សេដ្ឋកិច្ចអន្តរជាតិ
អន្តរជាតិ
ចិនវាយប្រហារលើសហរដ្ឋអាមេរិក សហភាពអឺរ៉ុប និងសិង្ហបុរីពាក់ព័ន្ធនឹងករណីពាណិជ្ជកម្មកៅស៊ូ
×![]()
ដោយ: VOA
ប្រទេសចិនបានប្រកាសនៅថ្ងៃព្រហស្បតិ៍នេះថា ខ្លួននឹងចាត់វិធានការជាបណ្ដោះអាសន្នប្រឆាំងនឹងការលក់ទំនិញបង្ខូចថ្លៃចំពោះកៅស៊ូសំយោគដែលនាំចូលមកពីសហរដ្ឋអាមេរិក សហភាពអឺរ៉ុប និងប្រទេសសិង្ហបុរី។
ករណីនេះអាចបង្កឲ្យជម្លោះពាណិជ្ជកម្មរវាងប្រទេសចិន និងសហរដ្ឋអាមេរិកកាន់តែតានតឹងបន្ថែមទៀត ដោយភាគីនីមួយៗបានគំរាមគ្នាទៅវិញទៅមកក្នុងការយកពន្ធគយបន្ថែមទៀតលើទំនិញផ្សេងៗដែលមានទឹកប្រាក់រាប់ពាន់លានដុល្លារអាមេរិក។
ក្រសួងពាណិជ្ជកម្មចិនបានបញ្ជាក់ឡើងវិញថា ភាគីទាំងពីរមិនបានចរចាគ្នាលើបញ្ហានេះនោះទេ ដែលនេះជាអ្វីផ្ទុយពីការអះអាងរបស់ប្រធានាធិបតីសហរដ្ឋអាមេរិកលោក Donald Trump កាលពីសប្ដាហ៍មុនដែលថា ភាគីទាំងពីរបាន «ពិភាក្សាគ្នាយ៉ាងប្រសើរ» អំពីបញ្ហាពាណិជ្ជកម្មនោះ។
អ្នកនាំពាក្យក្រសួងពាណិជ្ជកម្មចិនលោក Gao Feng បានបញ្ជាក់នៅក្នុងសន្និសីទសារព័ត៌មានថា៖ «ភាគីទាំងពីរមិនបានធ្វើការពិភាក្សាទ្វេភាគីណាមួយអំពីការស៊ើបអង្កេតផ្អែកលើមាត្រាទី ៣០១ នៃច្បាប់ពាណិជ្ជកម្មរបស់សហរដ្ឋអាមេរិក ឬក៏អំពីបញ្ជីទំនិញចិនដែលត្រូវយកពន្ធដែលបានស្នើឡើងរបស់សហរដ្ឋអាមេរិកនោះទេ»។
ការស៊ើបអង្កេតផ្អែកលើមាត្រាទី ៣០១ នៃច្បាប់ពាណិជ្ជកម្មសហរដ្ឋអាមេរិកផ្ដោតលើអ្វីដែលរដ្ឋាភិបាលក្រុងវ៉ាស៊ីនតោនហៅថា ការរំលោភរបស់រដ្ឋាភិបាលក្រុងប៉េកាំងលើកម្មសិទ្ធិបញ្ញា ដែលក្នុងនោះមានទាំងការមិនគោរពចំពោះម្ចាស់ប៉ាតង់បរទេសផងដែរ។
សហរដ្ឋអាមេរិក និងប្រទេសសិង្ហបុរីគឺជាប្រភពធនធានកៅស៊ូសំយោគបរទេសដ៏ចម្បងបំផុតរបស់ប្រទេសចិន ដោយចិននាំចូលកៅស៊ូសំយោគនេះពីសហរដ្ឋអាមេរិកសរុបចំនួន ១៥៣ លានដុល្លារអាមេរិក និងពីសិង្ហបុរីសរុបចំនួន ១១៥ លានដុល្លារអាមេរិកកាលពីឆ្នាំមុន៕
សូមចុចទៅប្រភពដើម VOA ត្រង់នេះ
ករណីនេះអាចបង្កឲ្យជម្លោះពាណិជ្ជកម្មរវាងប្រទេសចិន និងសហរដ្ឋអាមេរិកកាន់តែតានតឹងបន្ថែមទៀត ដោយភាគីនីមួយៗបានគំរាមគ្នាទៅវិញទៅមកក្នុងការយកពន្ធគយបន្ថែមទៀតលើទំនិញផ្សេងៗដែលមានទឹកប្រាក់រាប់ពាន់លានដុល្លារអាមេរិក។
ក្រសួងពាណិជ្ជកម្មចិនបានបញ្ជាក់ឡើងវិញថា ភាគីទាំងពីរមិនបានចរចាគ្នាលើបញ្ហានេះនោះទេ ដែលនេះជាអ្វីផ្ទុយពីការអះអាងរបស់ប្រធានាធិបតីសហរដ្ឋអាមេរិកលោក Donald Trump កាលពីសប្ដាហ៍មុនដែលថា ភាគីទាំងពីរបាន «ពិភាក្សាគ្នាយ៉ាងប្រសើរ» អំពីបញ្ហាពាណិជ្ជកម្មនោះ។
អ្នកនាំពាក្យក្រសួងពាណិជ្ជកម្មចិនលោក Gao Feng បានបញ្ជាក់នៅក្នុងសន្និសីទសារព័ត៌មានថា៖ «ភាគីទាំងពីរមិនបានធ្វើការពិភាក្សាទ្វេភាគីណាមួយអំពីការស៊ើបអង្កេតផ្អែកលើមាត្រាទី ៣០១ នៃច្បាប់ពាណិជ្ជកម្មរបស់សហរដ្ឋអាមេរិក ឬក៏អំពីបញ្ជីទំនិញចិនដែលត្រូវយកពន្ធដែលបានស្នើឡើងរបស់សហរដ្ឋអាមេរិកនោះទេ»។
ការស៊ើបអង្កេតផ្អែកលើមាត្រាទី ៣០១ នៃច្បាប់ពាណិជ្ជកម្មសហរដ្ឋអាមេរិកផ្ដោតលើអ្វីដែលរដ្ឋាភិបាលក្រុងវ៉ាស៊ីនតោនហៅថា ការរំលោភរបស់រដ្ឋាភិបាលក្រុងប៉េកាំងលើកម្មសិទ្ធិបញ្ញា ដែលក្នុងនោះមានទាំងការមិនគោរពចំពោះម្ចាស់ប៉ាតង់បរទេសផងដែរ។
សហរដ្ឋអាមេរិក និងប្រទេសសិង្ហបុរីគឺជាប្រភពធនធានកៅស៊ូសំយោគបរទេសដ៏ចម្បងបំផុតរបស់ប្រទេសចិន ដោយចិននាំចូលកៅស៊ូសំយោគនេះពីសហរដ្ឋអាមេរិកសរុបចំនួន ១៥៣ លានដុល្លារអាមេរិក និងពីសិង្ហបុរីសរុបចំនួន ១១៥ លានដុល្លារអាមេរិកកាលពីឆ្នាំមុន៕
សូមចុចទៅប្រភពដើម VOA ត្រង់នេះ
© រក្សាសិទ្ធិដោយ thmeythmey.com
