ជាតិ
សេដ្ឋកិច្ច
រដ្ឋាភិបាលនឹងចាត់វិធានការលើក្រុមហ៊ុនប្រតិបត្តិករទូរគមនាគមន៍ ដែលមិនសងបំណុលរដ្ឋ
×![]()
ភ្នំពេញ៖ រដ្ឋាភិបាលប្រកាសទុកពេលត្រឹមថ្ងៃទី៣០ខែមេសាឆ្នាំនេះ ដើម្បីឲ្យក្រុមហ៊ុនប្រតិបត្តិករទូរគមនាគមន៍ ដែលជំពាក់បំណុលរដ្ឋ ធ្វើការសងបំណុល។ នេះបើតាមសេចក្ដីជូនដំណឹងរួមរបស់ក្រសួងសេដ្ឋកិច្ច និងហិរញ្ញវត្ថុ និងក្រសួងប្រៃសណីយ៍ និងទូរគមនាគមន៍ កាលពីដើមខែមេសានេះ។
ដោយមិនបានបញ្ជាក់ពីប្រភេទបំណុលអ្វី សេចក្ដីជូនដំណឹងខាងលើនេះ បានប្រកាសឲ្យក្រុមហ៊ុនប្រតិបត្តិករទូរគមនាគមន៍ទាំងអស់ ដែលជំពាក់បំណុលក្រសួងប្រៃសណីយ៍ និងទូរគមនាគមន៍, ទូរគមនាគមន៍កម្ពុជា និងនិយ័តករទូរគមនាគមន៍កម្ពុជា ត្រូវសងបំណុលទាំងអស់ យ៉ាងយូរត្រឹមថ្ងៃទី៣០ខែមេសាឆ្នាំ២០១៨ ជាកំហិត។
ផុតកាលកំណត់នេះ ក្រសួងទាំងពីរនេះ នឹងចាត់វិធានការតឹងរឹងជាបន្តបន្ទាប់។ សេចក្ដីជូនដំណឹងដដែលនេះ ឲ្យដឹងថា ក្រសួងនឹងប្រកាសឈ្មោះក្រុមហ៊ុន និងម្ចាស់ក្រុមហ៊ុនជាសាធារណៈ ព្រមទាំងចាត់វិធានការតាមផ្លូវច្បាប់ ដូចជាបង្កកគណនីនៅធនាគារពាណិជ្ច ព្យួរអាជ្ញាបណ្ណជាដើម៕
© រក្សាសិទ្ធិដោយ thmeythmey.com
