អន្តរជាតិ
កងនាវាចម្បាំងអាមេរិកធ្វើដំណើរទៅឈូងសមុទ្រពែក្ស ក្រោយ ត្រាំ គំរាមប្រើកម្លាំងប្រឆាំងស៊ីរី
×![]()
ដោយ: ថ្មីៗ
ក្រសួងការពារជាតិរុស្ស៊ីបានអះអាងថា ក្រុមកងនាវាចម្បាំងអាមេរិកដឹកនាំដោយនាវា USS Harry S. Truman នឹងទៅដល់ឈូងសមុទ្រពែក្សនៅក្នុងខែឧសភាខាងមុខ។ ការពង្រាយនាវាចម្បាំងទៅមជ្ឈិមបូព៌ានេះកើតឡើងចំពេលដែលរដ្ឋបាលអាមេរិកគំរាមប្រើកម្លាំងប្រឆាំងរបបដឹកនាំស៊ីរីឆ្លើយតបនឹងការប្រើប្រាស់អាវុធគីមី។
ខណៈដែលស្ថានការណ៍មជ្ឈិមបូព៌ាកាន់តែក្តៅ និងតានតឹងខ្លាំងដោយសារអាមេរិកនិងសម្ព័ន្ធមិត្តគំរាមប្រើអន្តរាគមន៍យោធានៅស៊ីរី គេទទួលបានដំណឹងពីការពង្រាយកងនាវាចម្បាំងអាមេរិកទៅកាន់ឈូងសមុទ្រពែក្សផង។
ពាក់ព័ន្ធនឹងការពង្រាយនាវាចម្បាំងនេះ សារព័ត៌មានរុស្ស៊ី RT បានចុះផ្សាយដោយស្រង់សម្តីក្រសួងការពារជាតិរុស្ស៊ីថា ក្រុមនាវាចម្បាំងអាមេរិកនេះនឹងដឹកនាំដោយនាវាដឹកយន្តហោះ USS Harry S. Truman ហើយកងនាវានេះនឹងទៅដល់ឈូងសមុទ្រពែក្សនៅខែឧសភាខាងមុខ។
តំណាងក្រសួងការពារជាតិរុស្ស៊ីឧត្តមសេនីយ៍ឯក Viktor Poznikhir បានថ្លែងដូច្នេះ៖« យើងបានដឹងច្បាស់ថា ក្រុមនាវាចម្បាំងអាមេរិកដឹកនាំដោយនាវាដឹកយន្តហោះ USS Harry S. Truman និងនាវាអមដំណើរច្រើនគ្រឿងទៀតនឹងធ្វើដំណើរទៅឈូងសមុទ្រពែក្ស និងទៅដល់ដើមខែឧសភា។ វាជាការអនុវត្តមួយយូរអង្វែងមកហើយរបស់កងទ័ពជើងទឹកអាមេរិកនៅក្នុងតំបន់»។
យ៉ាងណាក៏ដោយ ការពង្រាយកងនាវាចម្បាំង រួមជាមួយនាវាដឹកយន្តហោះអាមេរិកទៅកាន់មជ្ឈិមបូព៌ា ចំពេលដែលអាមេរិក និងសម្ព័ន្ធមិត្តកំពុងគំរាមប្រើប្រាស់កម្លាំងទ័ពប្រឆាំងរបបដឹកនាំលោក បាសា អាល់ អាសាដ ផងក្រោយគេចោទថា របបដឹកនាំនេះប្រើប្រាស់អាវុធគីមីនៅក្រុងឌូម៉ា។
ក្រុងមូស្គូបានអំពាវនាវឲ្យមានការរៀបចំការស៊ើបអង្កេតអន្តរជាតិដែលឯករាជ្យ និងមិនលម្អៀងដើម្បីជម្រះមន្ទិលសង្ស័យ និងកំណត់បានថាអ្នកណាជាអ្នកប្រើអាវុធគីមី។ មហាអំណាចនេះក៏បានបន្តទទូចឲ្យភាគីពាក់ព័ន្ធចៀសវាឲ្យបាននូវការប្រើប្រាស់សកម្មភាពយោធាឯកតោភាគី ហើយក៏ព្រមានបាញ់ទម្លាក់រាល់មីស៊ីលដែលហោះចូលទឹកដីស៊ីរីផងដែរ។
ភ្លាមៗនោះ លោក ដូណាល់ ត្រាំ បានបង្ហោះសារតាមគណនី Twitter ផ្លូវការរបស់ខ្លួនដោយគំរាមរុស្ស៊ី និងឲ្យរុស្ស៊ីត្រៀមខ្លួនទទួលមីស៊ីលអាមេរិកដែលល្អ ថ្មី និងឆ្លាត ដែលផ្លោងចូលស៊ីរីឆាប់ៗនេះ។ ទោះជាលោក ត្រាំ អះអាងថាអាមេរិកនឹងបាញ់មីស៊ីលដូច្នេះក្តី គេនៅតែមិនទាន់អាចដឹងច្បាស់ថា តើអាមេរិកនឹងប្រើប្រាស់ជម្រើសយោធាបែបណាពិតប្រាកដឡើយដើម្បីប្រឆាំងរបបដឹកនាំស៊ីរីនោះ៕
ខណៈដែលស្ថានការណ៍មជ្ឈិមបូព៌ាកាន់តែក្តៅ និងតានតឹងខ្លាំងដោយសារអាមេរិកនិងសម្ព័ន្ធមិត្តគំរាមប្រើអន្តរាគមន៍យោធានៅស៊ីរី គេទទួលបានដំណឹងពីការពង្រាយកងនាវាចម្បាំងអាមេរិកទៅកាន់ឈូងសមុទ្រពែក្សផង។
ពាក់ព័ន្ធនឹងការពង្រាយនាវាចម្បាំងនេះ សារព័ត៌មានរុស្ស៊ី RT បានចុះផ្សាយដោយស្រង់សម្តីក្រសួងការពារជាតិរុស្ស៊ីថា ក្រុមនាវាចម្បាំងអាមេរិកនេះនឹងដឹកនាំដោយនាវាដឹកយន្តហោះ USS Harry S. Truman ហើយកងនាវានេះនឹងទៅដល់ឈូងសមុទ្រពែក្សនៅខែឧសភាខាងមុខ។
តំណាងក្រសួងការពារជាតិរុស្ស៊ីឧត្តមសេនីយ៍ឯក Viktor Poznikhir បានថ្លែងដូច្នេះ៖« យើងបានដឹងច្បាស់ថា ក្រុមនាវាចម្បាំងអាមេរិកដឹកនាំដោយនាវាដឹកយន្តហោះ USS Harry S. Truman និងនាវាអមដំណើរច្រើនគ្រឿងទៀតនឹងធ្វើដំណើរទៅឈូងសមុទ្រពែក្ស និងទៅដល់ដើមខែឧសភា។ វាជាការអនុវត្តមួយយូរអង្វែងមកហើយរបស់កងទ័ពជើងទឹកអាមេរិកនៅក្នុងតំបន់»។
យ៉ាងណាក៏ដោយ ការពង្រាយកងនាវាចម្បាំង រួមជាមួយនាវាដឹកយន្តហោះអាមេរិកទៅកាន់មជ្ឈិមបូព៌ា ចំពេលដែលអាមេរិក និងសម្ព័ន្ធមិត្តកំពុងគំរាមប្រើប្រាស់កម្លាំងទ័ពប្រឆាំងរបបដឹកនាំលោក បាសា អាល់ អាសាដ ផងក្រោយគេចោទថា របបដឹកនាំនេះប្រើប្រាស់អាវុធគីមីនៅក្រុងឌូម៉ា។
ក្រុងមូស្គូបានអំពាវនាវឲ្យមានការរៀបចំការស៊ើបអង្កេតអន្តរជាតិដែលឯករាជ្យ និងមិនលម្អៀងដើម្បីជម្រះមន្ទិលសង្ស័យ និងកំណត់បានថាអ្នកណាជាអ្នកប្រើអាវុធគីមី។ មហាអំណាចនេះក៏បានបន្តទទូចឲ្យភាគីពាក់ព័ន្ធចៀសវាឲ្យបាននូវការប្រើប្រាស់សកម្មភាពយោធាឯកតោភាគី ហើយក៏ព្រមានបាញ់ទម្លាក់រាល់មីស៊ីលដែលហោះចូលទឹកដីស៊ីរីផងដែរ។
ភ្លាមៗនោះ លោក ដូណាល់ ត្រាំ បានបង្ហោះសារតាមគណនី Twitter ផ្លូវការរបស់ខ្លួនដោយគំរាមរុស្ស៊ី និងឲ្យរុស្ស៊ីត្រៀមខ្លួនទទួលមីស៊ីលអាមេរិកដែលល្អ ថ្មី និងឆ្លាត ដែលផ្លោងចូលស៊ីរីឆាប់ៗនេះ។ ទោះជាលោក ត្រាំ អះអាងថាអាមេរិកនឹងបាញ់មីស៊ីលដូច្នេះក្តី គេនៅតែមិនទាន់អាចដឹងច្បាស់ថា តើអាមេរិកនឹងប្រើប្រាស់ជម្រើសយោធាបែបណាពិតប្រាកដឡើយដើម្បីប្រឆាំងរបបដឹកនាំស៊ីរីនោះ៕
Tag:
អាមេរិក
ស៊ីរី
ដូណាល់ ត្រាំ
USS Harry S. Truman
© រក្សាសិទ្ធិដោយ thmeythmey.com
