អាជ្ញាធរ ឃាត់ខ្លួនជនជាតិវៀតណាម ២២នាក់ ដែលលួចឆ្លងដែនចូលកម្ពុជាខុសច្បាប់

ជាតិ

សង្គមជាតិ

អាជ្ញាធរ ឃាត់ខ្លួនជនជាតិវៀតណាម ២២នាក់ ដែលលួចឆ្លងដែនចូលកម្ពុជាខុសច្បាប់

18, Apr 2018 , 10:50 pm

រូបភាព

រូបពីអគ្គស្នងការនគរបាលជាតិ

ដោយ:

សមត្ថកិច្ចកម្ពុជា បានចុះឃាត់ខ្លួនជនជាតិវៀតណាមចំនួន ២២នាក់ ដែលលួចឆ្លងដែន និងស្នាក់នៅធ្វើការខុសច្បាប់។ នេះបើតាមការផ្សាយគេហទំព័រអគ្គស្នងការដ្ឋាននគរបាលជាតិ។

នគរបានជាតិបានស្រស់សម្ដីវរសេនីយ៍ទោ ជា ចិត្រា នាយការិយាល័យស៊ើបអង្កេតនិងអនុវត្តនីតិវិធី នៃស្នងការដ្ឋាននគរបាលរាជធានីភ្នំពេញ ឲ្យដឹងថា សមត្ថកិច្ចចម្រុះ បានចុះឃាត់ ជនជាតិវៀតណាម ២២នាក់ ដែលលួចឆ្លងដែន និងកំពុងស្នាក់នៅធ្វើការងារខុសច្បាប់ ចំនួន៣ទីតាំង។

នគរបាលជាតិ បានស្រស់សម្ដី លោក ជា ចិត្រា បន្តថា នៅពេលចាប់ឃាត់ខ្លួនជនជាតិវៀតណាមទាំងនោះ និងឆែកឆេររកឃើញថា បានប្រើប្រាស់ឯកសារមិនត្រឹមត្រូវ។ ក្រោយពីឃាត់ខ្លួនត្រូវបានបញ្ជូនទៅ អគ្គនាយកដ្ឋានអន្តោប្រវេសន៍ដើម្បីអនុវត្តទៅតាមនីតិវិធី។

ជនជាតិវៀតណាមដែលឃាត់ខ្លួនបាននេះ មាននៅសង្កាត់ស្រះចក ខណ្ឌដូនពេញ និងសង្កាត់ទួលសង្កែ១ ហើយនិងសង្កាត់ឫស្សីកែវ ខណ្ឌឬស្សីកែវ។ នេះបើតាមការបន្ថែម នាយការិយាល័យស៊ើបអង្កេតនិងអនុវត្តនីតិវិធី នៃស្នងការដ្ឋាននគរបាលរាជធានីភ្នំពេញ៕