អន្តរជាតិ
លោក ស៊ី ជិនភីង ថ្លែងក្នុងវេទិកា Boao នៅកោះហៃណាន (រូបភាព AFP)
×![]()
ដោយ: តន ចាន់រិទ្ធារ៉ា
នៅថ្ងៃទី១០ ខែមេសា ប្រធានាធិបតីចិន ស៊ី ជិនភីង បានសន្យាកាត់បន្ថយពន្ធនាំចូលលើយានយន្ត និងបង្កើនបរិមាណទំនិញនាំចូលទីផ្សារចិន ហើយនឹងបើកចំហទីផ្សារកាន់តែធំថែមទៀត។ការប្រកាសរបស់លោក ស៊ី ជិនភីង បានដើរផ្ទុយស្រឡះពីជំហររបស់ប្រធានាធិបតីអាមេរិក ដូណាល់ ត្រាំ ដែលប្រឹងបង្កើនពន្ធនាំចូលលើទំនិញជាច្រើនមុខ។ ប៉ុន្តែនេះក៏ជាការឆ្លើយតបដោយប្រយោលនឹងការតវ៉ារបស់អាមេរិកដែលចង់ចូលទីផ្សារចិនកាន់តែស្រួលដែរ។
នៅឆ្នាំនេះ ចិននឹងកាត់បន្ថយពន្ធនាំចូលយានយន្ត និងផលិតផលផ្សេងទៀត។ នេះជាការប្រកាសរបស់ប្រធានាធិបតីចិន ស៊ី ជិនភីង ក្នុងវេទិកា Boao ស្ដីពីអាស៊ីនៅកោះហៃណាន នៅថ្ងៃទី១០ ខែមេសា។ ការប្រកាសបែបនេះ ហាក់ដូចជាការឆ្លើយតបទៅនឹងសារតាមបណ្ដាញសង្គម Twitter របស់ប្រធានាធិបតីអាមេរិកលោក ដូណាល់ ត្រាំ ដែលបានអះអាងថា ចិននឹងកាត់បន្ថយរបាំងសេដ្ឋកិច្ចរបស់ខ្លួន។
ជាមួយនឹងការសន្យាពីការបើកចំហដំណាក់កាលទីពីរ លោក ស៊ី ជិនភីង បានប្រាប់អ្នកចូលរួមថា ប៉េកាំងមិនចង់មានពាណិជ្ជកម្មលើសឡើយ ហើយនឹងបង្កើនការនាំចូលឲ្យបានច្រើន។ ចាប់ពីពេលនេះ ចិននឹងចាត់វិធានការដើម្បីធ្វើសេរីភាវូបនីយកម្មការវិនិយោគយានយន្តតាមរយៈការកាត់បន្ថយពន្ធនាំចូលយានយន្តនៅឆ្នាំនេះ និងការការពារកម្មសិទ្ធិបញ្ញា។ ចំណាត់ការទាំងនេះសុទ្ធតែស្ថិតក្នុងបញ្ជីទាមទាររបស់ក្រុងវ៉ាស៊ីនតោន។ នេះបើតាមការផ្សាយរបស់ទីភ្នាក់ងារព័ត៌មាន Xinhua ។
សូមបញ្ជាក់ថា កន្លងមកចិនបានរឹតត្បិតជនបរទេសធ្វើជាម្ចាស់ក្រុមហ៊ុនក្នុងវិស័យយានយន្ត ហើយការណ៍បានបង្ខំឲ្យក្រុមហ៊ុនបរទេសត្រូវចូលហ៊ុនរកស៊ីជាមួយក្រុមហ៊ុនក្នុងស្រុក និងផ្ទេរបច្ចេកវិទ្យាទៅឲ្យដៃគូរកស៊ីទៀត។ លោក ត្រាំ បានចោទចិនថា បានលួចកម្មសិទ្ធិបញ្ញារបស់អាមេរិកតាមវីធីសាស្ត្រនេះ។ យ៉ាងណាមិញ លោក ស៊ី បានប្រកាសហើយថា ចិននឹងទម្លាក់ការរឹតត្បិតកម្មសិទ្ធិលើជនបរទេសឲ្យបានឆាប់។
ជុំវិញការនាំចូល មហាអំណាចសេដ្ឋកិច្ចលំដាប់ទីពីរនេះនឹងប្រឹងប្រែងបង្កើនការនាំចូលផលិតផលដែលមានការប្រកួតប្រជែង និងតាមការត្រូវការរបស់ប្រជាជនចិន។ ចំពោះមុខអ្នកជំនួញធំៗ និងមេដឹកនាំអន្តរជាតិជាច្រើន លោក ស៊ី និយាយថា ចិនមិនត្រូវការតុល្យភាពពាណិជ្ជកម្មលើសឡើយ ប៉ុន្តែចិនមានបំណងស្មោះត្រង់ដើម្បីបង្កើនបរិមាណទំនិញនាំចូល និងសម្រេចឲ្យបានតុល្យភាពនៃការទូទាត់អន្តរជាតិ។
ទន្ទឹមនឹងការសន្យាបន្ទាបពន្ធ និងបង្កើនការនាំចូលនោះ លោកប្រធានាធិបតី ស៊ី ក៏បានឆ្លៀតដៀមដាមឲ្យអាមេរិករឿងយកពន្ធច្រើនៗ និងការរឹតត្បិតធ្វើពាណិជ្ជកម្ម។ លោក ស៊ី បានស្នើឲ្យប្រទេសអភិវឌ្ឍទាំងអស់បញ្ឈប់ការរឹតត្បិតលើផលិតផលបច្ចេកវិទ្យាទំនើបៗ និងទម្លាក់ការគ្រប់គ្រងការនាំចេញផលិតផលបែបនេះក្នុងពាណិជ្ជកម្មជាមួយចិន៕
នៅឆ្នាំនេះ ចិននឹងកាត់បន្ថយពន្ធនាំចូលយានយន្ត និងផលិតផលផ្សេងទៀត។ នេះជាការប្រកាសរបស់ប្រធានាធិបតីចិន ស៊ី ជិនភីង ក្នុងវេទិកា Boao ស្ដីពីអាស៊ីនៅកោះហៃណាន នៅថ្ងៃទី១០ ខែមេសា។ ការប្រកាសបែបនេះ ហាក់ដូចជាការឆ្លើយតបទៅនឹងសារតាមបណ្ដាញសង្គម Twitter របស់ប្រធានាធិបតីអាមេរិកលោក ដូណាល់ ត្រាំ ដែលបានអះអាងថា ចិននឹងកាត់បន្ថយរបាំងសេដ្ឋកិច្ចរបស់ខ្លួន។
ជាមួយនឹងការសន្យាពីការបើកចំហដំណាក់កាលទីពីរ លោក ស៊ី ជិនភីង បានប្រាប់អ្នកចូលរួមថា ប៉េកាំងមិនចង់មានពាណិជ្ជកម្មលើសឡើយ ហើយនឹងបង្កើនការនាំចូលឲ្យបានច្រើន។ ចាប់ពីពេលនេះ ចិននឹងចាត់វិធានការដើម្បីធ្វើសេរីភាវូបនីយកម្មការវិនិយោគយានយន្តតាមរយៈការកាត់បន្ថយពន្ធនាំចូលយានយន្តនៅឆ្នាំនេះ និងការការពារកម្មសិទ្ធិបញ្ញា។ ចំណាត់ការទាំងនេះសុទ្ធតែស្ថិតក្នុងបញ្ជីទាមទាររបស់ក្រុងវ៉ាស៊ីនតោន។ នេះបើតាមការផ្សាយរបស់ទីភ្នាក់ងារព័ត៌មាន Xinhua ។
សូមបញ្ជាក់ថា កន្លងមកចិនបានរឹតត្បិតជនបរទេសធ្វើជាម្ចាស់ក្រុមហ៊ុនក្នុងវិស័យយានយន្ត ហើយការណ៍បានបង្ខំឲ្យក្រុមហ៊ុនបរទេសត្រូវចូលហ៊ុនរកស៊ីជាមួយក្រុមហ៊ុនក្នុងស្រុក និងផ្ទេរបច្ចេកវិទ្យាទៅឲ្យដៃគូរកស៊ីទៀត។ លោក ត្រាំ បានចោទចិនថា បានលួចកម្មសិទ្ធិបញ្ញារបស់អាមេរិកតាមវីធីសាស្ត្រនេះ។ យ៉ាងណាមិញ លោក ស៊ី បានប្រកាសហើយថា ចិននឹងទម្លាក់ការរឹតត្បិតកម្មសិទ្ធិលើជនបរទេសឲ្យបានឆាប់។
ជុំវិញការនាំចូល មហាអំណាចសេដ្ឋកិច្ចលំដាប់ទីពីរនេះនឹងប្រឹងប្រែងបង្កើនការនាំចូលផលិតផលដែលមានការប្រកួតប្រជែង និងតាមការត្រូវការរបស់ប្រជាជនចិន។ ចំពោះមុខអ្នកជំនួញធំៗ និងមេដឹកនាំអន្តរជាតិជាច្រើន លោក ស៊ី និយាយថា ចិនមិនត្រូវការតុល្យភាពពាណិជ្ជកម្មលើសឡើយ ប៉ុន្តែចិនមានបំណងស្មោះត្រង់ដើម្បីបង្កើនបរិមាណទំនិញនាំចូល និងសម្រេចឲ្យបានតុល្យភាពនៃការទូទាត់អន្តរជាតិ។
ទន្ទឹមនឹងការសន្យាបន្ទាបពន្ធ និងបង្កើនការនាំចូលនោះ លោកប្រធានាធិបតី ស៊ី ក៏បានឆ្លៀតដៀមដាមឲ្យអាមេរិករឿងយកពន្ធច្រើនៗ និងការរឹតត្បិតធ្វើពាណិជ្ជកម្ម។ លោក ស៊ី បានស្នើឲ្យប្រទេសអភិវឌ្ឍទាំងអស់បញ្ឈប់ការរឹតត្បិតលើផលិតផលបច្ចេកវិទ្យាទំនើបៗ និងទម្លាក់ការគ្រប់គ្រងការនាំចេញផលិតផលបែបនេះក្នុងពាណិជ្ជកម្មជាមួយចិន៕
Tag:
អាមេរិក
ចិន
ដូណាល់ ត្រាំ
ស៊ី ជិនភីង
ពន្ធ
© រក្សាសិទ្ធិដោយ thmeythmey.com
