ស្តេចអុកអង្គរសង្ក្រាន្ត៖ បូរ៉ា បាន២លើក សូណា, សៅឌី និងលឹមហេង ឈ្នះម្នាក់១លើក

កីឡាជាតិ

ជាតិ

សង្រ្កាន្តឆ្នាំថ្មី

ស្តេចអុកអង្គរសង្ក្រាន្ត៖ បូរ៉ា បាន២លើក សូណា, សៅឌី និងលឹមហេង ឈ្នះម្នាក់១លើក

19, Apr 2018 , 9:19 am

រូបភាព

កីឡាករ សុខ លឹមហេង ម្ចាស់ស្តេចអុកចត្រង្គអង្គរសង្ក្រាន្តប្រចាំឆ្នាំ២០១៨

ដោយ:

តំណែងស្តេចអុកចត្រង្គប្រចាំព្រឹត្តិការណ៍អង្គរសង្ក្រាន្ត បានផ្លាស់ប្តូរពីមួយឆ្នាំទៅមួយឆ្នាំ បើគិតចាប់ពីឆ្នាំ២០១៤មក។ នាព្រឹត្តិការណ៍អង្គរសង្ក្រាន្តដែលទើបបញ្ចប់កន្លងមកនេះ ជើងឯកអុកចត្រង្គ បានធ្លាក់ទៅលើកីឡាករ សុខ លឹមហេង និស្សិតឆ្នាំទី១នៃវិទ្យាស្ថានវ៉ាន់ដាគណនេយ្យ ក្រោយយកឈ្នះម្ចាស់ជើងឯកពីរជំនាន់ ឈាវ បូរ៉ា នៅវគ្គផ្តាច់ព្រ័ត្រ ខណៈស្តេចអុកចត្រង្គឆ្នាំចាស់ ហេង សៅឌី ធ្លាក់ត្រឹមវគ្គជម្រុះតាមពូល។

តាំងពីឆ្នាំ២០១៤ ដល់បច្ចុប្បន្ន មានតែកីឡាករ ឈាវ បូរ៉ា ម្នាក់ប៉ុណ្ណោះ ដែលអាចគ្រងតំណែងស្តេចអុកចត្រង្គប្រចាំព្រឹត្តិការណ៍អង្គរសង្ក្រាន្តបានពីរឆ្នាំជាប់គ្នា។ ប៉ុន្តែក្នុងរយៈពេល៣ឆ្នាំចុងក្រោយនេះ តំណែងស្តេចអុកចត្រង្គបានផ្លាស់ប្តូរម្ចាស់គ្រប់គ្រងថ្មីជារៀងរាល់ឆ្នាំ។ ជាក់ស្តែងនៅឆ្នាំ២០១៨នេះ ក្តីសុបិនក្នុងការក្លាយជាម្ចាស់ជើងឯកលើកទីបីរបស់ បូរ៉ា បានរងនូវការខកចិត្ត ដោយសាររូបគេបានចាញ់ សុខ លឹមហេង នៅវគ្គផ្តាច់ព្រ័ត្រ។

មុនឡើងជួបគ្នានៅវគ្គផ្តាច់ព្រ័ត្រ កីឡាករទាំងពីរបានយកឈ្នះគូប្រកួតរៀងៗខ្លួននាការប្រកួតវគ្គពាក់កណ្តាលផ្តាច់ព្រ័ត្រ ក្នុងនោះកីឡាករវ័យ១៩ឆ្នាំ សុខ លឹមហេង យកឈ្នះកីឡាករ ស៊ីវ ស៊ីន ដែលទទួលបានលេខ៤នៅឆ្នាំនេះ ខណៈកីឡាករ ឈាវ បូរ៉ា យកឈ្នះកីឡាករ ធឹម ឌីណា ម្ចាស់ចំណាត់ថ្នាក់លេខ៣។

នាការប្រកួតឆ្នាំ២០១៤ ដែលជាឆ្នាំដំបូងសម្រាប់វត្តមានកីឡាអុកចត្រង្គក្នុងព្រឹត្តិការណ៍អង្គរសង្ក្រាន្ត កីឡាករ ឈាវ បូរ៉ា បានគ្រងតំណែងស្តេចអុកចត្រង្គប្រចាំព្រឹត្តិការណ៍នេះដំបូងគេ។ ហើយរូបគេ បានបន្តក្តោបក្តាប់តំណែងស្តេចអុកនេះជាលើកទី២នៅឆ្នាំ២០១៥ មុនផ្លាស់ប្តូរម្ចាស់គ្រប់គ្រងថ្មីនៅឆ្នាំ២០១៦ ដោយកីឡាករ ហូយ សូណា។ នៅឆ្នាំ២០១៧ តំណែងស្តេចអុកចត្រង្គនេះបានផ្លាស់ប្តូរអ្នកគ្រប់គ្រងថ្មីម្តងទៀត គឺបានទៅលើកីឡាករ ហេង សៅឌី ដែលធ្លាក់ត្រឹមវគ្គជម្រុះនៅឆ្នាំ២០១៨ នេះ៕

កីឡាករ ឈាវ បូរ៉ា ពេលគ្រងជើងឯកស្តេចអុកប្រចាំព្រឹត្តិការណ៍អង្គរសង្ក្រាន្តឆ្នាំ២០១៤

កីឡាករ ឈាវ បូរ៉ា (ឆ្វេង)ពេលឡើងទទួលរង្វាន់លើកទឹកចិត្តពីលោក ហ៊ុន ម៉ានី សម្រាប់ចំណាត់ថ្នាក់លេខ២នៅឆ្នាំ២០១៨

កីឡាករ ហូយ សូណា ពេលគ្រងតំណែងស្តេចអុកចត្រង្គប្រចាំព្រឹត្តិការណ៍អង្គរសង្ក្រាន្តឆ្នាំ២០១៦

កីឡាករ ហេង សៅឌី (ស្តាំ)ម្ចាស់ស្តេចអុកចត្រង្គប្រចាំព្រឹត្តិការណ៍អង្គរសង្ក្រាន្តឆ្នាំ២០១៧

សុខ លឹមហេង ម្ចាស់ស្តេចអុកចត្រង្គអង្គរសង្ក្រាន្តប្រចាំឆ្នាំ២០១៨

សូមថ្លែងអំណរគុណដល់ក្រុមហ៊ុនដែលបានចូលរួមឧបត្ថម៖

១, ឥណទានគេហដ្ឋានរបស់ធនាគារ ស៊ីអាយអិមប៊ី ផ្តល់ជូនអត្រាការប្រាក់ 7.99% បន្ថែមជាមួយសេវាធានារ៉ាប់រងអាយុជីវិតរហូតដល់ 50,000 ដុល្លារអាមេរិក ដោយឥតគិតថ្លៃ។ សូមទំនាក់ទំនង 023 988 388 ។

២, រថយន្តប្រណីតម៉ាក Mercedes-Benz (មែសឺដេស-បិនស៍) ថ្មីៗឆ្នាំ២០១៨ កំពុងដាក់លក់នៅ ក្រុមហ៊ុន ស្តារ អូតូ (ខេមបូឌា) ខូអិលធីឌី ស្ថិតនៅមហាវិថីសម្តេច ហ៊ុន សែន ឬផ្លូវ៦០ម៉ែត្រ ភ្នំពេញ។ ទូរស័ព្ទផ្នែកលក់ 017 231 488 និងផ្នែកសេវាកម្ម ០11 726 988 ។

៣, ស្អាតដូចតារា ស្អាតបែបស៊ូណេ, ទូរស័ព្ទទំនាក់ទំនង៖ 017 800 150 / 098 5000 88 , ទីតាំងស្ថិតនៅផ្សារទំនើបសុវណ្ណា។

៤, រីករាយឆ្នាំថ្មី! បង្កើតបរិយាកាសដ៏រីករាយនៅក្នុងឆ្នាំថ្មីជាមួយ កូកា-កូឡា រសជាតិនៃអារម្មណ៍ស្រស់ស្រាយ។