ស្ពានអាកាស « ផ្សារដីហុយ » ត្រូវបានដាក់ឲ្យប្រើប្រាស់បណ្តោះអាសន្ន ក្នុងអំឡុងចូលឆ្នាំ

ជាតិ

ស្ពានអាកាស « ផ្សារដីហុយ » ត្រូវបានដាក់ឲ្យប្រើប្រាស់បណ្តោះអាសន្ន ក្នុងអំឡុងចូលឆ្នាំ

12, Apr 2018 , 4:14 pm

រូបភាព

ដោយ: អ៊ូ សុខមាន (OU Sokmean)

ភ្នំពេញ៖ ស្ពានអាកាសផ្សារដីហុយ បានដាក់ឲ្យប្រើប្រាស់ជាបណ្តោះអាសន្ន ចាប់ពីថ្ងៃទី១២ ដល់ថ្ងៃទី ១៨ ខែមេសា ឆ្នាំ២០១៨។

ថ្លែងក្នុងពីធីដាក់ឲ្យប្រើប្រាស់ស្ពានអាកាសជាបណ្តោះអាសន្ន លោក ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានមានប្រសាសន៍ថា ស្ពានអាកាសផ្សារដីហុយ ដែលជាស្ពានអាកាសទី៥ ក្នុងរាជធានីភ្នំពេញ នឹងបើកឲ្យប្រើប្រាស់ ចាប់ពីថ្ងៃទី១២ ដល់ ថ្ងៃទី១៨ ខែមេសា ឆ្នាំ២០១៨ ដោយឲ្យឡានតូចធ្វើដំណើរសង់ខាងបាន២ជួរ នៅលើស្ពាន។

បន្ទាប់ពី ថ្ងៃទី១៨ ខែមេសា ក្រសួង នឹងបិទស្ពាន២គន្លងសិន ដើម្បីទុកឱកាសឲ្យក្រុមហ៊ុនបញ្ចាប់ការងារ។ នេះបើតាមរដ្ឋមន្ត្រីក្រសួងសាធារណការដដែល ដោយលោកបន្តថា ក្រោយមកបិទ២គន្លងទៀតដោយឆ្លាស់គ្នា រហូតដល់ថ្ងៃទី១០ ខែឧសភា ទើបដាក់ឲ្យប្រើប្រាស់ស្ពានទាំងសង់ខាង។

លោក ស៊ុន ចាន់ថុល បានបន្តថា ស្ពានអាកាសនេះបានប្រើប្រាស់ថវិកាសាងសង់អស់៦១លានដុល្លារអាមេរិក ដែលជាកម្ចីសប្បទានពីរដ្ឋាភិបាលចិន និងថវិការបស់រដ្ឋាភិបាលកម្ពុជា។

គួរបញ្ជាក់ផងដែរ ស្ពានអាកាសនៅក្នុងរាជធានីភ្នំពេញសរុបមាន៥ គឺស្ពានអាកាសក្បាលថ្នល់, ស្ពានអាកាស៧មករា, ស្ពានអាកាសស្ទឹងមានជ័យ, ស្ពានអាកាស៥មករា និងស្ពានអាកាសផ្សារដីហុយ៕