ស្របពេលកីឡាករក្នុងក្របខណ្ឌលីគកំពូលកម្ពុជាឈប់សម្រាកអបអរពិធីបុណ្យចូលឆ្នាំថ្មីប្រពៃណីខ្មែរ កីឡាករឆ្នើមៗកម្ពុជារួមមាន ចាន់ វឌ្ឍនាកា, ប្រាក់ មុន្នីឧត្តម, កែវ សុខផេង និង ធារី ចន្ថាប៊ីន ត្រូវបំពេញតួនាទីនៅក្រៅប្រទេស តាមរយៈការជួយក្រុមរៀងៗខ្លួនក្នុងក្របខណ្ឌលីគកំពូលម៉ាឡេស៊ី។
ខ្សែប្រយុទ្ធ ចាន់ វឌ្ឍនាកា, កែវ សុខផេង, ខ្សែបម្រើ ប្រាក់ មុន្នីឧត្តម និង ធារី ចន្ថាប៊ីន ប្រហែលជាមិនអាចមកជួបជុំពុក ម៉ែ បងប្អូនសាច់ញាតិបានឡើយក្នុងឱកាសបុណ្យចូលឆ្នាំថ្មីប្រពៃណីខ្មែរនៅឆ្នាំនេះ ព្រោះពួកគេជាប់បំពេញតួនាទីនៅប្រទេសម៉ាឡេស៊ី។ ពួកគេទាំង៤រូប ត្រូវជួយក្រុមរៀងៗខ្លួនប្រជែងក្នុងសប្តាហ៍ទី៦នៃក្របខណ្ឌលីគកំពូលម៉ាឡេស៊ី ចាប់ពីថ្ងៃទី១៣-១៥ មេសា។
ក្នុងនោះក្រុម Terengganu FC របស់ខ្សែបម្រើ ធារី ចន្ថាប៊ីន ត្រូវតទល់ជាមួយក្រុម Melaka United នាថ្ងៃទី១៣ មេសា ម៉ោង៧យប់(ម៉ោងនៅកម្ពុជា)នៅកីឡដ្ឋាន Hang Jebat Stadium។ រីឯក្រុម Negeri Sembilan របស់កីឡាករ ប្រាក់ មុន្នីឧត្តម ជួបជាមួយក្រុម Kelantan នាថ្ងៃទី១៤ មេសា ម៉ោង៧យប់(ម៉ោងកម្ពុជា)នៅកីឡដ្ឋាន Tuanku Abdul Rahman។
ចំណែកក្រុម PKNP របស់កីឡាករ កែវ សុខផេង ត្រូវប្រជែងជាមួយក្រុម Perak នាថ្ងៃទី១៥ មេសា ម៉ោង២:៤៥នាទី(ម៉ោងនៅកម្ពុជា)នៅកីឡដ្ឋាន Negeri Pulau Pinang Stadium មុនក្រុម Pahang FA របស់កីឡាករ ចាន់ វឌ្ឍនាកា តទល់ជាមួយក្រុម Kuala Lumpur នាម៉ោង៧យប់(ម៉ោងនៅកម្ពុជា)នៅកីឡដ្ឋាន KLFA Stadium។
បច្ចុប្បន្នក្រុម Pahang FA របស់ ចាន់ វឌ្ឍនាកា កំពុងឈរលេខរៀងទី២ដោយមាន១០ពិន្ទុក្រោយឈ្នះ៣ ស្មើ១ ចាញ់១ រីឯក្រុម Terengganu FC របស់ ធារី ចន្ថាប៊ីន ឈរលេខរៀងទី៥ដោយមាន៨ពិន្ទុក្រោយឈ្នះ២ ស្មើ២ ចាញ់១។ ចំណែកក្រុម PKNP របស់ កែវ សុខផេង ឈរលេខរៀងទី១០ដោយមាន៦ពិន្ទុក្រោយឈ្នះ២ ចាញ់៣ ខណៈក្រុម Negeri Sembilan របស់ ប្រាក់ មុន្នីឧត្តម ឈរបាតតារាងដោយមាន៣ពិន្ទុ ក្រោយ៥ប្រកួតឈ្នះ១ ចាញ់៤៕
សូមថ្លែងអំណរគុណដល់ក្រុមហ៊ុនដែលបានចូលរួមឧបត្ថម៖
១, ឥណទានគេហដ្ឋានរបស់ធនាគារ ស៊ីអាយអិមប៊ី ផ្តល់ជូនអត្រាការប្រាក់ 7.99% បន្ថែមជាមួយសេវាធានារ៉ាប់រងអាយុជីវិតរហូតដល់ 50,000 ដុល្លារអាមេរិក ដោយឥតគិតថ្លៃ។ សូមទំនាក់ទំនង 023 988 388 ។
២, រថយន្តប្រណីតម៉ាក Mercedes-Benz (មែសឺដេស-បិនស៍) ថ្មីៗឆ្នាំ២០១៨ កំពុងដាក់លក់នៅ ក្រុមហ៊ុន ស្តារ អូតូ (ខេមបូឌា) ខូអិលធីឌី ស្ថិតនៅមហាវិថីសម្តេច ហ៊ុន សែន ឬផ្លូវ៦០ម៉ែត្រ ភ្នំពេញ។ ទូរស័ព្ទផ្នែកលក់ 017 231 488 និងផ្នែកសេវាកម្ម ០11 726 988 ។
៣, ស្អាតដូចតារា ស្អាតបែបស៊ូណេ, ទូរស័ព្ទទំនាក់ទំនង៖ 017 800 150 / 098 5000 88 , ទីតាំងស្ថិតនៅផ្សារទំនើបសុវណ្ណា។
៤, រីករាយឆ្នាំថ្មី! បង្កើតបរិយាកាសដ៏រីករាយនៅក្នុងឆ្នាំថ្មីជាមួយ កូកា-កូឡា រសជាតិនៃអារម្មណ៍ស្រស់ស្រាយ។