កីឡាជាតិ
ជាតិ
AFC Cup៖ បឹងកេត និង Shan United អស់ឱកាសឡើងទៅវគ្គបន្ត ក្រោយចាញ់រៀងៗខ្លួន
កីឡាករ សេត រ៉ហ្ស៊ីប ព្យាយាមដណ្តើមបាល់ជាមួយខ្សែប្រយុទ្ធ Patrick Reichelt របស់ Ceres Negros
×![]()
ក្រុមបឹងកេតបានបន្តចាញ់ក្រុម Ceres Negros របស់ហ្វីលីននៅលើទឹកដីរបស់ខ្លួនក្នុងលទ្ធផល ៤-០ នាការប្រកួតជើងទី២ វគ្គជម្រុះពូល F នៃព្រឹត្តិការណ៍ AFC Cup 2018 កាលពីល្ងាចថ្ងៃទី១១ មេសា ឆ្នាំ២០១៨។ ការបរាជ័យនេះ នាំឲ្យបឹងកេតអស់ឱកាសឡើងទៅវគ្គបន្ត ទាំងខ្លួននៅសល់មួយប្រកួតចុងក្រោយ។ ជាមួយគ្នានេះ Shan United របស់មីយ៉ាន់ម៉ា ក៏អស់ឱកាសឡើងទៅវគ្គបន្តផងដែរ ក្រោយចាញ់ម្ចាស់ផ្ទះ Home United ក្នុងលទ្ធផល ៣-២។
ក្រុមបឹងកេត និង Shan United របស់មីយ៉ាន់ម៉ាបានបាត់បង់ឱកាសឡើងទៅវគ្គបន្តនៃព្រឹត្តិការណ៍ AFC Cup 2018 បន្ទាប់ពីក្រុមទាំងពីរបានចាញ់គូប្រកួតរៀងៗខ្លួន កាលពីល្ងាចថ្ងៃទី១២ មេសា ឆ្នាំ២០១៨។ ក្នុងនោះក្រុមបឹងកេតបានបន្តចាញ់ Ceres Negros របស់ហ្វីលីពីន ៤-០ នាជំនួបជើងទី២នៅពហុកីឡដ្ឋានជាតិ បន្ថែមលើការចាញ់ ៩-០ ក្នុងជើងទី១។ រីឯក្រុម Shan United ក្រោយចាញ់ Home United ១-០ ក្នុងជើងទី១ បានបន្តចាញ់ ៣-២ ក្នុងជើងទី២នាជំនួបក្រៅដី។
បច្ចុប្បន្នបឹងកេតកំពុងឈរបាតតារាងដោយមាន៣ពិន្ទុ ក្រោយ៥ប្រកួតចាញ់៤ ឈ្នះ១ ខណៈ Shan United ឈរលេខរៀងទី៣ ដោយមាន៣ពិន្ទុ ក្រោយ៥ប្រកួតចាញ់៤ ឈ្នះ១ដូចគ្នា។ ចំណែកក្រុម Ceres Negros ក្រោយបន្តយកឈ្នះបឹងកេត ៤-០ បានឡើងឈរកំពូលតារាងដោយមាន១៣ពិន្ទុ ខណៈ Home United ឈរលំដាប់ទី២ដោយមាន១០ពិន្ទុ។ Home United និង Ceres Negros ជាក្រុមតំណាងឲ្យពូល F ដែលបានកៅអីរួចជាសម្រេចសម្រាប់វគ្គបន្ត AFC Cup 2018 ទោះបីក្រុមទាំងពីរនៅសល់១ប្រកួតទៀតក៏ដោយ។
នាការប្រកួតនៅពហុកីឡដ្ឋានជាតិកាលពីល្ងាចថ្ងៃទី១១ មេសា ឆ្នាំ២០១៨ ខ្សែបម្រើអេស្ប៉ាញ Bienvenido Maranon បានរកគ្រាប់បាល់នាំមុខ ១-០ សម្រាប់ Ceres Negros នៅនាទីទី៣៦ ពីរនាទីក្រោយមកខ្សែបម្រើរូបនេះបានសម្រេចបាន១គ្រាប់បន្ថែម ដើម្បីបង្កើនការនាំមុខ ២-០ ក្នុងវគ្គទី២។
ក្រោយបឹងកេតផ្លាស់ប្តូរខ្សែការពារ ទូច បញ្ចរ៉ុង ដែលមានបញ្ហារមួលក្រពើជំនួសដោយកីឡាករ ស្លេះ សេន នៅនាទីទី៥១ ខ្សែប្រយុទ្ធនីហ្សេរីយ៉ា Julius Oiboh ត្រូវបានអាជ្ញាកណ្តាលពិន័យកាតលឿង ក្រោយលើកជើងទប់បាល់ហើយប៉ះមុខខ្សែការពារ Sean Kane របស់ Ceres Negros នៅនាទីទី៦១។
ខ្សែបម្រើអេស្ប៉ាញ Bienvenido Maranon បានគ្រាប់ទី៣របស់ខ្លួនសម្រាប់ Ceres Negros ដើម្បីបង្កើនការនាំមុខ ៣-០ នៅនាទី៦៩ មុនបឹងកេតប្តូរកីឡាករ សេត រ៉ហ្ស៊ីប ចេញជំនួសដោយកីឡាករ ឃួន ឡាបូរ៉ាវី នៅនាទីទី៧០។
ក្រោយដូរចូលជំនួសខ្សែការពារ OJ Porteria នៅនាទីទី៧២ ខ្សែប្រយុទ្ធជប៉ុន Takumi Uesato បានសម្រេចគ្រាប់ទី៤សម្រាប់ Ceres Negros នៅនាទីទី៨៤ តាមរយៈការស៊ុតពីចម្ងាយយ៉ាងអស្ចារ្យ។ ហើយវាក៏ជាគ្រាប់បាល់ជ័យជម្នះ ៤-០ លើក្រុមបឹងកេតផងដែរ។
សម្រាប់ជំនួបបន្ទាប់បឹងកេតត្រូវជួបប្រកួតបង្គ្រប់កិច្ចជាមួយក្រុម Shan United របស់មីយ៉ាន់ម៉ា នាថ្ងៃទី២៥ មេសា ឆ្នាំ២០១៨នៅកីឡដ្ឋាន Thuwunna Stadium ខណៈក្រុម Ceres Negros បើកទ្វារកីឡដ្ឋាន Panaad Park and Stadium ទទួល ស្វាគមន៍ Home United ដើម្បីប្រជែងឈរកំពូលតារាង៕
ក្រុមបឹងកេត និង Shan United របស់មីយ៉ាន់ម៉ាបានបាត់បង់ឱកាសឡើងទៅវគ្គបន្តនៃព្រឹត្តិការណ៍ AFC Cup 2018 បន្ទាប់ពីក្រុមទាំងពីរបានចាញ់គូប្រកួតរៀងៗខ្លួន កាលពីល្ងាចថ្ងៃទី១២ មេសា ឆ្នាំ២០១៨។ ក្នុងនោះក្រុមបឹងកេតបានបន្តចាញ់ Ceres Negros របស់ហ្វីលីពីន ៤-០ នាជំនួបជើងទី២នៅពហុកីឡដ្ឋានជាតិ បន្ថែមលើការចាញ់ ៩-០ ក្នុងជើងទី១។ រីឯក្រុម Shan United ក្រោយចាញ់ Home United ១-០ ក្នុងជើងទី១ បានបន្តចាញ់ ៣-២ ក្នុងជើងទី២នាជំនួបក្រៅដី។
បច្ចុប្បន្នបឹងកេតកំពុងឈរបាតតារាងដោយមាន៣ពិន្ទុ ក្រោយ៥ប្រកួតចាញ់៤ ឈ្នះ១ ខណៈ Shan United ឈរលេខរៀងទី៣ ដោយមាន៣ពិន្ទុ ក្រោយ៥ប្រកួតចាញ់៤ ឈ្នះ១ដូចគ្នា។ ចំណែកក្រុម Ceres Negros ក្រោយបន្តយកឈ្នះបឹងកេត ៤-០ បានឡើងឈរកំពូលតារាងដោយមាន១៣ពិន្ទុ ខណៈ Home United ឈរលំដាប់ទី២ដោយមាន១០ពិន្ទុ។ Home United និង Ceres Negros ជាក្រុមតំណាងឲ្យពូល F ដែលបានកៅអីរួចជាសម្រេចសម្រាប់វគ្គបន្ត AFC Cup 2018 ទោះបីក្រុមទាំងពីរនៅសល់១ប្រកួតទៀតក៏ដោយ។
នាការប្រកួតនៅពហុកីឡដ្ឋានជាតិកាលពីល្ងាចថ្ងៃទី១១ មេសា ឆ្នាំ២០១៨ ខ្សែបម្រើអេស្ប៉ាញ Bienvenido Maranon បានរកគ្រាប់បាល់នាំមុខ ១-០ សម្រាប់ Ceres Negros នៅនាទីទី៣៦ ពីរនាទីក្រោយមកខ្សែបម្រើរូបនេះបានសម្រេចបាន១គ្រាប់បន្ថែម ដើម្បីបង្កើនការនាំមុខ ២-០ ក្នុងវគ្គទី២។
ក្រោយបឹងកេតផ្លាស់ប្តូរខ្សែការពារ ទូច បញ្ចរ៉ុង ដែលមានបញ្ហារមួលក្រពើជំនួសដោយកីឡាករ ស្លេះ សេន នៅនាទីទី៥១ ខ្សែប្រយុទ្ធនីហ្សេរីយ៉ា Julius Oiboh ត្រូវបានអាជ្ញាកណ្តាលពិន័យកាតលឿង ក្រោយលើកជើងទប់បាល់ហើយប៉ះមុខខ្សែការពារ Sean Kane របស់ Ceres Negros នៅនាទីទី៦១។
ខ្សែបម្រើអេស្ប៉ាញ Bienvenido Maranon បានគ្រាប់ទី៣របស់ខ្លួនសម្រាប់ Ceres Negros ដើម្បីបង្កើនការនាំមុខ ៣-០ នៅនាទី៦៩ មុនបឹងកេតប្តូរកីឡាករ សេត រ៉ហ្ស៊ីប ចេញជំនួសដោយកីឡាករ ឃួន ឡាបូរ៉ាវី នៅនាទីទី៧០។
ក្រោយដូរចូលជំនួសខ្សែការពារ OJ Porteria នៅនាទីទី៧២ ខ្សែប្រយុទ្ធជប៉ុន Takumi Uesato បានសម្រេចគ្រាប់ទី៤សម្រាប់ Ceres Negros នៅនាទីទី៨៤ តាមរយៈការស៊ុតពីចម្ងាយយ៉ាងអស្ចារ្យ។ ហើយវាក៏ជាគ្រាប់បាល់ជ័យជម្នះ ៤-០ លើក្រុមបឹងកេតផងដែរ។
សម្រាប់ជំនួបបន្ទាប់បឹងកេតត្រូវជួបប្រកួតបង្គ្រប់កិច្ចជាមួយក្រុម Shan United របស់មីយ៉ាន់ម៉ា នាថ្ងៃទី២៥ មេសា ឆ្នាំ២០១៨នៅកីឡដ្ឋាន Thuwunna Stadium ខណៈក្រុម Ceres Negros បើកទ្វារកីឡដ្ឋាន Panaad Park and Stadium ទទួល ស្វាគមន៍ Home United ដើម្បីប្រជែងឈរកំពូលតារាង៕
Tag:
បាល់ទាត់
បឹងកេត
AFC Cup 2018
Ceres Negros
© រក្សាសិទ្ធិដោយ thmeythmey.com
