កីឡាអន្តរជាតិ
អន្តរជាតិ
Roma វាយបកជើងទីពីរទម្លាក់ Barcelona ចុះ Juventus អាចធ្វើអ្វីបានទេនៅទឹកដី Real Madrid?
×![]()
ដោយ: ទេព ពិទូរ្យ
តើ Juventus អាចធ្វើអ្វី Real Madrid បានដូច Roma ផ្តល់មេរៀនជូរចត់ដល់ Barcelona ដែរឬទេ ក្នុងការប្រកួតពានរង្វាន់ UEFA Champions League ជើងទី២ វគ្គ១/៤ ផ្តាច់ព្រ័ត្រ នារាត្រីថ្ងៃទី១១ ខែមេសានេះ។
Real Madrid នឹងបើកទ្វារកីឡដ្ឋាន Santiago Bernabéu ដើម្បីទទួលភ្ញៀវ Juventus ក្នុងការប្រកួតជើងទី២ នៅវេលាម៉ោង ១:៤៥នាទី [ម៉ោងនៅកម្ពុជា]។
ក្រុមរហស្សនាមអធិរាជសដែលជាក្រុមការពារតំណែងជើងឯករដូវកាល ២០១៦-២០១៧ មានទុន៣គ្រាប់ក្នុងដៃរួចហើយក្រោយយកឈ្នះសេះបង្កង់ក្នុងការប្រកួតជើងទី១ នៅទឹកដី Juventus Stadium ដោយលទ្ធផល ៣-០។
ទន់៣គ្រាប់ ហើយជាគ្រាប់បាល់ចំណេញក្រៅដី (Away Goal) របស់កូនក្រុមលោក Zinedine Zidane ទៀតនោះ បានធ្វើឲ្យក្រុមដែលដឹកនាំដោយលោក Massimiliano Allegri ពិបាកនឹងវាយបកយកឈ្នះវិញសម្រាប់ការប្រកួតក្រៅដីនេះណាស់។
តែយ៉ាងណាក៏ដោយ នៅក្នុងបាល់ទាត់អ្វីៗក៏អាចកើតឡើងបានដែរ តួយ៉ាងដូចជាជំនួបរវាង Roma និងBarcelona អ៊ីចឹង។ Barca ដែលមានឱកាសនាំមុខ Roma រហូតដល់ទៅ ៤-១ ក្នុងការប្រកួតជើងទី១ ទៅហើយ ក៏នៅតែត្រូវភ្លាត់ស្នៀតចាញ់ក្រុមមកពីអ៊ីលី ៣-០ វិញ នាជំនួបជើងទី២ ដែលធ្វើឲ្យពួកគេទទួលរងភាពអាម៉ាសជាលើកដំបូងក្នុងនាមជាក្រុមខ្លាំងនៅអឺរ៉ុប ហើយជាក្រុមកំពុងនាំមុខពិន្ទុដាច់ក្នុងក្របខណ្ឌលីកកំពូលអេស្ប៉ាញថែមទៀត។
លទ្ធផលដ៏ជូរជត់របស់ក្រុមលោក Ernesto Valverde តែជាសមិទ្ធផលគាប់ប្រសើររបស់កូនក្រុមលោក Eusebio Di Francesco នេះ អាចជាគំរូសម្រាប់ក្រុមមកពីអ៊ីលី និងអេស្ប៉ាញមួយគូទៀត គឺ Real Madrid និង Juventus ក្នុងជំនួបជើងទី២ ដែលជាការប្រកួតកាត់សេចក្តីថាក្រុមណាត្រូវនៅ និងត្រូវទៅវគ្គ ១/២ ផ្តាច់ព្រ័ត្របន្តទៀត។
ដោយឡែក ក៏មានការប្រកួតមួយគូទៀត រវាង Bayern Munich និង Sevilla ដែលនឹងត្រូវធ្វើឡើងនៅកីឡដ្ឋាន Allianz Arena នៅម៉ោងដំណាលគ្នាជាមួយក្រុមខាងលើដែរ។
Bayern Munich ដែលទើបតែលើកពានលីកកំពូលអាល្លឺម៉ង់កាលពីសប្តាហ៍មុន បាននាំមុខក្រុមមកពីអេស្ប៉ាញ ២-១ សម្រាប់ការប្រកួតជើងទី១។
ក្រុមរបស់លោក Jupp Heynckes មានគ្រាប់បាល់ចំណេញក្រៅដី ២គ្រាប់ ដែលធ្វើឲ្យពួកគេមានឱកាសច្រើនដើម្បីឈានទៅវគ្គបន្តក្នុងនាមជាម្ចាស់ផ្ទះនាជំនួបជើងទី២៕
អត្ថបទទាក់ទង
Real Madrid នឹងបើកទ្វារកីឡដ្ឋាន Santiago Bernabéu ដើម្បីទទួលភ្ញៀវ Juventus ក្នុងការប្រកួតជើងទី២ នៅវេលាម៉ោង ១:៤៥នាទី [ម៉ោងនៅកម្ពុជា]។
ក្រុមរហស្សនាមអធិរាជសដែលជាក្រុមការពារតំណែងជើងឯករដូវកាល ២០១៦-២០១៧ មានទុន៣គ្រាប់ក្នុងដៃរួចហើយក្រោយយកឈ្នះសេះបង្កង់ក្នុងការប្រកួតជើងទី១ នៅទឹកដី Juventus Stadium ដោយលទ្ធផល ៣-០។
ទន់៣គ្រាប់ ហើយជាគ្រាប់បាល់ចំណេញក្រៅដី (Away Goal) របស់កូនក្រុមលោក Zinedine Zidane ទៀតនោះ បានធ្វើឲ្យក្រុមដែលដឹកនាំដោយលោក Massimiliano Allegri ពិបាកនឹងវាយបកយកឈ្នះវិញសម្រាប់ការប្រកួតក្រៅដីនេះណាស់។
តែយ៉ាងណាក៏ដោយ នៅក្នុងបាល់ទាត់អ្វីៗក៏អាចកើតឡើងបានដែរ តួយ៉ាងដូចជាជំនួបរវាង Roma និងBarcelona អ៊ីចឹង។ Barca ដែលមានឱកាសនាំមុខ Roma រហូតដល់ទៅ ៤-១ ក្នុងការប្រកួតជើងទី១ ទៅហើយ ក៏នៅតែត្រូវភ្លាត់ស្នៀតចាញ់ក្រុមមកពីអ៊ីលី ៣-០ វិញ នាជំនួបជើងទី២ ដែលធ្វើឲ្យពួកគេទទួលរងភាពអាម៉ាសជាលើកដំបូងក្នុងនាមជាក្រុមខ្លាំងនៅអឺរ៉ុប ហើយជាក្រុមកំពុងនាំមុខពិន្ទុដាច់ក្នុងក្របខណ្ឌលីកកំពូលអេស្ប៉ាញថែមទៀត។
លទ្ធផលដ៏ជូរជត់របស់ក្រុមលោក Ernesto Valverde តែជាសមិទ្ធផលគាប់ប្រសើររបស់កូនក្រុមលោក Eusebio Di Francesco នេះ អាចជាគំរូសម្រាប់ក្រុមមកពីអ៊ីលី និងអេស្ប៉ាញមួយគូទៀត គឺ Real Madrid និង Juventus ក្នុងជំនួបជើងទី២ ដែលជាការប្រកួតកាត់សេចក្តីថាក្រុមណាត្រូវនៅ និងត្រូវទៅវគ្គ ១/២ ផ្តាច់ព្រ័ត្របន្តទៀត។
ដោយឡែក ក៏មានការប្រកួតមួយគូទៀត រវាង Bayern Munich និង Sevilla ដែលនឹងត្រូវធ្វើឡើងនៅកីឡដ្ឋាន Allianz Arena នៅម៉ោងដំណាលគ្នាជាមួយក្រុមខាងលើដែរ។
Bayern Munich ដែលទើបតែលើកពានលីកកំពូលអាល្លឺម៉ង់កាលពីសប្តាហ៍មុន បាននាំមុខក្រុមមកពីអេស្ប៉ាញ ២-១ សម្រាប់ការប្រកួតជើងទី១។
ក្រុមរបស់លោក Jupp Heynckes មានគ្រាប់បាល់ចំណេញក្រៅដី ២គ្រាប់ ដែលធ្វើឲ្យពួកគេមានឱកាសច្រើនដើម្បីឈានទៅវគ្គបន្តក្នុងនាមជាម្ចាស់ផ្ទះនាជំនួបជើងទី២៕
Tag:
បាល់ទាត់
UEFA Champions League
Real Madrid
Juventus
© រក្សាសិទ្ធិដោយ thmeythmey.com
