន្នរួបគេប្រកបអាជីពក្នុងក្លិបកីឡាបាល់ទាត់កំពូលរុស្ស៊ី Zenit St Petersburg។

ប្រវត្តិក្នុង World Cup៖
នេះជាវត្តមានលើកទី១២ហើយ សម្រាប់ក្រុមជម្រើសជាតិស៊ែប៊ី (គិតទាំងកាលជាប្រទេសស៊ែប៊ី និងម៉ុងតេណេហ្គ្រោ) បន្ទាប់ពីការបង្ហាញខ្លួនលើកដំបូងឆ្នាំ ១៩៣០ និងចុងក្រោយឆ្នាំ២០១០។ លទ្ធផលល្អបំផុតដែលពួកគេទទួលបានគឺចំណាត់ថ្នាក់លេខ៤ ចំនួនពីលើក គឺឆ្នាំ១៩៣០ និង១៩៦២។ ស៊ែប៊ី ស្ថិតនៅចំណាត់ថ្នាក់ទី ៣៧ពិភពលោក ក្នុងតារាង FIFA Ranking៕

កម្មវិធីប្រកួត៖
- ១៧ មិថុនា៖ កូស្តារីកា Vs ស៊ែប៊ី (ម៉ោង ៧យប់ ម៉ោងនៅកម្ពុជា)
- ២៣ មិថុនា៖ ស៊ែប៊ី Vs ស្វីស (ម៉ោង ១អធ្រាត្រ)
- ២៨ មិថុនា៖ ស៊ែប៊ី Vs ប្រេស៊ីល (ម៉ោង ១អធ្រាត្រ)